完整藏文原文 · 德格版页 当前仅加载第 25 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་ཡང་གཞན་ནོ་སྙམ་དུ་མ་སེམས་ཤིག། སྦྱིན་བདག་ཀྱང་གཞན་ལ། ལེན་པ་ཡང་གཞན་ནོ། །སྙམ་དུ་མ་སེམས་ཤིག། རིགས་ཀྱི་བུ་ཁྱོད་ནམ་སྦྱིན་པ་ཡང་གཞན་ལ། སྦྱིན་པའི་འབྲས་བུ་ཡང་གཞན་ནོ་སྙམ་དུ་{མྱི་,མི་}སེམས།
D8.025.0124b01.01སྦྱིན་བདག་ཀྱང་གཞན་ལ་ལེན་པ་ཡང་གཞན་ནོ་སྙམ་དུ་{མྱི་,མི་}སེམས་པ་དེའི་ཚེ། ཁྱོད་ཀྱི་སྦྱིན་པ་འདི་བདུད་རྩི་དང་། བདུད་རྩིའི་འབྲས་བུ་དང་། མཐར་བདུད་རྩིར་འགྱུར་ཏེ། སྦྱིན་པ་འདིས་གཟུགས་ཡོངས་སུ་མ་འཛིན་ཅིག། ཚོར་བ་དང་།
D8.025.0124b02.01འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡོངས་སུ་མ་འཛིན་ཅིག། དེ་ཅིའི་ཕྱིར་ཞེ་ན། འདི་ལྟར་ཁྱོད་ཀྱི་སྦྱིན་པ་འདི་ནི་སྦྱིན་པས་སྟོང་ངོ་། །དེའི་འབྲས་བུ་ཡང་འབྲས་བུས་སྟོང་ངོ་། །སྦྱིན་བདག་ཀྱང་སྦྱིན་བདག་གིས་སྟོང་ངོ་། །
D8.025.0124b03.01ལེན་པ་ཡང་ལེན་པས་སྟོང་སྟེ། སྟོང་པ་ཉིད་ལ་ནི་སྦྱིན་པ་{མྱི་,མི་}{དམྱིགས,དམིགས}། སྦྱིན་པའི་འབྲས་བུ་དང་། སྦྱིན་བདག་དང་། ལེན་པ་{མྱི་,མི་}{དམྱིགས་,དམིགས་}སོ། །དེ་ཅིའི་ཕྱིར་ཞེ་ན། འདི་ལྟར་ཆོས་དེ་དག་ནི་ངོ་བོ་ཉིད་ཀྱིས་ཤིན་ཏུ་སྟོང་ངོ་ཞེས་རྗོད་དོ། །གཞན་
D8.025.0124b04.01ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཆོ། ཐབས་མཁས་པས་སེམས་ཅན་རྣམས་ཚུལ་ཁྲིམས་ལ་འགོད་དོ། །ཚུར་རིགས་ཀྱི་བུ་སྲོག་གཅོད་པ་སྤོངས་ལ། སྲོག་གཅོད་པ་
D8.025.0124b05.01ལས་ཕྱིར་ལྡོག་པར་གྱིས་ཤིག། མ་བྱིན་པར་ལེན་པ་སྤོངས་ལ། མ་བྱིན་པར་ལེན་པ་ལས་ཕྱིར་ལྡོག་པར་གྱིས་ཤིག། འདོད་པས་ལོག་པར་གཡེམ་པ་སྤོངས་ལ། འདོད་པས་ལོག་པར་གཡེམ་པ་ལས་ཕྱིར་ལྡོག་པར་གྱིས་ཤིག །རྫུན་དུ་
D8.025.0124b06.01སྨྲ་བ་སྤོངས་ལ། {བརྫུན་,རྫུན་}དུ་སྨྲ་བ་ལས་ཕྱིར་ལྡོག་པར་གྱིས་ཤིག། ཕྲ་མ་སྤོངས་ལ། ཕྲ་མ་ལས་ཕྱིར་ལྡོག་པར་གྱིས་ཤིག། ཞེ་གཅོད་པའི་ཚིག་སྤོངས་ལ། ཞེ་གཅོད་པའི་ཚིག་ལས་ཕྱིར་ལྡོག་པར་གྱིས་ཤིག། ཚིག་ཀྱལ་པ་སྤོངས་ལ།
D8.025.0124b07.01