完整藏文原文 · 德格版页 当前仅加载第 57 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་གཟུགས་ཀྱིས་དེ་བཞིན་ཉིད་རྗེས་སུ་ཤེས་པ་སྟེ། གཟུགས་འཇིག་པ་མ་ཡིན། ཆད་པ་མ་ཡིན། རྟག་པ་མ་ཡིན། རྟེན་ཅིང་འབྲེལ་པར་འབྱུང་བ་རང་བཞིན་གྱིས་མ་སྐྱེས་པའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་
D148.057.0300a01.01པའི་དེ་བཞིན་ཉིད་རྗེས་སུ་ཤེས་པ་སྟེ། རྣམ་པར་ཤེས་པ་ལ་འཇིག་པ་མ་ཡིན། ཆད་པ་མ་ཡིན། རྟག་པ་མ་ཡིན། རྟེན་ཅིང་འབྲེལ་པར་འབྱུང་བ་རང་བཞིན་གྱིས་མ་སྐྱེས་པའོ། །གང་ཕུང་པོའི་འཇིག་རྟེན་ལས་རྒལ་བ་དེ་ནི་འདོད་པ་དང་། གཟུགས་དང་། གཟུགས་མེད་པའི་འཇིག་
D148.057.0300a02.01རྟེན་ལ་ཡང་མི་ཆགས་པ་སྟེ། དེ་མི་ཆགས་པས་འགྲོ་བ་ལྔར་སྐྱེས་པའི་སེམས་ཅན་རྣམས་ལ་འཇིག་རྟེན་ལས་འདའ་བའི་ཕྱིར་ཆོས་སྟོན་ཏེ། གང་འཇིག་རྟེན་འཇིག་པར་མི་བྱེད་པ་དེ་ལྟར་ཆོས་སྟོན་ཏོ། །དེ་ཅིའི་ཕྱིར་ཞེ་ན། འཇིག་རྟེན་མི་རྟག་པའི་མཚན་ཉིད་དེ་འཇིག་པར་མི་བྱེད་དོ། །
D148.057.0300a03.01འཇིག་རྟེན་ནི་སྡུག་བསྔལ་གྱི་མཚན་ཉིད། བདག་མེད་པའི་མཚན་ཉིད། ཞི་བའི་མཚན་ཉིད། སྟོང་པའི་མཚན་ཉིད། མཚན་མ་མེད་པའི་མཚན་ཉིད། སྨོན་པ་མེད་པའི་མཚན་ཉིད། མངོན་པར་འདུ་མི་བྱེད་པའི་མཚན་ཉིད་ནས་དེ་བཞིན་ཉིད་ཀྱི་མཚན་ཉིད་ཀྱི་བར་དུ་སྟེ། འཇིག་
D148.057.0300a04.01རྟེན་འཇིག་པར་མི་བྱེད་པ་འདི་ནི། རིགས་ཀྱི་བུ་བྱང་ཆུབ་སེམས་དཔའི་འཇིག་རྟེན་ལས་འདས་པའི་ལམ་ཡོངས་སུ་དག་པའོ། །གང་ལམ་ཡོངས་སུ་དག་པ་ལ་རབ་ཏུ་གནས་པའི་བྱང་ཆུབ་སེམས་དཔའ་ནི་ལམ་ལོག་པ་ལ་གནས་པའི་སེམས་ཅན་རྣམས་ལ་ཆོས་ཀྱི་སྣང་བ་ཆེན་པོ་བྱེད་དོ། །
D148.057.0300a05.01དེ་དག་སྣང་བ་རྙེད་ནས་འཇིག་རྟེན་ལས་འདས་པའི་ལམ་དེ་ཉིད་ལ་རབ་ཏུ་གནས་སོ། །བྱང་ཆུབ་ཀྱི་སྙིང་པོ་ཐོབ་པར་བྱེད་པའི་ཕྱིར་ལམ་འདི་ནི་རབ་ཀྱི་མཆོག་གོ། །མི་དགེ་བ་ཐམས་ཅད་ཀྱི་སེམས་མེད་པའི་ཕྱིར་ལམ་འདི་ནི་མཆོག་གོ། །སངས་རྒྱས་ཀྱི་ཡེ་ཤེས་ཀྱི་རྩེ་མོ་རྙེད་པའི་ཕྱིར་ལམ་
D148.057.0300a06.01འདི་ནི་དམ་པའོ། །ཆུ་བོ་ཐམས་ཅད་ལས་སྒྲོལ་བའི་ཕྱིར་ལམ་འདི་ནི་བླ་ན་མེད་པའོ། །ཉི་ཚེ་བའི་ལམ་ཐམས་ཅད་ལས་འདས་པའི་ཕྱིར་ལམ་འདི་ནི་གོང་ན་མེད་པའོ། །གཉེན་པོ་མི་དམིགས་པའི་ཕྱིར་ལམ་འདི་ནི་མཉམ་པ་མེད་པའོ། །སྔོན་གྱི་སངས་རྒྱས་ཀྱི་ལམ་དུ་ཡང་དག་པར་འགྲོ་
D148.057.0300a07.01