完整藏文原文 · 德格版页 当前仅加载第 57 函德格 324b 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་ཆགས་པ་མི་མངའ་བས་མཁྱེན་པ་ནི་མ་གཏོགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ལྟར་སངས་རྒྱས་ཀྱི་ཞིང་ཇི་སྙེད་པ་དེ་དག་ལས་གང་དུ་རྡུལ་ཕྲ་རབ་དེ་དག་བཞག་པར་གྱུར་པའི་སངས་རྒྱས་ཀྱི་ཞིང་དེ་དག་ཐམས་ཅད་གྲོང་ཁྱེར་གཅིག་ཏུ་གྱུར་ཏེ་
D148.057.0324b01.01བརྩིག་པས་བསྐོར་ནས་འོག་གི་ཆུའི་ཕུང་པོ་ནས་བཟུང་སྟེ། སྲིད་པའི་རྩེ་མོའི་བར་གྱི་གྲོང་ཁྱེར་དེ་དག་ཡུངས་འབྲུ་མི་རྩུབ་པ་འབའ་ཞིག་གིས་ཡོངས་སུ་གང་བར་གྱུར་ན། རིགས་ཀྱི་བུ་འདི་ཇི་སྙམ་དུ་སེམས། ཡུངས་འབྲུ་དེ་དག་མང་ངམ། གསོལ་པ། བཅོམ་ལྡན་འདས་
D148.057.0324b02.01དེ་བཞིན་གཤེགས་པས་ཇི་ལྟར་དཔེ་འདི་བཙལ་བ་ངོ་མཚར་ཏོ། །བཅོམ་ལྡན་འདས་གང་དཔེ་འདི་ཐོས་ནས་དད་པར་འགྱུར་བའི་སེམས་ཅན་དེ་དག་ཀྱང་ངོ་མཚར་རྨད་དུ་བྱུང་བའི་ཆོས་དང་ལྡན་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་
D148.057.0324b03.01པ་ནི་ཡུངས་འབྲུ་དེ་དག་བརྒྱ་ཕྲག་འདི་སྙེད་ཅིག་ཅེའམ། སྟོང་ཕྲག་འདི་སྙེད་ཅིག་ཅེའམ། བརྒྱ་སྟོང་ཕྲག་འདི་སྙེད་ཅིག་ཅེའམ། དཀྲིགས་པ་དང་། གཏམས་པ་དང་། ཁྱད་ཕྱིན་དང་། མི་འཁྲུགས་པ་ཕྲག་འདི་སྙེད་ཅིག་ཅེའམ། སངས་རྒྱས་ཀྱི་ཞིང་འདི་སྙེད་ཅིག་ཅེ་
D148.057.0324b04.01འམ། སངས་རྒྱས་ཀྱི་ཞིང་བརྒྱ་ཕྲག་འདི་སྙེད་ཅིག་ཅེའམ། སངས་རྒྱས་ཀྱི་ཞིང་སྟོང་ཕྲག་འདི་སྙེད་ཅིག་ཅེའམ། སངས་རྒྱས་ཀྱི་ཞིང་བརྒྱ་སྟོང་ཕྲག་འདི་སྙེད་ཅིག་ཡོད་དོ། །ཞེས་རབ་ཏུ་མཁྱེན་ཏོ། །རིགས་ཀྱི་བུ་བྱང་ཆུབ་འདོད་པ་ལ་ལ་ཞིག་གིས་སངས་རྒྱས་ཀྱི་ཞིང་དེ་སྙེད་
D148.057.0324b05.01རིན་པོ་ཆེ་སྣ་བདུན་གྱིས་རབ་ཏུ་བཀང་སྟེ། སྦྱིན་པ་བྱིན་པ་བས་ཇི་ལྟར་སྐྱེས་བུ་དམ་པ་དམ་པའི་ཆོས་ཡོངས་སུ་འཛིན་པ་གང་ཡོན་ཏན་གྱི་ཆོས་འདི་ལྟ་བུ་ལ་གནས་པ་དེ་དག་གིས་དེ་བཞིན་གཤེགས་པ་གཅིག་གིས་དམ་པའི་ཆོས་ཡོངས་སུ་བཟུང་ན་འདི་དེ་བས་བསོད་ནམས་ཆེས་
D148.057.0324b06.01མང་དུ་སྐྱེད་དོ། །ཡུངས་འབྲུ་ཇི་སྙེད་པ་དེ་སྙེད་ཀྱི་སངས་རྒྱས་བཅོམ་ལྡན་འདས་རྣམས་ལ་གང་ལ་ལ་ཞིག་གིས་བསྟི་སྟང་དུ་བྱས། བླ་མར་བྱས། རི་མོར་བྱས་ཏེ་མཆོད་པ་བྱས་གང་ཟབ་མོའི་ཆོས་ལ་བཟོད་པ་དེ་ནི་དེ་བས་བསོད་ནམས་ཆེས་མང་དུ་སྐྱེད་དོ། །ཡུངས་འབྲུ་ཇི་སྙེད་པ་
D148.057.0324b07.01