完整藏文原文 · 德格版页 当前仅加载第 57 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ལ། ཕུང་པོ་དང་། ཁམས་དང་། སྐྱེ་མཆེད་ཀྱིས་རབ་ཏུ་ཕྱེ་བ་ཡང་མ་ཡིན། ལུས་ཕྱིན་ཅི་ལོག་ལས་བྱུང་བ་ཡང་མ་ཡིན་ཏེ། ཡིད་ཀྱི་ལུས་རབ་ཏུ་རྙེད་དོ། །དེ་ལྟར་ན་བྱང་ཆུབ་སེམས་དཔའ་ལུས་མངོན་སུམ་པ་ཡིན་ནོ། །ཀུན་དགའ་བོས་སྨྲས་པ། རིགས་ཀྱི་བུ་ཁྱོད་ཆོས་
D148.057.0306a01.01ཐམས་ཅད་མངོན་སུམ་པ་ཡིན་ནམ། སྨྲས་པ། བཙུན་པ་ཀུན་དགའ་བོ་ཁོ་བོའི་ལུས་ནི་ཆོས་ལས་རྣམ་པར་གྲོལ་བར་མི་འདོད་དེ། ཁོ་བོའི་ལུས་ཉིད་ཆོས་སོ། །ཆོས་ཉིད་ནི་ཁོ་བོའི་ལུས་སོ། །དེ་བས་ན་ཁོ་བོའི་ལུས་མངོན་སུམ་མོ། །ཀུན་དགའ་བོས་སྨྲས་པ། རིགས་ཀྱི་བུ་ཁྱོད་གལ་
D148.057.0306a02.01ཏེ་ལུས་མངོན་སུམ་པ་ཡིན་ན། ཁྱོད་ཅི་དགྲ་བཅོམ་པའམ། སྨྲས་པ། ཉོན་མོངས་པ་མེད་པའི་ཆོས་ཀྱི་སྒོ་རྟོགས་ཤིང་། འདོད་ཆགས་མེད་ལ་ཞེ་སྡང་མེད་ཅིང་གཏི་མུག་མེད་པའི་ཕྱིར་ཁོ་བོ་ནི་དགྲ་བཅོམ་པའོ། །སྨྲས་པ། རིགས་ཀྱི་བུ་ཁྱོད་གལ་ཏེ་ཁྱོད་དགྲ་བཅོམ་པ་ཡིན་ན། ཇི་སྲིད་
D148.057.0306a03.01ཅིག་ན་ཡོངས་སུ་མྱ་ངན་ལས་འདའ། སྨྲས་པ། བཙུན་པ་ཀུན་དགའ་བོ་དགྲ་བཅོམ་པ་ནི་ཡོངས་སུ་མྱ་ངན་ལས་མི་འདའ་སྟེ། སོ་སོའི་སྐྱེ་བོ་རྣམས་ཡོངས་སུ་མྱ་ངན་ལས་འདའི་དགྲ་བཅོམ་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། དགྲ་བཅོམ་པ་ནི་མྱ་ངན་ལས་འདས་པའི་འདུ་ཤེས་
D148.057.0306a04.01སྤངས་པའོ། །སོ་སོའི་སྐྱེ་བོ་རྣམས་ནི་ཡོངས་སུ་མྱ་ངན་ལས་འདའོ་ཞེས་རྣམ་པར་རྟོག་སྟེ། དེ་དག་ཅི་ཙམ་དུ་རྟོག་ཅིང་རྣམ་པར་རྟོག་པ་དེ་ཙམ་དུ་ཡོངས་སུ་མྱ་ངན་ལས་འདའོ། །སྨྲས་པ། རིགས་ཀྱི་བུ་བདག་ཅག་གིས་ཇི་ལྟར་ཁྱོད་ཀྱིས་སྨྲས་པའི་དོན་ཤེས་པ་ལྟར་ན་ཁྱོད་ནི་དགྲ་བཅོམ་
D148.057.0306a05.01པའང་མ་ཡིན། སོ་སོའི་སྐྱེ་བོ་ཡང་མ་ཡིན། སློབ་པ་ཡང་མ་ཡིན། མི་སློབ་པ་ཡང་མ་ཡིན། རང་སངས་རྒྱས་ཀྱང་མ་ཡིན། བྱང་ཆུབ་སེམས་དཔའ་ཡང་མ་ཡིན། དེ་བཞིན་གཤེགས་པ་ཡང་མ་ཡིན་ནོ། །སྨྲས་པ། བཙུན་པ་ཀུན་དགའ་བོ་ལེགས་སོ་ལེགས་སོ། །གང་དགྲ་བཅོམ་པ་
D148.057.0306a06.01ཡང་མ་ཡིན། སོ་སོའི་སྐྱེ་བོ་ཡང་མ་ཡིན། སློབ་པ་ཡང་མ་ཡིན། མི་སློབ་པ་ཡང་མ་ཡིན། རང་སངས་རྒྱས་ཀྱང་མ་ཡིན། བྱང་ཆུབ་སེམས་དཔའ་ཡང་མ་ཡིན། དེ་བཞིན་གཤེགས་པ་ཡང་མ་ཡིན་པ་དེ་ནི་ས་ཐམས་ཅད་ཀྱང་སྟོན་ལ་གང་ལ་ཡང་རབ་ཏུ་མི་གནས་སོ། །བསྟན་པ་འདི་བཤད་པ་
D148.057.0306a07.01