完整藏文原文 · 德格版页 当前仅加载第 57 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་པ་དང་། རྣམ་པར་ཐར་པའི་སྒོ་གསུམ་ལ་སེམས་ངེས་པར་རྟོག་པ་ལ་མི་སྐྲག་པ་དང་། འཕགས་པའི་རིགས་དང་སྦྱངས་པའི་ཡོན་ཏན་ཀུན་འཛིན་པས་ཡོང་མི་འཆད་པ་དང་། དམ་པའི་ཆོས་ཡོངས་སུ་གཟུང་བ་ལ་སེམས་ཞུམ་པ་མེད་པ་དང་། སེམས་ཅན་ལ་ལྟ་བས་
D148.057.0274b01.01སྙིང་རྗེ་ཆེ་བ་དང་། ཆོས་ལ་ལྟ་བས་ལུས་དང་སྲོག་འདོར་བ་དང་། ཡེ་ཤེས་ལ་ལྟ་བས་རྟག་ཏུ་ང་རྒྱལ་མེད་པ་དང་། སེམས་ཅན་ཡོངས་སུ་སྨིན་པར་བྱ་བ་ལ་ཡོངས་སུ་མི་སྐྱོ་བ་སྟེ། འདི་ནི་གཟུངས་ཡོངས་སུ་སྦྱོང་བ་བྱེད་པ་ཞེས་བྱའོ། །རིགས་ཀྱི་བུ་དེ་ལ་གཟུངས་གང་
D148.057.0274b02.01ཞེ་ན། གང་ཀུན་བཟུང་བའི་ཆོས་རྣམས་མི་བརྗེད་པ་དང་། ཇི་ལྟར་ཐོས་པའི་ཆོས་རྣམས་མི་བརྗེད་པ་དང་། དྲན་པ་རྗེས་སུ་དྲན་པ་དང་། རྟོགས་པར་ཁོང་དུ་ཆུད་པ་དང་། བློ་གྲོས་འདོད་པ་དང་། ཡི་གེ་མི་ཟད་པ་དང་། ངེས་པའི་ཚིག་དང་སྐད་ལ་འཇུག་པ་ཤེས་པ་དང་།
D148.057.0274b03.01སྤོབས་པ་བསྟན་པ་ཐོགས་པ་མེད་ཅིང་རྒྱུན་མི་འཆད་པ་དང་། ངེས་པའི་དོན་གྱི་མདོ་སྡེ་རྟོགས་པ་ལ་འཇུག་པ་ཤེས་པ་དང་། དྲང་བའི་དོན་གྱི་མདོ་སྡེ་རྟོགས་པ་ལ་འཇུག་པ་ཤེས་པ་དང་། ཀུན་རྫོབ་མི་ཟད་པ་བསྟན་པ་ཤེས་པ་དང་། དོན་དམ་པ་དབྱེར་མེད་པའི་དེ་ཁོ་ན་བསྟན་
D148.057.0274b04.01པ་ཤེས་པ་དང་། བདེན་པ་ལ་འཇུག་པ་ངེས་པ་ཤེས་པ་དང་། དྲན་པ་ཉེ་བར་གཞག་པའི་རྗེས་སུ་འཇུག་པ་ཤེས་པ་དང་། ཡང་དག་པར་སྤོང་བའི་བརྩོན་འགྲུས་མི་འགོད་པ་ཤེས་པ་དང་། རྫུ་འཕྲུལ་གྱི་རྐང་པས་རྣམ་པར་རོལ་པ་ཤེས་པ་དང་། དབང་པོའི་རིམ་པ་ཤེས་
D148.057.0274b05.01པ་དང་། སྟོབས་ལ་གནས་པ་མི་བསྐྱོད་པར་ཤེས་པ་དང་། བྱང་ཆུབ་ཀྱི་ཡན་ལག་རྟོགས་པ་དང་། འཐུན་པ་ཤེས་པ་དང་། ལམ་ལ་འཇུག་པའི་གནས་ཤེས་པ་དང་། ཞི་གནས་ཀྱིས་སེམས་གནས་པར་ཤེས་པ་དང་། ལྷག་མཐོང་གིས་ཆོས་སྒྲོལ་བར་ཤེས་པ་
D148.057.0274b06.01དང་། རིག་པ་དང་རྣམ་པར་གྲོལ་བའི་རྗེས་སུ་འཐུན་པ་ཤེས་པ་དང་། སོ་སོ་ཡང་དག་པར་རིག་པ་ལ་འཇུག་པ་ཤེས་པ་དང་། མངོན་པར་ཤེས་པའི་ཡེ་ཤེས་སྐྱེད་པ་ཤེས་པ་དང་། ཕ་རོལ་ཏུ་ཕྱིན་པ་དྲུག་ལ་འཇུག་པ་ཤེས་པ་དང་། བསྡུ་བའི་དངོས་པོ་བཞི་སོ་སོ་ཅི་རིགས་
D148.057.0274b07.01