德格《甘珠尔》D8

འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཀུན་རྫོབ་ཀྱི་བརྡས་ཐ་སྙད་དུ་སྤྱོད་པ་མ་གཏོགས་པར། སེམས་ཅན་གང་ཡང་མི་{དམྱིགས་,དམིགས་}ཏེ། ཤ་ར་དྭ་ཏིའི་བུ་དེ་ལ་བྱང་ཆུབ་

སེམས་དཔའ་སེམས་དཔའ་ཆེན་པོ་འདི་ལྟ་སྟེ། ཀུན་རྫོབ་ཀྱི་བདེན་པ་དང་། དོན་དམ་པའི་བདེན་པ་དང་། བདེན་པ་གཉིས་ལ་གནས་ནས། སེམས་ཅན་རྣམས་ལ་ཆོས་སྟོན་ཀྱང་ཤ་ར་དྭ་ཏིའི་བུ་བདེན་པ་གཉིས་ལ་སེམས་ཅན་དུ་{དམྱིགས་,དམིགས་}པ་{མྱེད་,མེད་}

དེ། སེམས་ཅན་དུ་གདགས་པ་ཡང་{མྱེད་,མེད་}དོ། །འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། སེམས་ཅན་རྣམས་ལ་ཆོས་སྟོན་ནི། དེས་སེམས་ཅན་དེ་དག་ཚེ་འདི་ཉིད་ལ་

བདག་ཏུ་{མྱི་,མི་}{དམྱིགས་,དམིགས་}ན། གང་ཐོབ་པར་བྱ་བ་དང་། གང་གིས་ཐོབ་པར་བྱ་བ་ལྟ་ཅི་སྨོས་ཏེ། ཤ་ར་དྭ་ཏིའི་བུ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཐབས་མཁས་པས། སེམས་

ཅན་རྣམས་ལ་ཆོས་སྟོན་ཏོ། །གསོལ་པ། བཅོམ་ལྡན་འདས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གང་ཡང་གཅིག་པ་འམ། ཐ་དད་པར་ཡང་{མྱི་,མི་}{དམྱིགས་,དམིགས་}པ་དེ་ལྟ་བུའི་གོ་ཆ་འཚལ་བ་དང་། གོ་ཆ་དེ་འཚལ་བས་འདོད་པའི་

ཁམས་ན་ཡང་{མྱི་,མི་}གདའ། གཟུགས་མཆིས་པའི་ཁམས་ན་ཡང་མི་གདའ། གཟུགས་མ་མཆིས་པའི་ཁམས་ན་ཡང་{མྱི་,མི་}གདའ། འདུས་བྱས་ཀྱི་ཁམས་ན་ཡང་{མྱི་,མི་}གདའ། འདུས་མ་བྱས་ཀྱི་ཁམས་ན་ཡང་{མྱི་,མི་}གདའ་ལ། སེམས་ཅན་རྣམས་

ཀྱང་ཁམས་གསུམ་ནས་འགྲེལ་ཅིང་། སེམས་ཅན་དུ་ཡང་{མྱི་,མི་}དམིགས། སེམས་ཅན་དུ་གདགས་པ་ཡང་{མྱི་,མི་}{དམྱིགས་,དམིགས་}པ་ནི་སྤྲོ་བ་ཆེན་པོ་དང་ལྡན་པ་སྟེ། སེམས་ཅན་དུ་གདགས་པ་མ་མཆིས་པས། སེམས་ཅན་བཅིངས་པ་དང་གྲོལ་བ་མ་མཆིས་