完整藏文原文 · 德格版页 当前仅加载第 57 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
ནམས་ནི་རྣམ་པར་སྨིན་པ་ལ་མི་རེ་བའོ། །ཡེ་ཤེས་ནི་སྦྱིན་པ་མི་སྙེམས་ཤིང་བྱང་ཆུབ་ཏུ་ཡོངས་སུ་བསྔོ་བའོ། །གཞན་ཡང་དགེ་བའི་རྩ་བ་ནི་བསླབ་པ་ཡང་དག་པར་འཛིན་པའོ། །བསོད་ནམས་ནི་ཚུལ་ཁྲིམས་མ་ཉམས་པའོ། །ཡེ་ཤེས་ནི་མངོན་པར་འདུ་མི་བྱེད་པའི་ཚུལ་ཁྲིམས་བྱང་ཆུབ་ཏུ་ཡོངས་སུ་
D148.057.0308b01.01བསྔོ་བའོ། །གཞན་ཡང་དགེ་བའི་རྩ་བ་ནི་སེམས་ཅན་ཐམས་ཅད་ལ་ཁོང་ཁྲོ་བ་མེད་པའོ། །བསོད་ནམས་ནི་མི་སྙན་པར་ཟེར་བ་བཟོད་པའོ། །ཡེ་ཤེས་ནི་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་ལུས་དང་སྲོག་གཏོང་ཞིང་བྱང་ཆུབ་ཏུ་ཡོངས་སུ་བསྔོ་བའོ། །གཞན་ཡང་དགེ་བའི་
D148.057.0308b02.01རྩ་བ་ནི་གང་དགེ་བའི་ཆོས་རྣམས་ལ་རྩོམ་པའོ། །བསོད་ནམས་ནི་གང་དགེ་བའི་རྩ་བ་ཐམས་ཅད་ལ་འདུན་པའོ། །ཡེ་ཤེས་ནི་གང་མཚན་མ་མེད་པ་ལ་མཚུངས་པར་འཇུག་ཅིང་དགེ་བའི་རྩ་བ་བྱང་ཆུབ་ཏུ་ཡོངས་སུ་བསྔོ་བའོ། །གཞན་ཡང་དགེ་བའི་རྩ་བ་ནི་གང་བསམ་གཏན་གྱི་ཡན་ལག་
D148.057.0308b03.01ཡོངས་སུ་ཚོལ་བའོ། །བསོད་ནམས་ནི་གང་བསམ་གཏན་རྙེད་པས་སྔོན་གྱི་དགེ་བའི་རྩ་བ་ཟད་པར་མི་བྱེད་པའོ། །ཡེ་ཤེས་ནི་གང་བསམ་གཏན་ལས་བཟློག་ནས་འདོད་པའི་ཁམས་སུ་སྐྱེ་བའོ། །གཞན་ཡང་དགེ་བའི་རྩ་བ་ནི་གང་ཤེས་རབ་ཀྱི་རྩ་བ་ཐོས་པའོ། །བསོད་ནམས་ནི་གང་ཐོས་
D148.057.0308b04.01པ་ལ་སོ་སོར་རྟོག་པའོ། །ཡེ་ཤེས་ནི་གང་ཤེས་རབ་ཡོངས་སུ་སྐོང་བའོ། །གཞན་ཡང་དགེ་བའི་རྩ་བ་ནི་སེམས་ཅན་ཐམས་ཅད་ལ་སེམས་མཉམ་པའོ། །བསོད་ནམས་ནི་བྱམས་པའི་སེམས་ལ་སྙོམས་པར་འཇུག་པའོ། །ཡེ་ཤེས་ནི་ནམ་མཁའ་དང་མཚུངས་པས་སེམས་ཅན་ཐམས་ཅད་
D148.057.0308b05.01ལ་བྱམས་པའོ། །གཞན་ཡང་དགེ་བའི་རྩ་བ་ནི་གང་ས་གསུམ་གྱི་ཚོགས་སོ། །བསོད་ནམས་ནི་གང་ས་བཞི་ལ་སོགས་པའོ། །ཡེ་ཤེས་ནི་གང་ས་བཅུ་པ་ཡོངས་སུ་སྐོང་བའོ། །གཞན་ཡང་དགེ་བའི་རྩ་བ་ནི་སེམས་དང་པོ་སྐྱེས་པའི་བྱང་ཆུབ་སེམས་དཔའ་རྣམས་ཀྱིའོ། །བསོད་ནམས་ནི་སྤྱོད་
D148.057.0308b06.01པ་ལ་ཞུགས་པའི་བྱང་ཆུབ་སེམས་དཔའ་རྣམས་ཀྱིའོ། །ཡེ་ཤེས་ནི་ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་ཀྱིའོ། །གཞན་ཡང་དགེ་བའི་རྩ་བ་ནི་རྐང་མཐིལ་མཉམ་པར་རེག་པའོ། །བསོད་ནམས་ནི་མཚན་དང་དཔེ་བྱད་བཟང་པོའི་རྒྱན་ཏོ། །ཡེ་ཤེས་ནི་སྤྱི་གཙུག་བལྟར་མི་མཐོང་བའོ། །
D148.057.0308b07.01