德格《甘珠尔》D8

ལམ་ལ་སྤྱོད་པར་འགྱུར་བ་འམ། རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར་བ་འམ། ཐོབ་བར་གྱུར་ནས་སེམས་ཅན་རྣམས་འཁོར་བ་ལས་ཡོངས་སུ་དགྲོལ་བར་འགྱུར་རོ་ཞེས་བྱ་བ་དེ་ལྟ་བུ་གང་ཡང་

མ་མཆིས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། ཇི་སྐད་དུ་སྨྲས་པ་བཞིན་ཏེ། རབ་འབྱོར་

དངོས་པོ་{མྱེད་,མེད་}པ་ལ་ནི་ལས་ཀྱང་{མྱེད,མེད}། བྱ་བ་ཡང་{མྱེད,མེད}། འབྲས་བུ་ཡང་{མྱེད་,མེད་}ན། འོན་ཀྱང་བྱིས་པ་སོ་སོའི་སྐྱེ་བོ། །འཕགས་པའི་ཆོས་ལ་{མྱི་,མི་}མཁས་པ་རྣམས་ཀྱིས་ཆོས་རྣམས་དངོས་པོ་{མྱེད་,མེད་}པའི་ངོ་བོ་ཉིད་དུ་{མྱི་,མི་}ཤེས་ཏེ།

ཕྱིན་ཅི་ལོག་ལས་བྱུང་བའི་སེམས་ཀྱིས་ལས་སྣ་ཚོགས་མངོན་པར་འདུ་བྱེད་པས། དེ་དག་གི་ལུས་རྣམ་པ་དེ་བཞིན་དུ་མངོན་པར་འགྲུབ་སྟེ། སེམས་ཅན་དམྱལ་བ་འམ། བྱོལ་སོང་གི་སྐྱེ་གནས་སམ། གཤིན་རྗེའི་

འཇིག་རྟེན་ནམ། {མྱི་,མི་}འམ། རྒྱལ་ཆེན་བཞིའི་རིས་ཀྱི་ལྷ་འམ། སུམ་ཅུ་རྩ་གསུམ་གྱི་ལྷ་འམ། མཚེ་མའི་ལྷ་འམ། དགའ་ལྡན་གྱི་ལྷ་འམ། འཕྲུལ་དགའི་ལྷ་འམ། གཞན་འཕྲུལ་དབང་བྱེད་ཀྱི་ལྷ་འམ།

ཚངས་རིས་ཀྱི་ལྷ་འམ། ཚངས་ལྷ་ཉེ་ཕན་གྱི་ལྷ་འམ། ཚངས་པ་ཀུན་འཁོར་གྱི་ལྷ་འམ། ཚངས་ཆེན་གྱི་ལྷ་འམ། སྣང་བའི་ལྷ་འམ། ཆུང་སྣང་གི་ལྷ་འམ། ཚད་{མྱེད་,མེད་}སྣང་བའི་ལྷ་འམ། ཀུན་སྣང་དང་

བའི་ལྷ་འམ། དགེ་བའི་ལྷ་འམ། ཆུང་དགེའི་ལྷ་འམ། ཚད་{མྱེད་,མེད་}དགེ་བའི་ལྷ་འམ། དགེ་རྒྱས་ཀྱི་ལྷ་འམ། ཆེ་བའི་ལྷ་འམ། ཆུང་ཆེའི་ལྷ་འམ། ཚད་{མྱེད་,མེད་}ཆེ་བའི་ལྷ་འམ། འབྲས་བུ་ཆེ་བའི་ལྷ་འམ། {མྱི་,མི་}