完整藏文原文 · 德格版页 当前仅加载第 57 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་རྣམས་ཡོངས་སུ་མི་འཛིན་ཏོ། །སེམས་ཅན་རྣམས་ཀྱང་མྱ་ངན་ལས་འདས་པ་ལ་མོས་པར་བྱེད་ལ་བདག་ཀྱང་ཐོག་མར་ཡོངས་སུ་མྱ་ངན་ལས་འདས་པ་ཡིན་ནོ། །དེ་ལ་བྱང་ཆུབ་སེམས་དཔའི་ཡོངས་སུ་མྱ་ངན་ལས་འདས་པ་གང་ཞེ་ན། ཡོངས་སུ་མྱ་ངན་ལས་འདས་པ་ཞེས་བྱ་བ་ནི་མངོན་པར་
D148.057.0303b01.01འདུ་མི་བྱེད་པའོ། །དེ་ལ་བྱང་ཆུབ་སེམས་དཔའི་མི་དགེ་བའི་ལས་{ཆུང་ཟད་,ཅུང་ཟད་}ཀྱང་མངོན་པར་འདུ་མི་བྱེད་དོ། །གང་དགེ་བའི་ཆོས་རྣམས་ཡང་དག་པར་འཛིན་ཅིང་འཇུག་གོ། །དེ་ལུས་དང་ངག་དང་སེམས་དབེན་པའི་མངོན་པར་འདུ་བྱེད་པ་ཐམས་ཅད་མངོན་པར་འདུ་བྱེད་དེ། སོ་སོར་བརྟགས་ནས་
D148.057.0303b02.01ཐམས་ཅད་མཁྱེན་པར་ཡོངས་སུ་བསྔོའོ། །ཐམས་ཅད་མཁྱེན་པ་དེ་གཟུགས་སུ་མི་སྙེམས། ཚོར་བར་མ་ཡིན། འདུ་ཤེས་སུ་མ་ཡིན། འདུ་བྱེད་རྣམས་སུ་མ་ཡིན་ཏེ། རྣམ་པར་ཤེས་པར་ཡང་སྙེམས་པར་མི་བྱེད་དོ། །དེའི་སེམས་ལ་སྙེམས་པ་མེད་ཅིང་ཚུལ་ཁྲིམས་སྙེམས་པ་མེད་
D148.057.0303b03.01པས་སྨོན་ལམ་ཐམས་ཅད་ཡོངས་སུ་རྫོགས་པར་བྱེད་ཀྱང་ཆོས་གང་ལ་ཡང་བྲི་བའམ་གང་བར་ཡང་དག་པར་རྗེས་སུ་མི་མཐོང་ངོ་། །དེ་བྲི་བ་མེད་ཅིང་གང་བ་མེད་པས་ཆོས་ཐམས་ཅད་མཉམ་པ་ཉིད་རྙེད་ནས་ཆོས་ཀྱི་དབྱིངས་ལ་གནས་ཤིང་བྱང་ཆུབ་སེམས་དཔའི་སྤྱད་པ་སྤྱོད་དེ། ཆོས་གང་ཡང་
D148.057.0303b04.01སྤྱོད་པ་ཡང་མེད། རྣམ་པར་སྤྱད་པ་ཡང་མེད་དོ། །རིགས་ཀྱི་བུ་དེ་ལྟར་ཡོངས་སུ་མྱ་ངན་ལས་འདས་པའི་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་དོ། །དེ་ཅིའི་ཕྱིར་ཞེ་ན། མངོན་པར་འདུ་བྱ་བ་ཐམས་ཅད་ལ་མངོན་པར་འདུ་མི་བྱེད་པར་རབ་ཏུ་གནས་པ་ནི་མྱ་ངན་ལས་
D148.057.0303b05.01འདས་པ་སྟེ། དེའི་ཕྱིར་བྱང་ཆུབ་སེམས་དཔའ་མངོན་པར་འདུ་བྱ་བ་དེ་ལ་མངོན་པར་འདུ་མི་བྱེད་དེ། མངོན་པར་འདུ་མི་བྱེད་པ་ནི་མངོན་པར་འདུས་མ་བྱས་པས་ཡོངས་སུ་མྱ་ངན་ལས་འདས་པ་ཞེས་བྱའོ། །ཕ་རོལ་ཅེས་བྱ་བ་ནི་གང་རྣམ་པར་ཤེས་པ་མི་འཇུག་པ་སྟེ། བྱང་ཆུབ་སེམས་དཔའ་
D148.057.0303b06.01རྣམ་པར་རིག་པ་མེད་པས་རབ་ཏུ་ཕྱེ་བ་ནི་ཡོངས་སུ་མྱ་ངན་ལས་འདས་པ་ཞེས་བྱའོ། །ཕ་རོལ་ཅེས་བྱ་བ་ནི་མཚན་མ་མེད་པ་སྟེ། དེ་ལ་དེའི་སེམས་མཚན་མ་ལ་ཡོངས་སུ་མི་སྔོ་བ་ནི་ཡོངས་སུ་མྱ་ངན་ལས་འདས་པ་ཞེས་བྱའོ། །ཕ་རོལ་ཅེས་བྱ་བ་ནི་ཀུན་དུ་རྟོག་པ་མེད་པ་སྟེ། ཀུན་དུ་རྟོག་པ་
D148.057.0303b07.01