完整藏文原文 · 德格版页 当前仅加载第 57 函德格 320b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དེ་བཞིན་ནོ། །གྲོགས་པོ་དག་ཇི་སྐད་སྨྲས་པ་བཞིན་ཏེ། འདི་ནི་སངས་རྒྱས་ཀྱི་ཡུལ་ལོ། །འོན་ཀྱང་གྲོགས་པོ་དག་སེམས་ནི་རྟེན་ཅིང་འབྲེལ་པར་འབྱུང་བ་སྟེ། ངས་སེམས་ཅན་འདི་དག་ཆགས་པས་གོམ་པ་འདེག་ཅིང་ཆགས་པ་དང་བྲལ་བས་འཇོག་པ་དང་། ཀུན་ནས་ཉོན་
D148.057.0320b01.01མོངས་པས་ཆོས་གོས་འཛིན་པ་དང་། ཉོན་མོངས་པ་དང་བྲལ་བར་གྱོན་པ་དང་། ལེན་པ་དང་བཅས་པས་ཟན་ཁམ་གྱིས་གཅོད་པ་དང་། ལེན་པ་མེད་པར་མཐོང་སྟེ། ཀྱེ་གྲོགས་པོ་དག་སེམས་ཅན་གྱི་སྤྱོད་པ་ནི་སྣ་ཚོགས་སོ། །མགོ་སྨོས་པས་གོ་བ་དང་། སྤྲོས་ཏེ་བཤད་པས་གོ་བ་
D148.057.0320b02.01དང་། ཚིག་ལྷུར་ལེན་པའི་སེམས་ཅན་དག་ཡོད་དེ། དེ་དག་ལ་དེ་བཞིན་གཤེགས་པ་སོ་སོ་ཅི་རིགས་པར་ཆོས་ལ་གཟུད་པར་བསྟན་པའི་གཏམ་རྣམས་གསུང་ངོ་། །ཀྱེ་གྲོགས་པོ་དག་ཉོན་མོངས་པ་ནི་ཡུལ་ལ་ཡང་མི་གནས་ཤིང་ཕྱོགས་ལའང་མི་གནས་ཏེ། ཉོན་མོངས་པ་ནི་བསགས་
D148.057.0320b03.01པའང་མེད། ཕུང་པོའི་དངོས་པོ་ཡང་མེད་དོ། །ཚུལ་བཞིན་མ་ཡིན་པ་བྱུང་བས་ཉོན་མོངས་པ་བྱུང་ངོ་། །ཚུལ་བཞིན་བྱུང་བས་རྣམ་པར་དག་པ་བྱུང་ངོ་། །དེ་ལ་དེ་ལྟར་ཀུན་ནས་ཉོན་མོངས་པ་འབྱུང་བ་དེ་ཚུལ་བཞིན་བརྟགས་ན་རྣམ་པར་དག་པ་འབྱུང་བར་འགྱུར་རོ། །ངས་འདི་ལས་
D148.057.0320b04.01དགོངས་ཏེ་ལོག་པར་ལྟ་བ་ལ་ལོག་པར་ལྟ་བ་ཡང་དག་པ་ཇི་ལྟ་བ་བཞིན་དུ་ཤེས་ན་དེ་དེའི་ཡང་དག་པར་ལྟ་བ་ཡིན་ནོ་ཞེས་ཚིག་འདི་སྨྲས་སོ། །ནམ་ཡང་ལོག་པར་ལྟ་བ་ནི་ཡང་དག་པའི་ལྟ་བར་མ་གྱུར། མི་འགྱུར། འགྱུར་བ་མེད་དོ། །འོན་ཀྱང་ཇི་ལྟར་ལོག་པར་ལྟ་བ་ལ་ལོག་པར་ལྟ་བར་
D148.057.0320b05.01རིག་ནས་དེ་ལ་མི་གནས། རབ་ཏུ་མི་གནས། སྤྱོད་པ་མེད། རབ་ཏུ་སྤྱོད་པ་མེད་པ་དེ་ནི་ཡང་དག་པར་ལྟ་བའི་ལམ་ལ་འཇུག་པ་སྟེ། འདི་ནི་ཡང་དག་པའི་ལྟ་བ་ཞེས་བྱའོ། །ཀྱེ་གྲོགས་པོ་དག་ཉོན་མོངས་པ་ནི་སྒྲིབ་པར་བྱེད་པའོ། །རྣམ་པར་དག་པ་ནི་སྣང་བའོ། །ཉོན་མོངས་པ་ནི་ཉམ་
D148.057.0320b06.01ཆུང་བའོ། །ལྷག་མཐོང་ནི་སྟོབས་དང་ལྡན་པའོ། །ཉོན་མོངས་པ་ནི་གློ་བུར་རོ། །རང་བཞིན་ནི་རྩ་བ་རྣམ་པར་དག་པའོ། །ཉོན་མོངས་པ་ནི་ཀུན་དུ་རྟོག་པའོ། །རང་བཞིན་ནི་ཀུན་དུ་རྟོག་པ་མེད་པའོ། །ཀྱེ་གྲོགས་པོ་དག་འདི་ལྟ་སྟེ་དཔེར་ན། ས་ཆེན་པོ་འདི་ནི་ཆུ་ལ་རྟེན་ཏོ། །ཆུ་ནི་རླུང་
D148.057.0320b07.01