完整藏文原文 · 德格版页 当前仅加载第 57 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནས་སྐྱེ་སྟེ། འཕོ་ཞིང་འབྱུང་ལ་སྐྱེ་བ་དང་། འཕོ་བ་དང་། འབྱུང་བར་ཡང་མི་སེམས་པའོ། །རིགས་ཀྱི་བུ་བྱང་ཆུབ་སེམས་དཔའ་གང་དང་གང་དུ་སྐྱེས་ནས་སེམས་ཅན་གྱི་དོན་བྱེད་པའི་སྐྱེས་པའི་རབས་བསྟན་པ་ཚད་མེད་གྲངས་མེད་པའི་སྐྱེས་པའི་རབས་དེ་དག་ཐམས་ཅད་ནི་
D148.057.0277a01.01རྩ་བ་གཉིས་ལ་གནས་པ་སྟེ། འདི་ལྟ་སྟེ། མངོན་པར་ཤེས་པའི་ཡེ་ཤེས་ལ་གནས་པ་དང་། སྙིང་རྗེ་ཆེན་པོའི་རྩ་བ་ལ་གནས་པའོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སྐྱེ་བ་དང་། འཆི་འཕོ་དང་འབྱུང་བ་རྣམས་ལ་དབང་ཐོབ་པ་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་
D148.057.0277a02.01བྱང་ཆུབ་སེམས་དཔའ་བདུད་བཞིའི་ལམ་ལས་ཡང་དག་པར་འདས་ཤིང་བདུད་དང་ཕྱིར་རྒོལ་བ་ཐམས་ཅད་ཡང་དག་པར་བཅོམ་པ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ཆོས་ཐམས་ཅད་སྒྱུ་མ་ལྟ་བུར་ཤེས་ཤིང་རྟོགས་པས་ཕུང་པོའི་བདུད་ལས་ཡང་དག་པར་འདའོ། །
D148.057.0277a03.01ཇི་ལྟར་ཐོས་པའི་ཆོས་ལ་ཚུལ་བཞིན་སོ་སོར་རྟོགས་པས་ཉོན་མོངས་པའི་བདུད་ལས་ཡང་དག་པར་འདའོ། །རྟེན་ཅིང་འབྲེལ་པར་འབྱུང་བ་རྟོགས་པས་འཆི་བདག་གི་བདུད་ལས་ཡང་དག་པར་འདའོ། །བྱང་ཆུབ་ཀྱི་སེམས་མི་ཉམས་པས་ལྷའི་བུའི་བདུད་ལས་ཡང་དག་པར་འདའོ། །ཡང་
D148.057.0277a04.01དེས་བདུད་ཀྱི་ལས་རྣམས་བཅོམ་པ་ཡིན་ཏེ། དེས་བདུད་ཀྱི་ལས་རྣམས་བཅོམ་པ་གང་ཞེ་ན། གང་དག་གིས་བྱང་ཆུབ་སེམས་དཔའ་ལ་བདུད་ཀྱིས་གླགས་མི་རྙེད་པ་སྟེ། ཐེག་པ་དམན་པ་འདོད་པ་བདུད་ཀྱི་ལས་དང་། བྱང་ཆུབ་ཀྱི་སེམས་མི་སྲུང་བ་བདུད་ཀྱི་ལས་དང་། སེམས་ཅན་ཐ་
D148.057.0277a05.01དད་པར་སྦྱིན་པ་བདུད་ཀྱི་ལས་དང་། སྐྱེ་བ་ལ་གནས་པའི་ཚུལ་ཁྲིམས་བདུད་ཀྱི་ལས་དང་། དེ་བཞིན་དུ་སྦྱར་ཏེ། གཟུགས་སུ་བསྔོས་པའི་བཟོད་པ་དང་། འཇིག་རྟེན་གྱི་བྱ་བ་ལ་བརྩོན་པའི་བརྩོན་འགྲུས་དང་། དེ་ལ་ཆགས་ཤིང་རོ་མྱོང་བའི་བསམ་གཏན་དང་། ཤེས་རབ་ཀྱི་ཆོས་ངན་པ་
D148.057.0277a06.01ལ་སྨོད་པ་བདུད་ཀྱི་ལས་དང་། འཁོར་བས་ཡོངས་སུ་སྐྱོ་བ་བདུད་ཀྱི་ལས་དང་། དགེ་བའི་རྩ་བ་ཡོངས་སུ་མི་སྔོ་བ་བདུད་ཀྱི་ལས་དང་། ཉོན་མོངས་པ་ལ་མི་སྨོད་པ་བདུད་ཀྱི་ལས་དང་། ལྟུང་བ་འཆབ་པ་བདུད་ཀྱི་ལས་དང་། བྱང་ཆུབ་སེམས་དཔའ་ལ་སྡང་བ་བདུད་ཀྱི་ལས་དང་།
D148.057.0277a07.01