完整藏文原文 · 德格版页 当前仅加载第 57 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ཡེ་ཤེས་ཀྱི་སོ་སོར་རྣམ་པར་རིག་པ་བསམ་གྱིས་མི་ཁྱབ་སྟེ། ཁོ་བོས་ཡིད་ཀྱི་སེམས་པས་གང་བསམས་པ་དེ་བར་སྣང་འདི་ལས་འབྱུང་ཡང་སེམས་དེར་འགྲོ་བ་ཡང་མེད། དེ་འདིར་འོང་བ་ཡང་མེད་མོད་ཀྱི། སྒྲའི་སྒྲ་བརྙན་ཀྱང་འབྱུང་ངོ་། །རིགས་ཀྱི་བུ་རྟེན་ཅིང་འབྲེལ་པར་
D148.057.0289b01.01འབྱུང་བ་ཇི་ཙམ་དུ་ཟབ་པ་ལ་ལྟོས། །གང་རྒྱུ་ལས་འབྲས་བུ་འབྱུང་ཡང་རྒྱུ་འབྲས་བུ་འགྲུབ་པར་མི་འཕོ་ལ། །རྒྱུ་མེད་པ་ལས་ཀྱང་འབྲས་བུ་འབྱུང་བ་མ་ཡིན་ནོ། །འདི་ལྟ་སྟེ། །རྒྱུ་དང་རྐྱེན་ལས་འབྲས་བུ་མངོན་པར་གྲུབ་པའི་ཆོས་འདི་གཉི་ག་ལ་ཡང་གཡོ་བ་མེད་ཅིང་བྱེད་པ་མེད་དོ། །གང་དེ་ལྟ་བུའི་
D148.057.0289b02.01འདུ་ཤེས་པ་དེ་དག་ནི་བྲལ་བ་སྟེ། །དེ་ཅིའི་ཕྱིར་ཞེ་ན། །བཅོམ་ལྡན་འདས་ཀྱིས་ཀྱང་གང་ཀུན་ནས་ཉོན་མོངས་པ། ཤེས་པ་དེ་ཉིད་དེའི་རྣམ་པར་བྱང་བ་ཞེས་གསུངས་སོ། །ཀུན་ནས་ཉོན་མོངས་པ་བསལ་བས་རྣམ་པར་བྱང་བ་མ་ཡིན་ཏེ། །གང་ཀུན་ནས་ཉོན་མོངས་པའི་ངོ་བོ་ཉིད་ཀྱི་མཚན་ཉིད་
D148.057.0289b03.01དེ་ནི་རྣམ་པར་བྱང་བའོ། །འདི་ལྟ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བ་ཞེས་བྱ་བ་འདི་གཉི་ག་ཡང་བརྡའི་ཚིག་གོ། །དོན་དམ་པའི་མཐའ་ལ་ཀུན་ནས་ཉོན་མོངས་པ་དང་རྣམ་པར་བྱང་བ་ཡང་དམིགས་སུ་མེད་དོ། །དོན་དམ་པའི་མཐའ་ནི་མཐའ་མ་ཡིན་ཏེ། གང་འདི་མཐའ་
D148.057.0289b04.01མ་ཡིན་པ་དེ་ནི་ཡང་དག་པའི་མཐའ་ཞེས་བྱའོ། །གང་ཡང་དག་པའི་མཐའ་དེ་སྟོང་པ་ཉིད་ཀྱི་མཐའོ། །གང་སྟོང་པ་ཉིད་ཀྱི་མཐའ་དེ་བདག་གི་མཐའོ། །གང་བདག་གི་མཐའ་དེ་ནི་ཆོས་ཐམས་ཅད་ཀྱི་མཐའོ། །དེ་ཅིའི་ཕྱིར་ཞེ་ན། །ཆོས་ཐམས་ཅད་ནི་དེའི་མཐའ། སྟོང་པ་ཉིད་ཀྱི་མཐའ།
D148.057.0289b05.01ཉེ་བར་ཞི་བའི་མཐའ་སྟེ། གང་མཐའ་དེ་གསུམ་གྱི་སྒོ་ལ་མི་ཆགས་པ་དེ་ནི་ཆོས་ཐམས་ཅད་ལ་མི་ཆགས་པའི་ཡེ་ཤེས་རྙེད་དོ། །དེ་ནས་གནས་བརྟན་ཤཱ་རིའི་བུས་བྱང་ཆུབ་སེམས་དཔའ་ལྟད་མོ་ཅན་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ལྟད་མོ་ཅན་ཞེས་མིང་སུས་བཏགས།
D148.057.0289b06.01སྨྲས་པ། བཙུན་པ་ཤཱ་རིའི་བུ་ཁྱོད་གང་དང་གང་དུ་ཆོས་ལ་འདུན་པ་དང་བརྩོན་པ་དེ་དང་དེར་ལྟད་མོར་མི་འགྱུར་རམ། སྨྲས་པ། རིགས་ཀྱི་བུ་དེ་དེ་བཞིན་ནོ། །སྨྲས་པ། བཙུན་པ་ཤཱ་རིའི་བུ་དེ་བཞིན་དུ་ཁོ་བོ་ཆོས་ཐམས་ཅད་ལ་འདུན་ཅིང་བརྩོན་པ་དེ་དང་དེར་ཁོ་བོས་ནམ་སངས་རྒྱས་
D148.057.0289b07.01