德格《甘珠尔》D8

གང་ལགས་པ་དེ་ཉིད་ཆོས་མཉམ་པ་ཉིད་དེ། ཆོས་དེ་དག་ཐམས་ཅད་ནི་ལྡན་པ་ཡང་མ་ལགས། {མྱི་,མི་}ལྡན་པ་ཡང་མ་ལགས། གཟུགས་མ་མཆིས་པ་བསྟན་དུ་མ་མཆིས་པ། ཐོགས་པ་མ་མཆིས་པ་མཚན་ཉིད་གཅིག་

པ་སྟེ། འདི་ལྟར་མཚན་ཉིད་མ་མཆིས་པའོ། །དེ་ལྟར་ཆོས་རྣམས་མཚན་ཉིད་མ་མཆིས་པ་ལ་འདི་ནི་སོ་སོའི་སྐྱེ་བོའོ། །འདི་ནི་རྒྱུན་ཏུ་ཞུགས་པའོ། །འདི་ནི་ལན་ཅིག་ཕྱིར་འོང་བའོ། །འདི་ནི་ཕྱིར་{མྱི་,མི་}

འོང་བའོ། །འདི་ནི་དགྲ་བཅོམ་པའོ། །འདི་ནི་རང་སངས་རྒྱས་སོ། །འདི་ནི་བྱང་ཆུབ་སེམས་དཔའོ། །འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ་ཞེས་རྣམ་པར་དགོད་

པར་བགྱི་བ་དེ་ནི་བཅོམ་ལྡན་འདས་ཀྱི་ཡུལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། མཚན་ཉིད་{མྱེད་,མེད་}པའི་ཆོས་རྣམས་རྣམ་པར་དགོད་པ་དེ་ནི་དེ་བཞིན་

གཤེགས་པའི་ཡུལ། དེ་ནི་དེ་བཞིན་གཤེགས་པའི་མཐུའོ། །རབ་འབྱོར་དེ་ཇི་སྙམ་དུ་སེམས། དེ་སྟེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་ཏུ་མངོན་པར་རྫོགས་

པར་སངས་མ་རྒྱས་ལ། མངོན་པར་རྫོགས་པར་སངས་མ་རྒྱས་པའི་ཕྱིར། ཆོས་རྣམས་རྣམ་པར་དགོད་པ་མ་མཛད་ན། སེམས་ཅན་དམྱལ་བ་ཡོད་པར་མངོན་ནམ། བྱོལ་སོང་གི་སྐྱེ་གནས་ཡོད་པར་

མངོན་ནམ། གཤིན་རྗེའི་འཇིག་རྟེན་ཡོད་པར་མངོན་ནམ། {མྱི་,མི་}ཡོད་པར་མངོན་ནམ། རྒྱལ་ཆེན་བཞིའི་རིས་ཀྱི་ལྷ་ཡོད་པར་མངོན་ནམ། སུམ་ཅུ་རྩ་གསུམ་གྱི་ལྷ་ཡོད་པར་མངོན་ནམ། མཚེ་མའི་ལྷ་རྣམས་