完整藏文原文 · 德格版页 当前仅加载第 57 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྲྀ་ཏེ། ཨ་དནྟེ། ཨ་ཤ་སྟེ། སྭ་བི་ཁ་ཡ་ཨ་ནུ་ག་མེ། ཨཱརྱ་གུ་ཎ་ཀ་རེ། སིདྡྷི་སིདྡྷི་བ་ཏེ། མོ་ཀྵ་ཨ་ནུ་ཀུ་ལེ། ནི་གྲ་ཧ་ནི་བ་ར་པྲ་ཏི་ནཱཾ། དཱ་རྵ་ཎི་མ་ར་པརྵ་ཏ། ཨ་བ་ཤནྟཱ་ཙཏྭཱ་རོ་མ་ཧཱ་རཱ་ཛཱ་ན། ཤ་ཀྲོ་དེ་བཱ་ནཱཾ་ཨིནྡྲ་བྲ་ཧྨ་ས་ཧ་པ་ཏི། བུདྷ་པྲ་སནྣཱ་ནཱཾ། དེ་བ་ནཱ་ག །
D148.057.0319a01.01ཡཀྵ་ཀྲཱྀ་ཏཾ་པ་རི་ཏྲཱ་ཎཱཾ། སྠཱ་པི་ཏཱན་སྭ་སྟྱ་ཡཱ་ནཱཾ། དྷརྨ་བྷ་ན་ཀ་ནཱཾ། ཨ་རཀྵ་ཡེ། སདྡྷ་རྨ་སྱ་ཙ་པ་རི་གྲ་ཧ་ཡེ། དེ་ནས་བྱང་ཆུབ་སེམས་དཔའ་ནམ་མཁའ་མཛོད་ཀྱིས་རིག་པའི་གསང་སྔགས་ཀྱི་ཚིག་འདི་དག་སྨྲས་མ་ཐག་ཏུ། སྐད་ཅིག་དེ་ཉིད་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D148.057.0319a02.01ཁམས་རྣམ་པ་དྲུག་ཏུ་གཡོས་སོ། །བདུད་ཀྱི་བུ་ལྔ་བརྒྱ་མ་དད་ཅིང་ཆོས་མ་ཡིན་པ་འདོད་པ་དེ་དག་གིས་བར་སྣང་ལས་སྒྲ་འདི་སྐད་ཅེས་བདུད་དམ། བདུད་ཀྱི་རིས་ཀྱི་བུའམ། བདུད་ཀྱི་རིས་ཀྱི་ལྷ་གང་རིག་པའི་གསང་སྔགས་ཀྱི་ཚིག་འདི་དག་ཐོས་ནས་བྱང་ཆུབ་ཏུ་སེམས་མི་སྐྱེད་ཅིང་། བདུད་ཀྱི་ལས་རྣམས་
D148.057.0319a03.01མི་འདོར་བ་དེ་ལ་གནོད་སྦྱིན་ལག་ན་རྡོ་རྗེས་རྡོ་རྗེ་ཀུན་ཏུ་འབར་ཞིང་རབ་ཏུ་འབར་བས་སྤྱི་བོ་འགེམས་སོ་ཞེས་ཐོས་ནས། བདུད་ཀྱི་བུ་དེ་དག་གིས་བར་སྣང་ལ་བལྟས་པ་དང་། དེ་དག་གིས་ལག་ན་རྡོ་རྗེ་ལྔ་བརྒྱ་བདག་བདག་གི་སྤྱི་བོ་ན་རབ་ཏུ་འབར་བའི་རྡོ་རྗེ་ཐོགས་ཤིང་འདུག་པ་མཐོང་ནས་དེ་
D148.057.0319a04.01དག་འཇིགས་ཤིང་སྐྲག་སྟེ་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་དེའི་དུས་ན་འཛུམ་པ་མཛད་པ་དང་། འཛུམ་པ་དེའི་དོན་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་ཞུས་ནས། དེ་ལ་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བདུད་ཀྱི་
D148.057.0319a05.01བུ་ལྔ་བརྒྱ་པོ་འདི་དག་འཇིགས་ཤིང་སྐྲག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་མཐོང་ངམ། གསོལ་པ། བཅོམ་ལྡན་འདས་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ནམ་བདུད་སྡིག་ཅན་དེ་བྱང་ཆུབ་ཐོབ་པར་འགྱུར་
D148.057.0319a06.01བ་དེའི་སངས་རྒྱས་ཀྱི་ཞིང་དེར། དེ་དག་ཐམས་ཅད་ཀྱང་མིང་ཐ་དད་པའི་བྱང་ཆུབ་སེམས་དཔར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་སྲིད་ན་བདུད་སྡིག་ཅན་བླ་ན་མེད་པ་ཡང་དག་པར་རྫོགས་པའི་བྱང་
D148.057.0319a07.01