完整藏文原文 · 德格版页 当前仅加载第 57 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པའི་མངོན་པར་ཤེས་པའི་སྤོབས་པར་འགྱུར་རོ། །ཐེག་པ་ཆེན་པོ་ལས་མི་ཉམས་པ་དང་། ཐེག་པ་དམན་པ་མི་འདོད་པ་དང་། སེམས་ཅན་ལ་སྙིང་རྗེ་ཆེ་བ་དང་། ཐམས་ཅད་ནན་ཏན་ལ་འགོད་པས་སངས་རྒྱས་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པའི་སྤོབས་པར་
D148.057.0276b01.01འགྱུར་རོ། །སེམས་ཅན་གཞན་ལ་གོ་བར་བྱེད་པས་དེའི་ཕྱིར་སྤོབས་པ་ཞེས་བྱའོ། །སེམས་ཅན་གཞན་ལ་ནན་ཏན་དུ་བྱ་བ་སྟོན་པས་དེའི་ཕྱིར་སྤོབས་པ་ཞེས་བྱའོ། །གཞན་གྱི་སེམས་ཀྱི་རྒྱུད་ཚིམ་པར་བྱེད་པས་དེའི་ཕྱིར་སྤོབས་པ་ཞེས་བྱའོ། །སེམས་ཅན་གཞན་གྱི་
D148.057.0276b02.01སེམས་དང་འཐུན་པར་སྟོན་པས་དེའི་ཕྱིར་སྤོབས་པ་ཞེས་བྱའོ། །རིགས་ཀྱི་བུ་ཆོས་དང་ཡོན་ཏན་དང་ཡེ་ཤེས་དེ་ལྟ་བུ་དང་ལྡན་པའི་བྱང་ཆུབ་སེམས་དཔའ་ནི་སྤོབས་པ་ཐོགས་པ་མེད་ཅིང་རྒྱུན་མི་འཆད་ལ། རྟག་ཏུ་སངས་རྒྱས་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པ་ཡིན་ནོ། །
D148.057.0276b03.01རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སྐྱེ་བ་དང་འཆི་འཕོ་དང་འབྱུང་བ་རྣམས་ལ་དབང་ཐོབ་པ་ཡིན་ཞེ་ན། རིགས་ཀྱི་བུ་ཆོས་བཅུ་གཉིས་དང་ལྡན་ན་བྱང་ཆུབ་སེམས་དཔའ་སྐྱེ་བ་དང་འཆི་འཕོ་བ་དང་འབྱུང་བ་རྣམས་ལ་དབང་ཐོབ་པ་ཡིན་ཏེ། བཅུ་གཉིས་གང་ཞེ་ན།
D148.057.0276b04.01འདི་ལྟ་སྟེ། སྡིག་པའི་གྲོགས་པོ་ཡོངས་སུ་སྤངས་ཤིང་རྟག་ཏུ་དགེ་བའི་བཤེས་གཉེན་ལ་བསྟེན་པ་དང་། ལྟ་བ་ཤིན་ཏུ་ཡོངས་སུ་དག་པ་དང་། སངས་རྒྱས་ཀྱིས་གནང་བའི་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་དང་། ཏིང་ངེ་འཛིན་དང་སྙོམས་པར་འཇུག་པ་དང་ལྡན་པ་ཤེས་པ་དང་།
D148.057.0276b05.01ཤེས་རབ་དང་ཐབས་ཟུང་དུ་འབྲེལ་བ་དང་། མངོན་པར་ཤེས་པ་མ་ཉམས་པ་ཐོབ་པ་དང་། མ་སྐྱེས་པ་དང་མ་བྱུང་བར་སོ་སོར་རྟོག་པ་དང་། བསམས་བཞིན་དུ་སྐྱེ་བ་དང་། སྨོན་ལམ་ཡོངས་སུ་རྫོགས་པ་དང་། སེམས་ཅན་ལྟ་བའི་བྱམས་པ་ལ་སྦྱོར་བ་དང་། སྙིང་རྗེ་ཆེན་པོ་ལ་ངེས་པར་
D148.057.0276b06.01སེམས་པ་དང་། ཆོས་ལ་སྒྱུ་མ་ལྟ་བུར་རྟོག་པ་དང་། འཆི་འཕོ་མེད་པར་འཕོ་ཞིང་སྐྱེ་བ་དང་། ཆོས་ཀྱི་མཚན་ཉིད་རྨི་ལམ་གྱི་ངོ་བོ་ཉིད་ཀྱིས་ཆོས་ལ་འཇུག་པ་དང་། ཕྱིན་ཅི་ལོག་གི་ཆོས་ལ་ཡང་དག་པ་ཇི་ལྟ་བ་བཞིན་དུ་རྟོག་པ་དང་། སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱིས་བརླབས་
D148.057.0276b07.01