完整藏文原文 · 德格版页 当前仅加载第 57 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བོ་གཅིག་པོ། །བཅོམ་ལྡན་འདས་ནི་རང་བྱུང་བ་སྟེ་སློབ་དཔོན་མེད་པར་ཆོས་ཐམས་ཅད་རང་གིས་མངོན་པར་རྫོགས་པར་སངས་རྒྱས་པ། བཅོམ་ལྡན་འདས་ནི་འདྲེན་པ་སྟེ་འདྲེན་པ་མེད་པ་དང་ལམ་ངན་པར་ཞུགས་པ་རྣམས་ལ་ཡང་དག་པའི་ལམ་སྟོན་པ། བཅོམ་ལྡན་འདས་ནི་སྨན་
D148.057.0250b01.01པའི་རྒྱལ་པོ་སྟེ་ཐོག་མ་དང་ཐ་མ་མ་མཆིས་པའི་འདོད་པ་དང་། ཉོན་མོངས་པ་དང་། ཀུན་དུ་བསྒྲིབས་པ་དང་། ཤིན་ཏུ་བསྒྲིབས་པ་དང་། ཀུན་ནས་ལྡང་བས་བསྒྲིབས་པའི་འཇིག་རྟེན་གནས་པ་རྣམས་ནད་མ་མཆིས་པ་འཆི་བ་མ་མཆིས་པའི་གནས་ཀྱི་ལམ་ལ་རབ་ཏུ་འགོད་པ། བཅོམ་
D148.057.0250b02.01ལྡན་འདས་ནི་སྟོབས་དང་དྲག་ཤུལ་འཆང་བ་སྟེ་གནས་དང་གནས་མ་ཡིན་པ་མཁྱེན་པ་ལ་མཁས་ཤིང་གསུམ་རིག་པའི་རིག་པ་བརྙེས་པ། བཅོམ་ལྡན་འདས་ནི་མི་འཇིགས་པ་ཆེན་པོ་བརྙེས་པ་སྟེ་ཟག་པ་ཟད་ཅིང་མཉམ་པ་ཉིད་མངོན་པར་རྫོགས་པར་སངས་རྒྱས་ཏེ་ཀུན་ནས་ཉོན་མོངས་པ་
D148.057.0250b03.01མེད་པ་དང་རྣམ་པར་བྱང་བ་མཁྱེན་པ་ལ་མཁས་པ། ལྷ་དང་བཅས་པའི་འཇིག་རྟེན་གྱི་མདུན་དུ་ཁྱུ་མཆོག་སེང་གེའི་སྒྲ་སྒྲོགས་པ། བཅོམ་ལྡན་འདས་ནི་སངས་རྒྱས་ཀྱི་ཆོས་མ་འདྲེས་པ་དང་ལྡན་པ་སྟེ་དུས་གསུམ་ལ་ཐོགས་པ་མེད་པའི་ཡེ་ཤེས་ཅན་བཅོམ་ལྡན་འདས་ནི་སྐུ་དང་གསུང་
D148.057.0250b04.01དང་ཐུགས་ཡོངས་སུ་དག་པ་སྟེ་འཁྲུལ་པ་དང་ཅ་ཅོ་མི་མངའ་བ། སྙོམས་པར་འཇུག་པ་ཐམས་ཅད་དང་རྣམ་པར་གྲོལ་བའི་ཡེ་ཤེས་གཟིགས་པ། བཅོམ་ལྡན་འདས་ནི་བྱམས་པ་ཆེན་པོ་ལ་གནས་པ་སྟེ་ཞེ་འགྲས་པ་མེད་པའི་བློ་དང་ལྡན་པ། སེམས་ཅན་ཐམས་ཅད་ལ་སེམས་
D148.057.0250b05.01སྙོམས་པ། ནམ་མཁའ་དང་མཚུངས་པའི་འོད་ཟེར་གྱིས་གཟིགས་པའི་སྤྱན་དང་ལྡན་པ། བཅོམ་ལྡན་འདས་ནི་ཐུགས་རྗེ་ཆེན་པོ་ལ་གནས་པ་སྟེ་ལེགས་པར་བྱས་པ་དང་། ཉེས་པར་བྱས་པ་དང་། བདེ་བ་དང་སྡུག་བསྔལ་བས་མི་བསྐྱོད་པ། སེམས་ཅན་ཐམས་ཅད་ལ་མཉམ་
D148.057.0250b06.01པར་འཇུག་པའི་བློ་དང་ལྡན་པ། བཅོམ་ལྡན་འདས་ནི་སངས་རྒྱས་ཐམས་ཅད་དང་མཉམ་པ་སྟེ་མཉམ་པའི་ཡེ་ཤེས་གཉིས་སུ་མེད་པ་ལ་ཞུགས་པ། བཅོམ་ལྡན་འདས་ནི་བྱེ་བྲག་མེད་པ་སྟེ་ནམ་མཁའ་ལྟ་བུར་ཤིན་ཏུ་རྣམ་པར་དག་ཅིང་སེམས་ཅན་ཐམས་ཅད་ལ་མཉམ་པར་སྦྱོར་
D148.057.0250b07.01