完整藏文原文 · 德格版页 当前仅加载第 57 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམས་ཀྱི་བསམ་གཏན་ཡོངས་སུ་དག་པའོ། །གཞན་ཡང་ངེས་པར་རྟོག་པའི་སེམས་ནི་བསམ་གཏན་ཡོངས་སུ་དག་པ་སྟེ། དེ་ལ་ངེས་པར་རྟོག་པའི་སེམས་ཉིད་གང་ཞེ་ན། གང་ཆོས་རྣམས་ལ་མི་མཐོ་མི་དམའ་བ། མི་སྟོད་མི་སྨོད་པ། འགྱུར་བ་མེད་པ། རྣམ་པར་མི་རྟོག་
D148.057.0259b01.01པ། {སྩོགས་,སོགས་}པ་མེད་པ། འབྲི་བ་མེད་པ། འཛིན་པ་མེད་པ། གཏོང་བ་མེད་པ། མུན་པ་མེད་པ། སྣང་བ་མེད་པ། རྟོག་པ་མེད་པ། རྣམ་པར་རྟོག་པ་མེད་པ། འདུ་ཤེས་མེད་པ། ཡིད་ལ་བྱེད་པ་མེད་པ། གཅིག་པའང་མ་ཡིན། གཉིས་པའང་མ་ཡིན། གཉིས་མ་ཡིན་པའང་མ་ཡིན་པ།
D148.057.0259b02.01གཡོ་བ་མེད་པ། རློམ་སེམས་མེད་པ། སྤྲོས་པ་མེད་པ། {སྩོགས་,སོགས་}པ་མེད་པ། བྲི་བ་མེད་པ། སྒོམ་པ་མེད་པ། འཇིགས་པ་མེད་པ་སྟེ། གང་མཚན་མ་དང་དམིགས་པ་ཐམས་ཅད་ལ་མི་གནས་པ། གང་སེམས་མི་གནས་པ་དེ་ནི་སེམས་ངེས་པར་རྟོག་པའོ། །སེམས་ངེས་པར་རྟོག་པ་
D148.057.0259b03.01ནི་གཟུགས་རྣམས་ལ་མི་རྒྱུག་སྟེ། མིག་དང་གཟུགས་དང་རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་པར་དག་པར་བསམ་གཏན་བྱེད་དོ། །སེམས་ངེས་པར་རྟོག་པ་ནི་སྒྲ་རྣམས་ལ་མི་རྒྱུག་སྟེ། རྣ་བ་དང་སྒྲ་དང་རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་པར་དག་པར་བསམ་
D148.057.0259b04.01གཏན་བྱེད་དོ། །སེམས་ངེས་པར་རྟོག་པ་ནི་དྲི་རྣམས་ལ་མི་རྒྱུག་སྟེ། སྣ་དང་དྲི་དང་རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་པར་དག་པར་བསམ་གཏན་བྱེད་དོ། །སེམས་ངེས་པར་རྟོག་པ་ནི་རོ་རྣམས་ལ་མི་རྒྱུག་སྟེ། ལྕེ་དང་རོ་དང་རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་
D148.057.0259b05.01པར་དག་པར་བསམ་གཏན་བྱེད་དོ། །སེམས་ངེས་པར་རྟོག་པ་ནི་རེག་པ་རྣམས་ལ་མི་རྒྱུག་སྟེ། ལུས་དང་རེག་པ་དང་རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་པར་དག་པར་བསམ་གཏན་བྱེད་དོ། །སེམས་ངེས་པར་རྟོག་པ་ནི་ཆོས་རྣམས་ལ་མི་རྒྱུག་སྟེ། ཡིད་དང་ཆོས་དང་
D148.057.0259b06.01རྣམ་པར་ཤེས་པ་རིག་ཅིང་རང་གི་མཚན་ཉིད་རྣམ་པར་དག་པར་བསམ་གཏན་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན། བསྐལ་པས་སྲེག་པ་ན་ནམ་མཁའ་མི་འཚིག་ཅིང་། ཆུས་འཇིག་པ་ན་ནམ་མཁའ་གཤེར་བར་མི་འགྱུར་བ་དེ་བཞིན་དུ། བྱང་ཆུབ་སེམས་དཔའི་
D148.057.0259b07.01