完整藏文原文 · 德格版页 当前仅加载第 57 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ཐར་པ་ལ་གཞག་པ། །དེ་དག་ཆེད་དུ་བདེ་བར་གཤེགས་ལ་ཞུ། །བདག་ལ་བདག་མེད་ཤིན་ཏུ་རྣམ་དག་ཡིད། །སེམས་ཅན་དོན་ཞུགས་སེམས་ཅན་མེད་ལ་དགའ། །སེམས་ཅན་བདག་མེད་གཉིས་ལས་ཐར་བྱེད་པ། །རྣམ་པར་ངེས་པའི་ཆོས་ཀྱི་གཏམ་འདིའོ། །ཆོ་ག་སྤྱོད་
D148.057.0251b01.01ཡུལ་བརྟུལ་ཞུགས་ཡོངས་སུ་དག །བསམ་པ་དག་ཅིང་སེམས་ནི་ནམ་མཁའ་འདྲ། །ལྷུན་པོ་ལྟ་བུར་བརྟན་ཅིང་མི་གཡོ་བ། །དེ་དག་ཆེད་དུ་དོན་ཡོད་མཛད་ལ་ཞུ། །མི་ཟློགས་བརྟན་པ་བརྩོན་འགྲུས་ཀུན་ནས་བཟང་། །དཔའ་བོ་བདུད་ཀྱི་དགྲ་ཡི་ང་རྒྱལ་བཅོམ། །ཉོན་མོངས་རབ་ཏུ་
D148.057.0251b02.01ཉོན་མོངས་དྲི་སྦྱོང་བ། །མཐོང་དགའ་དེ་དག་དོན་དུ་འདི་ཞུའོ། །ཐོས་སྦྱིན་ཚུལ་ཁྲིམས་བཟོད་པ་བརྩོན་འགྲུས་དགའ། །བསམ་གཏན་རྣམ་ཐར་ཤེས་རབ་མཆོག་ཏུ་གྱུར། །མངོན་ཤེས་བསམ་གཏན་རྣམ་པར་གྲོལ་བའི་འོད། །རབ་དགའ་དྲི་མེད་དོན་དུ་བདག་ཞུའོ། །སྟོང་པ་མཚན་མ་
D148.057.0251b03.01མེད་ཅིང་མི་སྨོན་གནས། །བསམས་བཞིན་ཤི་འཕོ་དང་ནི་སྐྱེ་བ་སྟོན། །སྐྱེས་པ་མེད་ཅིང་མི་གནས་འཆི་འཕོ་མེད། །དེ་དག་དོན་དུ་མི་ཡི་སྤྱོད་པ་ཞུ། །ཉན་ཐོས་རང་རྒྱལ་སྐྱེ་བོ་གཞན་དག་གིས། །རྟོགས་པར་དཀའ་ཞིང་ཟབ་མོ་མཐོང་དཀའ་བ། །སྐྱེ་བོ་ཀུན་གྱི་ཡིད་རྣམས་ཀུན་སྐུལ་
D148.057.0251b04.01བའི། །ཆོས་ཀྱི་གཏམ་ནི་བདེ་བར་གཤེགས་ལ་ཞུ། །ལེགས་པར་བྱས་པ་རྫོགས་པའི་ཆོས་ལ་དགའ། །ཆོས་ལ་ཆོས་མེད་འཛིན་པ་གཉིས་ལས་གྲོལ། །རྟག་ཏུ་མཉམ་བཞག་མཆོག་གི་ཆོས་ལ་དགའ། །སེམས་ཀྱང་ནམ་མཁའ་མཚུངས་པའི་དོན་དུ་ཞུ། །གང་དག་
D148.057.0251b05.01སངས་རྒྱས་རིགས་གནས་ཆོས་ལ་དགའ། །རྟག་ཏུ་སངས་རྒྱས་བསྟོད་པ་ཀུན་མེད་བློ། །གྲགས་པ་མཐའ་ཡས་འཇིག་རྟེན་གསུམ་དུ་ཐོས། །ཡོན་ཏན་རྒྱ་མཚོ་དེ་ཕྱིར་འདི་ཞུའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ་མཛོད་ཀྱིས་
D148.057.0251b06.01འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་གང་དག་སྦྱིན་པ་ནམ་མཁའ་དང་མཚུངས་པ་རྣམས་ལགས། ཚུལ་ཁྲིམས་ནམ་མཁའ་དང་མཚུངས་པ་དང་། བཟོད་པ་ནམ་མཁའ་དང་མཚུངས་པ་དང་། བརྩོན་འགྲུས་ནམ་མཁའ་དང་མཚུངས་པ་དང་།
D148.057.0251b07.01