完整藏文原文 · 德格版页 当前仅加载第 57 函德格 325b 版页；藏文 NFD、目录标记与异常页序保留在来源切片中，重复版页行以稳定序号区分。
ཙིཏྟི་ཀྲྀ་ཏ། ཨ་ནུ་རཱ་ག་ཡནྟུ། ཨི་མནྡྷརྨ་སནྡྷི། བི་བྷ་ཙནྟུ་ནི་རུཀྟ། ནིརྡེ་ཤེ་པྲ་ཏི་རཀྵནྟུ། དྷརྨྨ་དྷ་ར་ཎི། རིགས་ཀྱི་བུ་འདི་དག་ནི་རྒྱལ་པོ་ཆེན་པོ་བཞི་དགུག་པའི་ཚིག་གོ། །དེ་ནས་རྒྱལ་པོ་ཆེན་པོ་བཞི་འཇིགས་ཤིང་སྐྲག་སྟེ་སྤུ་ཟིང་ཞེས་བྱེད་ནས་བཅོམ་ལྡན་འདས་ག་ལ་བ་དེར་
D148.057.0325b01.01ལྷགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་ཆོས་ཀྱི་རྣམ་གྲངས་འདི་བསྲུང་བ་དང་། བསྐྱབ་པ་དང་། སྦ་བ་དང་། ཡུན་རིང་དུ་གནས་པར་བགྱི་
D148.057.0325b02.01བ་དང་། རྗེས་སུ་གཟུང་བའི་སླད་དུ་གནས་པར་བགྱིའོ། །གང་ན་ཆོས་ཀྱི་རྣམ་གྲངས་འདི་སྤྱོད་པ་དེར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་གང་དག་ཆོས་མ་ལགས་པ་འཚལ་བར་འགྱུར་བ་དེ་དག་ཤིན་ཏུ་
D148.057.0325b03.01ཚར་གཅད་པར་བགྱིའོ། །གང་དག་ཆོས་འཚལ་བར་འགྱུར་བ་དེ་དག་གི་སེམས་རབ་ཏུ་དགའ་བར་བགྱིའོ། །ཆོས་སྨྲ་བ་དེའི་འཁོར་གྱི་དཀྱིལ་འཁོར་ཡང་ཡོངས་སུ་ལེགས་པར་གཞག་པར་བགྱིའོ། །ཚིག་གི་མཚམས་སུ་ཚིག་གི་མཚམས་སྦྱོར་བར་བགྱིའོ། །སྤོབས་
D148.057.0325b04.01པ་ཡང་སྩལ་བར་བགྱིའོ། །དྲན་པ་དང་། བློ་གྲོས་དང་། རྟོགས་པ་དང་། དགའ་བ་ཡང་འཕེལ་བར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་དེ་བཞི་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་དག་འདི་ལྟ་སྟེ། ཁྱེད་ནི་
D148.057.0325b05.01ངའི་བུ་ཆོས་ལས་སྐྱེས་པ་ཆོས་ཀྱིས་བྱུང་བ་སྟེ། ཁྱེད་རྣམས་ངའི་དམ་པའི་ཆོས་ཡོངས་སུ་གཟུང་བའི་ཕྱིར་སྤྲོ་བ་སྟོན་པ་ནི་ལེགས་སོ་ལེགས་སོ། །ཁྱེད་རྣམས་ཆོས་ཀྱི་རྒྱུ་འཐུན་པ་འདིས་འཇིག་རྟེན་དུ་འཇིག་རྟེན་གྱི་བདག་པོར་འགྱུར་ཏེ། འཇིག་རྟེན་ཐམས་ཅད་ལས་ཡང་དག་པར་
D148.057.0325b06.01འདས་ནས་འཕགས་པའི་མྱ་ངན་ལས་འདའ་བའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ལྷའི་དབང་པོ་བརྒྱ་བྱིན་དགུག་པའི་ཚིག་བཤད་
D148.057.0325b07.01