完整藏文原文 · 德格版页 当前仅加载第 57 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་རྗེས་སུ་འགྲོ་བའི་མཐའ་སྟེ། ཆོས་ཐམས་ཅད་ནི་མཐའ་དེར་ཕྱིན་པར་སྣང་ངོ་། །དེ་ཅིའི་ཕྱིར་ཞེ་ན། ནམ་མཁའི་ཆ་ཤས་གཤེགས་པའི་མཐའ་ནི་མཐའ་འདི་སྟེ། ཇི་ལྟར་ནམ་མཁའ་ཀུན་དུ་ཡོངས་སུ་ཆད་པའི་མཐའ་མ་ཡིན་པ་དེ་བཞིན་དུ་ཡང་དག་པའི་མཐའ་ལ་ཆོས་ཐམས་ཅད་ཀྱི་མཐའ་
D148.057.0305b01.01མེད་དོ། །ཡང་དག་པའི་མཐའ་གང་ཡིན་པ་དེ་ནི་བདག་གི་མཐའ་སྟེ། བདག་གི་མཐའ་རྗེས་སུ་ཤེས་པས་སེམས་ཅན་ཐམས་ཅད་ཀྱི་མཐའ་རྗེས་སུ་ཤེས་པ་ཁོང་དུ་ཆུད་པར་བྱའོ། །གང་སེམས་ཅན་ཐམས་ཅད་ཀྱི་མཐའ་དེར་ཆོས་ཐམས་ཅད་ཀྱི་མཐའང་འདུས་ཏེ། དེའི་ཕྱིར་ཆོས་ཐམས་ཅད་
D148.057.0305b02.01ནི་ཟད་པའི་མཐའ་ཟད་པའི་མུ། ཟད་པའི་མཐར་ཐུག་པ་ཞེས་བྱའོ། །ཟད་ཅེས་བྱ་བ་དེ་ནི་མྱ་ངན་ལས་འདས་པའི་མིང་{བླ་དགས་,བླ་དྭགས་}སོ། །དེ་བས་ན་ཆོས་ཐམས་ཅད་ནི་མྱ་ངན་ལས་འདས་པ་དང་མཚུངས་པ་ཞེས་བྱའོ། །དེ་ཅིའི་ཕྱིར་ཞེ་ན། དེ་དག་ལ་གཉེན་པོ་མེད་དོ། །འདི་ལྟ་སྟེ་དཔེར་ན། ནམ་
D148.057.0305b03.01མཁའ་ལ་གཉེན་པོ་མེད་པ་དེ་བཞིན་དུ་ཆོས་ཐམས་ཅད་ལའང་གཉེན་པོ་མེད་དོ། །གང་དག་གཉེན་པོས་མྱ་ངན་ལས་འདས་པ་ཚོལ་བ་དེ་དག་ནི་སྐྱེ་བ་དང་འཇིག་པར་ལྟ་བ་ཡིན་ཏེ། ཆོས་འདི་དག་ནི་བསྐྱེད་པར་བྱ། ཆོས་འདི་དག་ནི་དགག་པར་བྱ་ཞེས་དེ་དག་སྐྱེ་བ་དང་། འཇིག་པ་ལ་སྤྱོད་པས་
D148.057.0305b04.01དེ་དག་མྱ་ངན་ལས་འདས་པའི་མཉམ་པ་ཉིད་མི་ཤེས་སོ། །དེ་བས་ན་བཅོམ་ལྡན་འདས་ཀྱིས་ཀྱང་འདི་སྐད་ཅེས་ཤེས་པར་གྱིས་ཤིག །ཤེས་པར་གྱིས་ཤིག །མ་རྩོད་ཅིག །རྩོད་པ་མེད་པ་དགེ་སྦྱོང་གི་ཡོན་ཏན་གྱི་མཆོག་རྣམས་ཡོངས་སུ་རྫོགས་པར་གྱིས་ཤིག་ཅེས་གསུངས་སོ། །དེ་ནས་བཅོམ་
D148.057.0305b05.01ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ནམ་མཁའ་མཛོད་ཇི་ལྟར་ལུས་མངོན་སུམ་དུ་གྱུར་པ་དེ་བཞིན་དུ་སྟོན་པ་ངོ་མཚར་ཏོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སྨྲས་པ། བཙུན་པ་ཀུན་དགའ་བོ་ཁོ་བོའི་
D148.057.0305b06.01ལུས་ནི་མངོན་སུམ་སྟེ། ལུས་ཀྱི་མངོན་སུམ་བདག་མ་ཡིན་ནོ། །དེ་ཅིའི་ཕྱིར་ཞེ་ན། ནམ་མཁའ་ནི་བདག་གི་ལུས་ཏེ། དེའི་ཕྱིར་ཁོ་བོའི་ལུས་ནི་མངོན་སུམ་མོ། །དེ་ཇི་ལྟར་ན་ལུས་མངོན་སུམ་ཡིན་ཞེ་ན། གང་གི་ཕྱིར་ལུས་ཀྱིས་སངས་རྒྱས་ཀྱི་མཛད་པ་བྱེད་ཀྱང་ཆོས་ཀྱི་སྐུ་ལུས་ཀྱང་མི་ཉམས་
D148.057.0305b07.01