完整藏文原文 · 德格版页 当前仅加载第 57 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ལ་རིམ་གྲོ་བྱེད་པའོ། །ཡེ་ཤེས་ནི་གང་སངས་རྒྱས་ལ་རབ་ཏུ་རྟོན་པའོ། །གཞན་ཡང་དགེ་བའི་རྩ་བ་ནི་གང་རབ་ཏུ་བྱུང་བ་རྙེད་པའོ། །བསོད་ནམས་ནི་གང་འཕགས་པའི་རིགས་ཀྱིས་ཤིན་ཏུ་དགའ་བའོ། །ཡེ་ཤེས་ནི་གང་དགོན་པར་གནས་པ་ལ་དགའ་བའོ། །
D148.057.0308a01.01གཞན་ཡང་དགེ་བའི་རྩ་བ་ནི་གང་དགང་སླ་བ་དང་། གསོ་སླ་བའོ། །བསོད་ནམས་ནི་གང་ཆོས་གོས་དང་བསོད་སྙོམས་ལྷུན་གྱིས་གྲུབ་པར་རྙེད་པའོ། །ཡེ་ཤེས་ནི་གང་མི་ཆགས་མི་བརྐམ་པར་དེ་ལ་ཡོངས་སུ་སྤྱོད་པའོ། །གཞན་ཡང་དགེ་བའི་རྩ་བ་ནི་གང་དྲན་པ་ཉེ་བར་གཞག་པ་
D148.057.0308a02.01རྣམས་ལ་སྒོམ་པའོ། །བསོད་ནམས་ནི་གང་ཡང་དག་པར་སྤོང་བ་རྣམས་ཡོངས་སུ་རྫོགས་པར་བྱེད་པའོ། །ཡེ་ཤེས་ནི་གང་རྫུ་འཕྲུལ་གྱི་རྐང་པ་ཐོབ་པའོ། །གཞན་ཡང་དགེ་བའི་རྩ་བ་ནི་གང་དད་པའི་དབང་པོ་ལ་འཇུག་པའོ། །བསོད་ནམས་ནི་གང་བརྩོན་འགྲུས་དང་། དྲན་པ་དང་
D148.057.0308a03.01ཤེས་བཞིན་ནོ། །ཡེ་ཤེས་ནི་གང་ཏིང་ངེ་འཛིན་དང་ཤེས་རབ་བསྒོམ་པའོ། །གཞན་ཡང་དགེ་བའི་རྩ་བ་ནི་གང་སྟོབས་ལྔ་ལ་གནས་པའོ། །བསོད་ནམས་ནི་གང་བྱང་ཆུབ་ཀྱི་ཡན་ལག་རྣམས་རྗེས་སུ་ཤེས་པའོ། །ཡེ་ཤེས་ནི་གང་ལམ་ལ་འཇུག་པ་ཤེས་པའོ། །གཞན་ཡང་དགེ་བའི་རྩ་བ་
D148.057.0308a04.01ནི་གང་སེམས་དགའ་བའོ། །བསོད་ནམས་ནི་གང་ཞི་གནས་ཀྱི་ཚོགས་ཡོངས་སུ་ཚོལ་བའོ། །ཡེ་ཤེས་ནི་གང་ལྷག་མཐོང་ལ་མཁས་པའོ། །གཞན་ཡང་དགེ་བའི་རྩ་བ་ནི་གང་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོའོ། །བསོད་ནམས་ནི་གང་ཚུལ་ཁྲིམས་ལས་བྱུང་བའི་བསོད་
D148.057.0308a05.01ནམས་བྱ་བའི་དངོས་པོའོ། །ཡེ་ཤེས་ནི་གང་བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོའོ། །གཞན་ཡང་དགེ་བའི་རྩ་བ་ནི་གང་ལྷག་པའི་ཚུལ་ཁྲིམས་ལ་སློབ་པའོ། །བསོད་ནམས་ནི་གང་ལྷག་པའི་སེམས་ལ་སློབ་པའོ། །ཡེ་ཤེས་ནི་གང་ལྷག་པའི་ཤེས་རབ་ལ་སློབ་པའོ། །
D148.057.0308a06.01གཞན་ཡང་དགེ་བའི་རྩ་བ་ནི་སྡིག་པ་ཐམས་ཅད་སོ་སོར་འཆགས་པའོ། །བསོད་ནམས་ནི་བསོད་ནམས་ཐམས་ཅད་ལ་རྗེས་སུ་ཡི་རང་བའོ། །ཡེ་ཤེས་ནི་སངས་རྒྱས་ཐམས་ཅད་ལ་གསོལ་བ་འདེབས་པའོ། །གཞན་ཡང་དགེ་བའི་རྩ་བ་ནི་བདོག་པ་ཐམས་ཅད་ཡོངས་སུ་གཏོང་བའོ། །བསོད་
D148.057.0308a07.01