完整藏文原文 · 德格版页 当前仅加载第 57 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
དག་བསྐུལ་བ་ཐོས་པ་དག །དེ་དག་དམ་ཆོས་སྤོང་བར་འགྱུར། །དགེ་སློང་གང་དག་དམ་པའི་ཆོས། །རབ་ཏུ་འཛིན་པར་འབྱུང་འགྱུར་ཏེ། །དེ་དག་བཞིན་དུ་ཚུལ་འཆོས་ཀྱང་། །གང་ཡང་ཆོས་འདི་མི་ཉན་ཏོ། །རྒྱལ་པོ་རྣམས་ཀྱང་སླུ་བར་བགྱིད། །སྐྱེ་བོ་ཆེན་
D148.057.0324a01.01པོ་འབྱེད་འགྱུར་ཡང་། །སངས་རྒྱས་ཀྱི་ནི་བྱིན་རླབས་ཀྱིས། །སེམས་ཅན་དེ་རྟག་ཆོས་ཉན་འགྱུར། །དུས་ངན་དེ་ཚེ་བདག་ཅག་རྣམས། །སེམས་ཅན་དག་ལ་སྨན་སླད་དུ། །ལུས་དང་སྲོག་ཀྱང་རབ་བཏང་སྟེ། །དམ་པའི་ཆོས་ནི་གཟུང་བར་བགྱི། །འཇིག་པ་ཆེན་པོའི་དུས་དེ་
D148.057.0324a02.01ན། །ཚིག་ཙམ་དུ་ནི་མ་ལགས་ཀྱི། །སྒྲུབ་པ་སྙིང་པོར་བགྱིད་པར་ཡང་། །མགོན་པོས་བདག་ཅག་བསམ་པ་མཁྱེན། །དམ་ཆོས་འདི་ནི་ཡོངས་བཟུང་ན། །བསོད་ནམས་ཚོགས་ནི་ཇི་ཙམ་མཆིས། །ཆོས་ཀྱི་རྒྱལ་པོ་འོད་མཛད་པ། །འཇིག་རྟེན་སྣང་བར་མཛད་ལ་ཞུ། །
D148.057.0324a03.01དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། རིགས་ཀྱི་བུ་འདི་ལྟ་སྟེ་དཔེར་ན། ཤར་ཕྱོགས་ཀྱི་སྟོང་སུམ་ཅུའི་འཇིག་རྟེན་གྱི་ཁམས་རེ་རེ་ཡང་རྡུལ་ཕྲ་རབ་ཀྱི་ཆར་རྡུལ་ཕྲ་རབ་ཀྱི་རྡུལ་དུ་བཤིག་ལ། དེ་བཞིན་དུ་ལྷོ་དང་། ནུབ་དང་།
D148.057.0324a04.01བྱང་དང་། སྟེང་དང་། འོག་དང་། ཕྱོགས་བཅུ་ཀུན་དུ་སྟོང་སུམ་ཅུའི་འཇིག་རྟེན་གྱི་ཁམས་རེ་རེ་ཡང་རྡུལ་ཕྲ་རབ་ཀྱི་རྡུལ་དུ་བཤིག་སྟེ། དེ་ནས་རྡུལ་ཕྲ་རབ་དེ་དག་ཐམས་ཅད་ཇི་སྙེད་པར་ཤར་ཕྱོགས་སུ་སངས་རྒྱས་ཀྱི་ཞིང་དེ་སྙེད་འདས་ཤིང་རྡུལ་ཕྲ་རབ་ཀྱི་རྡུལ་གཅིག་བཞག་ལ།
D148.057.0324a05.01ཚུལ་དེ་ལྟ་བུར་ཤར་ཕྱོགས་སུ་རྡུལ་ཕྲ་རབ་དེ་ཐམས་ཅད་ཟད་ཟད་དུ་བཞག་ཀྱང་། ཤར་ཕྱོགས་ཀྱི་སངས་རྒྱས་ཀྱི་ཞིང་གི་མཐར་ཐུག་པ་གང་ཡང་མེད་དོ། །ཤར་ཕྱོགས་སུ་ཇི་ལྟ་བ་དེ་བཞིན་དུ་ཕྱོགས་བཅུ་ཀུན་གྱི་ཕྱོགས་རེ་རེར་ཡང་སངས་རྒྱས་ཀྱི་ཞིང་དེ་སྙེད་དོ། །རིགས་ཀྱི་བུ་འདི་ཇི་
D148.057.0324a06.01སྙམ་དུ་སེམས། ཕྱོགས་བཅུའི་སངས་རྒྱས་ཀྱི་ཞིང་དེ་དག་གི་རྡུལ་ཕྲ་རབ་རྣམས་ཚུལ་དེ་ལྟ་བུས་ཕྱོགས་བཅུར་བཞག་པ་ལས་ཚད་དམ་མཐའ་རྟོགས་པར་ནུས་སམ། གསོལ་པ། བཅོམ་ལྡན་འདས་དེ་ནི་མི་ནུས་སོ། །གཞན་དུ་ན་དེ་བཞིན་གཤེགས་པས་སངས་རྒྱས་ཀྱི་
D148.057.0324a07.01