完整藏文原文 · 德格版页 当前仅加载第 57 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དཔེར་ན་རྟ་དང་། གླང་པོ་ཆེ་དང་། མི་རྣམས་ཀྱི་སྒྲ་བྲག་ཅར་མི་འཕོ་མོད་ཀྱི་དེའི་རྒྱུས་བྲག་ཅའི་སྒྲ་ཡང་འབྱུང་བ་དེ་བཞིན་དུ། སངས་རྒྱས་ཀྱི་སྤོབས་པ་གང་དུ་ཡང་མི་འཕོ་མོད་ཀྱི་དེའི་རྒྱུས་སྤོབས་པར་ཡང་འགྱུར་རོ། །རིན་ཆེན་དཔལ་གྱིས་སྨྲས་པ། རིགས་ཀྱི་བུ་རྟེན་ཅིང་འབྲེལ་
D148.057.0304b01.01པར་འབྱུང་བ་ནི་ཟབ་བོ། །སྨྲས་པ། འདི་ལྟར་འདི་ལ་ཆོས་གང་ཡང་མི་སྐྱེའོ། །སྨྲས་པ། རིགས་ཀྱི་བུ་ཅི་ཆོས་ཐམས་ཅད་རྟེན་ཅིང་འབྲེལ་བར་འབྱུང་བ་མ་ཡིན་ནམ། སྨྲས་པ། གལ་ཏེ་རྐྱེན་རྣམས་ལ་བྱེད་པ་པོ་འགའ་ཞིག་ཡོད་པར་གྱུར་ན་ནི་ཆོས་རྣམས་སྐྱེ་བར་ཡང་འགྱུར་ན། རྐྱེན་
D148.057.0304b02.01རྣམས་ལ་བྱེད་པ་པོ་གང་ཡང་མི་དམིགས་པས་དེའི་ཕྱིར་ཆོས་ཐམས་ཅད་ལ་བྱེད་པ་པོ་དམིགས་སུ་མེད་དོ། །སྨྲས་པ། རིགས་ཀྱི་བུ་ཅི་དེ་བཞིན་གཤེགས་པ་མ་བྱུང་ངམ། སྨྲས་པ། གལ་ཏེ་དེ་བཞིན་ཉིད་བྱུང་ན་ནི་དེ་བཞིན་གཤེགས་པ་ཡང་འབྱུང་བར་འགྱུར་ན་དེ་བཞིན་ཉིད་ནི་འབྱུང་བར་མི་འདོད་
D148.057.0304b03.01དོ། །དེ་ཅིའི་ཕྱིར་ཞེ་ན། དེ་བཞིན་ཉིད་ནི་སྐྱེ་བ་མེད་པས་རབ་ཏུ་ཕྱེ་བ་སྟེ། དེ་བཞིན་ཉིད་ཇི་ལྟ་བར་ཆོས་ཐམས་ཅད་ཀྱང་དེ་བཞིན་ཏེ་དེ་ཐུགས་སུ་ཆུད་པས་ན་དེ་བཞིན་གཤེགས་པ་ཞེས་བྱའོ། །སྨྲས་པ། རིགས་ཀྱི་བུ་ཅི་དེ་བཞིན་གཤེགས་པ་བྱུང་ངམ། སྨྲས་པ། དེ་འདི་འདྲ་བ་འདི་ནི་གཞག་
D148.057.0304b04.01པར་བྱ་བའོ། །སྨྲས་པ། གཞག་པར་བྱ་བ་དེ་གང་། སྨྲས་པ། ཆོས་ཀྱི་དབྱིངས་ཇི་ལྟར་གནས་པ་བཞིན་ནོ། །སྨྲས་པ། ཆོས་ཀྱི་དབྱིངས་ཀྱི་གནས་ཇི་ལྟ་བུ། སྨྲས་པ། སྐྱེ་བའི་གནས་མ་ཡིན། འཇིག་པའི་གནས་མ་ཡིན་ཏེ། གནས་ཀྱང་མ་ཡིན་གནས་མེད་པ་ཡང་མ་ཡིན་པ་འདི་
D148.057.0304b05.01ལྟ་བུའི་གནས་ནི་ཆོས་ཀྱི་དབྱིངས་ཀྱི་གནས་སོ། །ཆོས་ཀྱི་དབྱིངས་ཀྱི་གནས་ཇི་ལྟ་བར་ཆོས་ཐམས་ཅད་ཀྱི་གནས་ཀྱང་དེ་བཞིན་ནོ། །ཆོས་ཐམས་ཅད་ཀྱི་གནས་གང་ཡིན་པ་དེ་ནི་གནས་མ་ཡིན་ཏེ། གང་གནས་མ་ཡིན་པ་དེ་ལ་སྐྱེ་བའི་གནས་གང་ཡང་མེད། འཇིག་པའི་གནས་ཀྱང་
D148.057.0304b06.01མེད་པས་གནས་ཀྱང་མ་ཡིན། གནས་མ་ཡིན་པ་ཡང་མ་ཡིན་ཏེ། དེ་ལྟ་བུའི་གནས་ནི་དེ་བཞིན་གཤེགས་པའི་གནས་སོ། །དེ་བཞིན་གཤེགས་པའི་གནས་གང་ཡིན་པ་དེ། སྐྱེ་བའི་གནས་སུ་ཡང་མི་འདོད་དེ། འགོག་པའི་གནས་སུ་ཡང་མ་ཡིན་ནོ། །འདི་ལྟར་རིགས་ཀྱི་བུ་དེ་
D148.057.0304b07.01