完整藏文原文 · 德格版页 当前仅加载第 57 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
འདའོ། །བྱང་ཆུབ་སེམས་དཔའ་རིན་ཆེན་འཕགས་ཀྱིས་སྨྲས་པ། གང་ལྟུང་བ་དེ་ནི་འབོད་པ་སྟེ། གང་འབོད་པ་དེ་ལ་བདུད་ཀྱིས་གླགས་རྙེད་པར་འགྱུར་གྱི། གང་མི་ལྟུང་བ་དེ་ནི་མཚན་མའི་རྗེས་སུ་འབྲང་བའི་རྣམ་པར་ཤེས་པ་མི་འཇུག་སྟེ། མཚན་མ་མེད་པའི་
D148.057.0316a01.01མཐའ་ལ་རབ་ཏུ་གནས་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའོ། །བྱང་ཆུབ་སེམས་དཔའ་རིན་ཆེན་སེམས་ཀྱིས་སྨྲས་པ། བཅོམ་ལྡན་འདས་ཀྱིས་ཀྱང་ཉོན་མོངས་པ་ནི་གཟུགས་བརྙན་དང་མིག་ཡོར་ལྟ་བུའོ་ཞེས་གསུངས་ཏེ། གང་གཟུགས་
D148.057.0316a02.01བརྙན་དང་། མིག་ཡོར་ལྟ་བུ་དེ་ལ་འཕོ་བ་ཡང་མེད། མི་འཕོ་བ་ཡང་མེད། འོང་བ་ཡང་མེད། སོང་བ་ཡང་མེད། ནང་ན་ཡང་མ་ཡིན། ཕྱི་རོལ་ནའང་མ་ཡིན་ཏེ། ཡུལ་ལ་མི་གནས་ཤིང་ཕྱོགས་ན་མི་གནས་པར་ཤེས་པ་དེ་ནི་ཉོན་མོངས་པ་ཐམས་ཅད་དང་ལྷན་ཅིག་མི་གནས་ཏེ།
D148.057.0316a03.01དེ་རྣམ་པར་མི་རྟོག་པས་ཉོན་མོངས་པ་མི་སློང་ངོ་། །རྣམ་པར་མི་རྟོག་པས་ཉོན་མོངས་པ་མི་འགོག་གོ། །དེ་ལྟར་རྣམ་པར་མི་རྟོག་ཅིང་ཀུན་དུ་རྟོག་པ་སྤངས་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའོ། །བྱང་ཆུབ་སེམས་དཔའ་དཀོན་མཆོག་འབྱུང་
D148.057.0316a04.01གནས་ཀྱིས་སྨྲས་པ། གང་དགའ་བ་དེ་ནི་བག་ལ་ཉལ་ལོ། །གང་མི་དགའ་བ་དེ་ནི་ཁོང་ཁྲོ་བའོ། །གང་དགའ་བའང་མེད། མི་དགའ་བའང་མེད་པ་དེ་ནི་རྗེས་སུ་ཆགས་པར་མི་འགྱུར། ཞེ་འགྲས་པར་ཡང་མི་འགྱུར་རོ། །རྗེས་སུ་ཆགས་པ་མེད་ཅིང་ཞེ་འགྲས་པ་མེད་པ་ནི་
D148.057.0316a05.01མཉམ་པ་ཉིད་ལ་གནས་པ་ཞེས་བྱའོ། །གང་མཉམ་པ་ཉིད་ལ་གནས་པ་དེ་ནི་ཆོས་གང་ཡང་ཐ་དད་དུ་མི་བྱེད་དོ། །ཐ་དད་པ་མེད་པ་ལ་གནས་པ་ནི་མཉམ་པ་དང་མི་མཉམ་པར་མི་སེམས་ཏེ། བསམ་དུ་མེད་པའི་ཆོས་ཐོབ་པ་ལ་བདུད་ཀྱིས་གླགས་མི་རྙེད་དོ། །བྱང་ཆུབ་སེམས་
D148.057.0316a06.01དཔའ་རིན་ཆེན་འདོར་གྱིས་སྨྲས་པ། བདག་ཀུན་ནས་ལྡང་བ་ལས་བདུད་ཀྱི་ལས་རྣམས་ལྡང་སྟེ། བདག་རྣམ་པར་དག་པར་གནས་པ་ལ་བདུད་ཀྱིས་ཅི་ཞིག་བྱར་ཡོད། དེ་ཅིའི་ཕྱིར་ཞེ་ན། བདག་རྣམ་པར་དག་པས་ཉོན་མོངས་པ་རྣམ་པར་དག་གོ། །ཉོན་མོངས་པ་རྣམ་པར་
D148.057.0316a07.01