完整藏文原文 · 德格版页 当前仅加载第 57 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པའི་ཆོས་སྤོང་བ་བདུད་ཀྱི་ལས་དང་། བྱམས་པ་རྒྱུན་གཅོད་པ་བདུད་ཀྱི་ལས་དང་། ཕ་རོལ་ཏུ་ཕྱིན་པ་རྣམས་ཡོངས་སུ་མི་ཚོལ་བ་བདུད་ཀྱི་ལས་དང་། དམ་པའི་ཆོས་མཉན་པར་མི་འདོད་པ་བདུད་ཀྱི་ལས་དང་། ཆོས་ལ་སློབ་དཔོན་གྱི་དཔེ་མཁྱུད་བྱེད་པ་བདུད་ཀྱི་ལས་དང་།
D148.057.0277b01.01ཟང་ཟིང་དང་འབྲེལ་པར་ཆོས་སྟོན་པ་བདུད་ཀྱི་ལས་དང་། ཐབས་དང་བྲལ་བས་སེམས་ཅན་ཡོངས་སུ་སྨིན་པར་བྱེད་པ་བདུད་ཀྱི་ལས་དང་། བསྡུ་བའི་དངོས་པོ་འདོར་བ་བདུད་ཀྱི་ལས་དང་། ཚུལ་ཁྲིམས་འཆལ་པ་རྣམས་ལ་ཁོང་ཁྲོ་བ་བདུད་ཀྱི་ལས་དང་། ཚུལ་ཁྲིམས་དང་ལྡན་
D148.057.0277b02.01པ་རྣམས་ལ་མི་གུས་པ་བདུད་ཀྱི་ལས་དང་། ཉན་ཐོས་ཀྱི་བསླབ་པའི་རྗེས་སུ་འཐུན་པ་བདུད་ཀྱི་ལས་དང་། རང་སངས་རྒྱས་ཀྱི་ཐེག་པ་ཅན་གྱི་རྗེས་སུ་འཇུག་པ་བདུད་ཀྱི་ལས་དང་། དུས་མ་ཡིན་པར་བསྒྲུབ་པ་འདོད་པ་བདུད་ཀྱི་ལས་དང་། སྙིང་རྗེ་ཆེན་པོ་བོར་ནས་རིགས་ལ་རྟོག་པ་བདུད་
D148.057.0277b03.01ཀྱི་ལས་དང་། འདུས་མ་བྱས་འདོད་པ་བདུད་ཀྱི་ལས་དང་། འདུས་བྱས་ལ་སྨོད་པ་བདུད་ཀྱི་ལས་དང་། སེམས་སེམས་ཅན་གྱི་ཅི་བྱའོ་ཅོག་ལ་གཡེལ་བ་བདུད་ཀྱི་ལས་དང་། ང་རྒྱལ་ལ་གནས་ཤིང་མི་འདུད་པ་དང་། ལྕེ་གཉིས་སྨྲ་བ་དང་། གཡོ་སྒྱུ་དང་ལྡན་པ་དང་། བཅོས་མ་ལ་དགའ་བ་
D148.057.0277b04.01དང་། མི་དྲང་བ་དང་། རྩུབ་ཅིང་བརླང་བ་དང་། སྡིག་པ་ལ་མི་སྨོད་པ་དང་། ཆོས་ཀྱི་དྲུངས་འབྱིན་པ་དང་། ཐོས་པ་ཅུང་ཟད་ཙམ་གྱིས་ཆོག་པར་འཛིན་པ་དང་། ཆོས་མ་ཡིན་པ་དོན་དུ་གཉེར་བ་དང་། ཆོས་མ་ཡིན་པ་འདོད་པ་དང་། སྒྲིབ་པ་དང་། ཆོད་པ་དང་། ཀུན་ནས་ལྡང་བ་རྣམ་པར་མི་
D148.057.0277b05.01གནོན་པ་བདུད་ཀྱི་ལས་དང་། སེམས་ཀྱི་དྲི་མ་མི་རྟོག་པ་བདུད་ཀྱི་ལས་དང་། དགེ་སྦྱོང་གི་དྲི་མ་ལ་མི་མཇེད་པ་བདུད་ཀྱི་ལས་ཏེ། རིགས་ཀྱི་བུ་ཇི་ཙམ་དུ་མི་དགེ་བའི་ཆོས་ལ་འཇུག་པ་དང་། དགེ་བའི་ཆོས་འདོར་བ་དེ་ཐམས་ཅད་ནི་བདུད་ཀྱི་ལས་སོ། །ཆོས་བཞིས་ནི་བདུད་ཀྱི་ལས་འདི་
D148.057.0277b06.01དག་ལས་ཤིན་ཏུ་འདའ་སྟེ། བཞི་གང་ཞེ་ན། འདི་ལྟ་སྟེ། བྱང་ཆུབ་ཀྱི་སེམས་མ་བརྗེད་པའི་ཕ་རོལ་ཏུ་ཕྱིན་པ་དྲུག་པོ་དག་དང་། དད་པ་དང་བརྩོན་འགྲུས་ལ་གནས་པའི་བག་ཡོད་པ་དང་ཐབས་ལ་མཁས་པ་ལ་གནས་ཏེ་སེམས་ཅན་ཡོངས་སུ་སྨིན་པར་བྱེད་པ་དང་། ཆོས་ཀྱི་ཚུལ་ཟབ་མོ་ལ་གནས་
D148.057.0277b07.01