完整藏文原文 · 德格版页 当前仅加载第 57 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས་དགའ་བ་དང་མགུ་བ་དང་ཡིད་བདེ་བ་སྐྱེས་ནས་བྲོ་བརྡུངས་ཏེ་འཁོར་དེ་ནས་སོང་ངོ་། །དེ་ནས་ཡང་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྐྱེས་བུ་འདི་ཅིའི་སླད་དུ་འདི་ལྟར་
D148.057.0315a01.01དགའ་སྟེ། འཁོར་འདི་ནས་མཆིས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ནི་བདུད་ཡིན་ཏེ། ཁྱིམ་བདག་གི་གཟུགས་ཀྱིས་ཆོས་ཀྱི་རྣམ་གྲངས་འདི་ནུབ་པར་བྱ་བའི་ཕྱིར། དེ་བཞིན་གཤེགས་པའི་གན་དུ་འོངས་ཏེ། དེས་གང་ཆོས་ཀྱི་རྣམ་གྲངས་འདི་ལ་མོས་
D148.057.0315a02.01པར་འགྱུར་བའི་སེམས་ཅན་ཉུང་ཟད་ཅིག་འབྱུང་བར་ཐོས་ནས་དགེ་སྦྱོང་གཽ་ཏ་མའི་ཕྱོགས་ནི་ཉུང་། བདག་གི་ཕྱོགས་ནི་མང་ངོ་ཞེས་དེ་དེ་ལྟར་དགའ་ནས་ཆེད་དུ་བརྗོད་པ་ཆེད་དུ་བརྗོད་དེ་འཁོར་འདི་ནས་སོང་ངོ་། །དེ་ནས་ཡང་བྱང་ཆུབ་སེམས་དཔའ་ནམ་མཁའ་མཛོད་ཀྱིས་བདུད་སྡིག་ཅན་ལ་
D148.057.0315a03.01འདི་སྐད་ཅེས་སྨྲས་སོ། །སྡིག་ཅན་ངོ་བསྟན་ནས་ཅིའི་ཕྱིར་སླར་འགྲོ། དེ་ནས་བདུད་སྡིག་ཅན་འདི་སྙམ་དུ་སེམས་ཏེ། བྱང་ཆུབ་སེམས་དཔའ་ནམ་མཁའ་མཛོད་དང་། དེ་མ་ཡིན་པའི་བྱང་ཆུབ་སེམས་དཔའ་དག་གིས་ཀྱང་ཚོར་ན། དེ་བཞིན་གཤེགས་པས་ལྟ་སྨོས་ཀྱང་ཅི་དགོས་
D148.057.0315a04.01ཏེ། བདག་ད་རང་གི་གནས་སུ་འགྲོའོ་སྙམ་མོ། །དེ་ནས་བྱང་ཆུབ་སེམས་དཔའ་ནམ་མཁའ་མཛོད་ཀྱིས་བདུད་སྡིག་ཅན་གཡོག་དང་བཅས་ཏེ། ནམ་མཁའི་དཀྱིལ་ན་འདུག་ནས་རང་གི་གནས་སུ་འགྲོ་མི་ནུས་པར་དེ་ལྟར་བྱིན་གྱིས་བརླབས་སོ། །དེ་ནས་ཡང་བྱང་ཆུབ་སེམས་དཔའ་
D148.057.0315a05.01ནམ་མཁའ་མཛོད་ཀྱིས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ནམ་མཁའ་ནི་སྒྲིབ་པ་མེད་པ་ཡིན་ན་ཅིའི་ཕྱིར་རང་གི་གནས་སུ་མི་འགྲོ། བདུད་ཀྱིས་སྨྲས་པ། རིགས་ཀྱི་བུ་ཁྱེད་ལ་ནི་ནམ་མཁའ་མི་སྒྲིབ་མོད་ཀྱི་བདག་ཅག་གིས་ནི་མུན་པར་མཐོང་སྟེ། གང་དང་གང་གི་
D148.057.0315a06.01ཚེ་ངོ་གྱན་དུ་བལྟས་པ་དེ་དང་དེའི་ཚེ་ན་ནི་མུན་པ་མུན་ནག་ཏུ་མཐོང་ངོ་། །ནམ་བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་ལ་བལྟས་པ་དེའི་ཚེ་ནི་ཐམས་ཅད་དུ་སྣང་བར་མཐོང་ངོ་། །སྨྲས་པ། སྡིག་ཅན་དེ་དེ་ལྟའོ། །གང་ཆོས་དཀར་པོ་ལ་སེམས་པའི་སེམས་ཅན་རྣམས་ཀྱི་མུན་པ་ནི་
D148.057.0315a07.01