完整藏文原文 · 德格版页 当前仅加载第 57 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་སྟོང་ཕྲག་བྱེ་བ་རབ་དུ་འཆད། །སེམས་ཅན་དབང་པོར་སེམས་ཅན་འདུ་ཤེས་མེད། །སངས་རྒྱས་མཐུ་ཡིས་བསྐལ་པ་བྱེ་སྟོང་དུ། །རྒྱུན་མི་འཆད་པར་ཆོས་ནི་རབ་སྟོན་ཅིང་། །བསམ་པ་ཇི་བཞིན་སེམས་ཅན་ཚིམ་པར་བྱེད། །སྤོབས་པའི་ཚུལ་གྱིས་སངས་རྒྱས་ཡོན་ཏན་གནས། །ཆོས་འདི་
D148.057.0280b01.01ཐམས་ཅད་ནམ་མཁའ་འདྲ་བ་ཞེས། །གང་གིས་ཆོས་རྣམས་ཀུན་གྱི་ཚུལ་ཤེས་ལ། །སེམས་ཅན་སྲོག་དང་གང་ཟག་མི་འཛིན་པ། །དེ་ནི་རྒྱལ་བ་རྣམས་ཀྱི་དམ་ཆོས་འཛིན། །སེམས་ཅན་ཐམས་ཅད་ཤིན་ཏུ་མྱ་ངན་འདས། །དེ་དག་དེ་ལྟར་ཀུན་དུ་སྐྱེ་བ་མེད། །སུ་ཡི་བཟོད་པ་འདི་འདྲའི་འོད་
D148.057.0280b02.01གསལ་བ། །དེ་ནི་བསྟན་པ་འདི་ལ་བག་ཡོད་ཡིན། །ཕུང་པོ་ཡང་དག་སྒྱུ་མ་ལྟ་བུར་མཐོང་། །ཆོས་དབྱིངས་ཇི་འདྲ་དེ་བཞིན་ཁམས་རྣམས་ཤེས། །དབང་པོ་དྲུག་ནི་གྲོང་སྟོང་འདྲ་མཐོང་བ། །དེ་ནི་ཕུང་པོའི་བདུད་ལས་ཡང་དག་འདའ། །སྤྲིན་བརྩེགས་ཕུང་པོ་ལྟ་བུར་ཉོན་མོངས་རྣམས། །བག་
D148.057.0280b03.01ཡོད་ཚུལ་བཞིན་རབ་ཏུ་རྟོག་བྱེད་ཅིང་། །ཆོས་ལ་མི་རྟོག་རྣམ་པར་མི་རྟོག་པ། །དེ་ནི་ཉོན་མོངས་བདུད་ལས་ཡང་དག་འདའ། །གང་ཞིག་སྐྱེ་བ་རྟག་ཏུ་སྐྱེ་མེད་ཤེས། །འདི་ལ་གང་ཡང་འཕོ་མེད་འགྲོ་བ་མེད། །ཆོས་རྣམས་འོང་མེད་སོང་བ་མེད་ཤེས་པ། །དེ་ནི་འཆི་བདག་བདུད་ཀྱི་དབང་མི་འགྲོ། །
D148.057.0280b04.01གང་ཞིག་གཡོ་དང་རློམ་སེམས་མི་བྱེད་ཅིང་། །བྱང་ཆུབ་གནས་ཀྱང་བྱང་ཆུབ་འདུ་ཤེས་མེད། །བདག་དང་སེམས་ཅན་མེད་ཀྱང་སྙིང་རྗེ་འཇུག །དེ་ནི་དཔུང་དང་བཅས་པའི་བདུད་འདུལ་ལོ། །རྣམ་ཤེས་ཡེ་ཤེས་གཉིས་ནི་མཉམ་པར་མཐོང་། །འདུས་བྱས་མི་གནས་འདུས་མ་བྱས་ལ་
D148.057.0280b05.01མིན། །འགྲོ་བའི་སེམས་ནི་སྒྱུ་མ་འདྲར་མཐོང་བ། །དེ་ནི་སེམས་དཔའི་རྫི་བ་མེད་པ་ཡིན། །ཕ་རོལ་ཚུ་རོལ་གང་ལའང་མི་ཆགས་ལ། །ཆོས་ལྡན་གྲུ་ནི་ཡང་དག་སུ་སྦྱོར་ཞིང་། །སེམས་ཅན་སྒྲོལ་ཡང་སེམས་ཅན་འདུ་ཤེས་མེད། །མཉམ་པ་ཞེས་བྱ་བྱང་ཆུབ་སེམས་དཔའ་དེ། །སྲིད་པ་གསུམ་
D148.057.0280b06.01པོ་འབྲོག་དགོན་འདྲ་བ་དང་། །སྟོང་པར་འགྱུར་བ་མེད་པར་རབ་ཤེས་ཤིང་། །ལམ་གྱི་རིམ་གྱིས་རྟག་ཏུ་སེམས་ཅན་སྒྲོལ། །དེ་ནི་དེད་དཔོན་བདུད་རྩི་ལམ་སྟོན་པ། མཛངས་པ་དེ་ནི་ཚུལ་དང་ཚུལ་མིན་མཁས། །ཆོས་རྣམས་གདོད་ནས་སྟོང་པར་རབ་ཏུ་ཤེས། །ཚུལ་དང་རིགས་པས་མྱ་ངན་འདས་ལ་འཛུད། །
D148.057.0280b07.01