完整藏文原文 · 德格版页 当前仅加载第 57 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དམ་པའི་ཆོས་ཡོངས་སུ་བཟུང་བས་དེ་བཞིན་གཤེགས་པ་ཁྱོད་ལ་རྗེས་སུ་ཡི་རང་ངོ་། །ཇི་ལྟར་ངས་ད་ལྟར་བསྐོར་བ་བཞིན་དུ་ཚངས་པ་ཁྱོད་ཀྱིས་ཀྱང་རིང་པོར་མི་ཐོགས་པར་ཆོས་ཀྱི་འཁོར་ལོ་རབ་ཏུ་བསྐོར་བར་འགྱུར་རོ། །ཇི་ལྟར་ཁྱོད་ཀྱིས་ད་ལྟར་ངའི་དམ་པའི་ཆོས་ཡོངས་སུ་བཟུང་བ་དེ་བཞིན་
D148.057.0327b01.01དུ་ཚངས་པ་གཞན་དག་ཀྱང་ཁྱོད་ཀྱི་དམ་པའི་ཆོས་འཛིན་པར་འགྱུར་རོ། །དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། བྱམས་པ་ཇི་ཙམ་དུ་གཟུང་བ་དང་། བཅང་བ་དང་། བཀླག་པ་དང་། གཞན་དག་ལ་ཡང་རྒྱ་ཆེར་ཡང་དག་པར་
D148.057.0327b02.01རབ་ཏུ་བསྟན་པར་བྱ་བ་དང་། དེ་བཞིན་གཤེགས་པ་ལ་བྱས་པ་གཟོ་ཞིང་བྱས་པ་ཤེས་པ་བསྐྱེད་པ་དང་། བདག་གི་བསམ་པ་ཡོངས་སུ་རྫོགས་པར་བྱ་བ་དང་། སེམས་ཅན་རྣམས་ཀྱི་དགེ་བའི་རྩ་བ་རྒྱས་པ་རྣམ་པར་དག་པར་བྱ་བ་དང་། བྱང་ཆུབ་སེམས་དཔའ་རྣམས་ཆོས་སྣང་བ་ཐོབ་པར་
D148.057.0327b03.01བྱ་བ་དང་། བདུད་ཐམས་ཅད་ཚར་གཅད་པ་དང་། མུ་སྟེགས་ཅན་ཐམས་ཅད་གཞོམ་པ་དང་། དོན་དམ་པའི་ཆོས་ཡོངས་སུ་གཟུང་བ་དང་། དཀོན་མཆོག་གསུམ་གྱི་རིགས་མི་ཆད་པར་བྱ་བའི་ཕྱིར་བསྐལ་པ་བྱེ་བ་ཕྲག་གྲངས་མེད་པར་ཡང་དག་པར་བསྒྲུབས་པའི་བླ་ན་མེད་པ་ཡང་དག་
D148.057.0327b04.01པར་རྫོགས་པའི་བྱང་ཆུབ་འདི་ཁྱོད་ལ་ཡོངས་སུ་གཏད་དོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་སླད་དུ་བླ་ན་མེད་པའི་
D148.057.0327b05.01ཆོས་དཀོན་མཆོག་གི་མཛོད་འདི་བསྲུང་བར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ནི་བདག་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ལགས་སོ། །བཅོམ་ལྡན་འདས་བདག་དགའ་ལྡན་གྱི་གནས་ན་
D148.057.0327b06.01མཆིས་ཏེ། འདི་ལྟ་བུའི་མདོ་སྡེ་དག་ཀུན་དུ་བསྲུང་བ་དང་། ཡོངས་སུ་གཟུང་བ་དང་། ཡུན་རིང་དུ་གནས་པར་བགྱི་བའི་སླད་དུ་ནན་ཏན་བགྱིའོ། །བཅོམ་ལྡན་འདས་སླད་མའི་ཚེ་སླད་མའི་དུས་ན་འདི་ལྟ་བུའི་མདོ་སྡེ་དམ་པ་སུའི་རྣ་བར་གྲག་པར་འགྱུར་བ་དང་། ཐོས་ནས་འཛིན་པ་དང་།
D148.057.0327b07.01