完整藏文原文 · 德格版页 当前仅加载第 57 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ནི་ཆགས་པ་མི་མངའ་ཞིང་སྒྲིབ་པ་མི་མངའ་བ། བསྟན་པ་འདི་ནི་རྒྱུན་མི་འཆད་པ། དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་སེམས་ལ་གཟིགས་ཤིང་དབང་པོ་མཆོག་དང་མཆོག་མ་ཡིན་པ་མཁྱེན་པའི་ཡེ་ཤེས་
D148.057.0281b01.01ལ་མཁས་པའོ། །བཅོམ་ལྡན་འདས་ཀྱིས་འདི་འདྲ་བའི་ཆོས་ཀྱི་ཚུལ་གྱི་རྣམ་པ་བསྟན་པ་དེས་འཁོར་ཐམས་ཅད་ཀྱི་སེམས་ཚིམས་པར་གྱུར་ཏོ། །ཐེག་པ་ཆེན་པོ་འདི་ཡང་རྒྱས་པར་རྗོད་པ་མཛད་པར་གྱུར་ཏོ། །ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་འདི་དག་ལ་
D148.057.0281b02.01ཡང་ཆོས་ཀྱི་སྣང་བ་ཆེན་པོས་རྒྱས་པར་མཛད་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པས་བདག་ལ་ཡང་ཆོས་འབྱུང་བའི་སྒོ་བསྟན་པས་ཆོས་འབྱུང་བའི་སྒོ་དེས་ཆོས་འབྱུང་བའི་སྒོ་ཚད་མ་མཆིས་པ་བསྟན་པར་བགྱིའོ།། །།འཕགས་པ་ནམ་མཁའ་མཛོད་ཀྱིས་ཞུས་
D148.057.0281b03.01པ། བམ་པོ་བཞི་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་བར་སྤོབས་པ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ། འདུག་པ་དེས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་ཁྱོད་ཀྱི་མིང་ནམ་མཁའ་མཛོད་ཅེས་བྱ་བ་
D148.057.0281b04.01དེ། ཅི་ནམ་མཁའ་ཁྱོད་ཀྱི་མཛོད་དམ། སྨྲས་པ། རིགས་ཀྱི་བུ་དེ་བཞིན་ཏེ། ནམ་མཁའ་ནི་ཁོ་བོའི་མཛོད་དོ། །མྱུར་བར་སྤོབས་པས་སྨྲས་པ། རིགས་ཀྱི་བུ་ནམ་མཁའ་མཛོད་ཀྱི་བྱེ་བྲག་བདག་ཅག་གིས་ཀྱང་བལྟའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་
D148.057.0281b05.01ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་ནམ་མཁའ་མཛོད་ཀྱི་ཁྱད་པར་སྟོན་ཅིག །དེ་ནས་བྱང་ཆུབ་སེམས་དཔའ་ནམ་མཁའ་མཛོད་ཀྱིས་བྱང་ཆུབ་སེམས་དཔའ་མྱུར་བར་སྤོབས་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱི་ཡིད་ལ་གང་འདོད་པ་དེ་ཁོ་བོས་ནམ་མཁའ་ལས་
D148.057.0281b06.01ཆར་དབབ་བོ། །དེ་ནས་བྱང་ཆུབ་སེམས་དཔའ་མྱུར་བར་སྤོབས་པ་འདི་སྙམ་དུ་སེམས་ཏེ། དེ་བཞིན་གཤེགས་པ་རིན་པོ་ཆེ་ཨུད་པ་ལའི་དཔལ་གྱི་འཇིག་རྟེན་གྱི་ཁམས་པད་མ་བཀོད་པ་ཞེས་བྱ་བ་ན། འོད་ཐམས་ཅད་རྣམ་པར་སྣང་བ་ཞེས་བྱ་བའི་པད་མ་རྒྱ་ནི་རྒྱང་གྲགས་ཀྱི་ཚད། འདབ་མ་བྱེ་བ་སྟོང་ཕྲག་
D148.057.0281b07.01