完整藏文原文 · 德格版页 当前仅加载第 57 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མེད་པའི་སྒོ་གང་ཞེ་ན། བགྲང་བའི་སྒོ་ཞེས་བྱ་བ་ནི་འདུས་བྱས་སོ། །བགྲང་དུ་མེད་པའི་སྒོ་ཞེས་བྱ་བ་ནི་འདུས་མ་བྱས་སོ། །དེ་ལ་གང་འདུས་མ་བྱས་ལ་བགྲང་བ་མེད་པ་དེ་ནི་བགྲང་དུ་མེད་པའོ། །གང་བགྲང་དུ་མེད་པ་དེ་ནི་འདུས་མ་བྱས་ཏེ། བཅོམ་ལྡན་འདས་ཀྱིས་
D148.057.0303a01.01ཀྱང་དེ་འདི་སྐད་ཅེས་བགྲངས་ཤིང་བཅལ་ཏེ། ཤེས་རབ་ཀྱིས་གང་སྤང་བར་བྱ་བ་དེ་སྤོངས་ཤིག་ཅེས་གསུང་ངོ་། །དེ་ལ་ནམ་བྱང་ཆུབ་སེམས་དཔའ་འདུས་བྱས་ལ་བགྲང་ཞིང་རྣམ་པར་ཤེས་པ་ལ་འཇལ་ཏེ་ཚུལ་བཞིན་སོ་སོར་རྟོག་པ་དེ་ན་གང་ཡོངས་སུ་ཤེས་པར་བྱ་བའམ། སྤང་བར་
D148.057.0303a02.01བྱ་བའམ། མངོན་སུམ་དུ་བྱ་བའམ། བསྒོམ་པར་བྱ་བའི་ཆོས་གང་ཡང་ཡང་དག་པར་རྗེས་སུ་མི་མཐོང་ངོ་། །དེས་ཆོས་ཐམས་ཅད་ཡང་དག་པར་རྗེས་སུ་མི་མཐོང་བས་ཆོས་ལ་གནས་སུ་མི་བྱེད་དོ། །ནམ་ཆོས་ལ་གནས་སུ་མི་བྱེད་པ་དེ་ན་གཞི་མེད་པ་ཐོབ་པ་ཡིན་ནོ། །ནམ་གཞི་
D148.057.0303a03.01མེད་པ་ཐོབ་པ་དེ་ན་གང་ལ་ཡང་འདོད་པར་མི་འགྱུར་རོ། །ནམ་གང་ལ་ཡང་འདོད་པར་མི་བྱེད་པ་དེ་ན་ཅི་ལའང་མི་དམིགས་སོ། །དེ་དམིགས་པ་དང་བྲལ་བས་བདག་གི་བ་མེད་ཅིང་ཡོངས་སུ་འཛིན་པ་མེད་དོ། །ཅི་ཡོངས་སུ་མི་འཛིན་ཅེ་ན། གཟུགས་ལ་རྟག་པའམ། མི་རྟག་པར་ཡོངས་
D148.057.0303a04.01སུ་མི་འཛིན་ཏོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྟག་པ་དང་མི་རྟག་པར་ཡོངས་སུ་མི་འཛིན་ཏོ། །གཟུགས་ལ་སྡུག་བསྔལ་བ་དང་བདེ་བར་ཡོངས་སུ་མི་འཛིན། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་
D148.057.0303a05.01སྡུག་བསྔལ་བ་དང་བདེ་བར་ཡོངས་སུ་མི་འཛིན། གཟུགས་ལ་བདག་དང་བདག་མེད་པར་ཡོངས་སུ་མི་འཛིན་པ་ནས། རྣམ་པར་ཤེས་པའི་བར་ལ་བདག་དང་བདག་མེད་པར་ཡོངས་སུ་མི་འཛིན་ཏོ། །གཟུགས་ལ་སྡུག་པ་དང་མི་སྡུག་པར་ཡོངས་སུ་མི་འཛིན་པ་ནས། རྣམ་པར་ཤེས་པའི་
D148.057.0303a06.01བར་ལ་སྡུག་པ་དང་མི་སྡུག་པར་ཡོངས་སུ་མི་འཛིན། གཟུགས་ལ་སྟོང་པའམ་མི་སྟོང་པར་ཡོངས་སུ་མི་འཛིན་པ་ནས། རྣམ་པར་ཤེས་པའི་བར་ལ་སྟོང་པའམ་མི་སྟོང་པར་ཡོངས་སུ་མི་འཛིན་ཏོ། །དེ་ཡོངས་སུ་མི་འཛིན་ཀྱང་ཏིང་ངེ་འཛིན་ཐོབ་པས་འཁོར་བ་ན་སྤྱོད་ཅིང་། འཁོར་བའི་ཉོན་
D148.057.0303a07.01