完整藏文原文 · 德格版页 当前仅加载第 57 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་པ་དང་། སྔོན་བྱུང་བ་ལ་སྤོབས་པ་དང་། མི་ཐུལ་བའི་སྤོབས་པ་དང་། ཚིག་རབ་ཏུ་དབྱེ་བ་བསྟན་པ་མི་ཟད་པ་ལ་སྤོབས་པ་དང་། སྤོབས་པ་ཤིན་ཏུ་གསལ་ཞིང་ཤིན་ཏུ་མཛེས་པ་དང་། ཚིག་བཙུན་ཞིང་གཟུང་བའི་སྤོབས་པ་དང་། ཆོས་སྟོན་པའི་འབྲས་བུ་ཡོད་པའི་
D148.057.0275b01.01སྤོབས་པ་དང་། ལྷའི་འཁོར་གྱི་རྒྱན་གྱི་སྤོབས་པ་དང་། ཐེ་ཙོམ་ཐམས་ཅད་གཅོད་པའི་སྤོབས་པ་དང་། འཇིག་རྟེན་དང་འཇིག་རྟེན་ལས་འདས་པའི་ཆོས་ལ་སྤོབས་པ་དང་། འཁྲུལ་པ་མེད་པའི་སྤོབས་པ་དང་། འཁོར་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་
D148.057.0275b02.01སྙོམས་ཀྱི་སྤོབས་པ་དང་། སྐྱེ་བ་དྲན་པའི་མངོན་པར་ཤེས་པའི་སྤོབས་པ་དང་། སངས་རྒྱས་ཀྱི་བྱིན་གྱི་རླབས་ཀྱི་བྱིན་གྱིས་བརླབས་པའི་སྤོབས་པ་ཡིན་ཏེ་རིགས་ཀྱི་བུ་ཉི་ཤུ་རྩ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྤོབས་པ་ཡིན་ནོ། །དེ་དག་ཀྱང་ཡོངས་སུ་སྦྱང་བ་བྱ་བ་
D148.057.0275b03.01ཉི་ཤུ་རྩ་བཞིས་འགྲུབ་སྟེ། ཉི་ཤུ་རྩ་བཞི་གང་ཞེ་ན། འདི་ལྟ་སྟེ། བླ་མའི་ངག་མི་གཅོག་པས་མྱུར་བའི་སྤོབས་པར་འགྱུར་རོ། །ཚུར་ཤོག་ཅེས་བྱ་བ་དང་སོང་ཞེས་བྱ་བ་ལ་གཡོ་མེད་པས་སྤོབས་པ་མགྱོགས་པར་འགྱུར་རོ། །ཉོན་མོངས་པ་ཐམས་ཅད་ལ་ཆགས་པ་མེད་
D148.057.0275b04.01པས་སྤོབས་པ་ཐོགས་པ་མེད་པར་འགྱུར་རོ། །དེ་ལ་མ་ཆགས་པར་གནས་པས་སྤོབས་པ་རྒྱུན་མི་འཆད་པར་འགྱུར་རོ། །ཕྲ་མའི་ཚིག་མེད་པས་ཤིན་ཏུ་ངེས་པའི་ཚིག་ལ་སྤོབས་པར་འགྱུར་རོ། །རྟེན་ཅིང་འབྲེལ་པར་འབྱུང་བ་རྟོགས་པས་ཟབ་མོ་ལ་སྤོབས་པར་འགྱུར་རོ། །
D148.057.0275b05.01སྦྱིན་པ་སྣ་ཚོགས་བསགས་པས་སྣ་ཚོགས་ལ་སྤོབས་པར་འགྱུར་རོ། །ཆུང་མ་ལེགས་པར་བརྒྱན་ཏེ་རབ་ཏུ་བྱིན་པས་ལེགས་པར་བརྒྱན་པའི་སྤོབས་པར་འགྱུར་རོ། །བྱང་ཆུབ་ཀྱི་སེམས་ལས་མི་ཉམས་པས་ཞུམ་པ་མེད་པའི་སྤོབས་པར་འགྱུར་རོ། །ཚུལ་ཁྲིམས་ཀྱི་
D148.057.0275b06.01ཕུང་པོ་ལེགས་པར་ཀུན་དུ་བསྲུངས་པས་འཇིགས་པ་མེད་པའི་སྤོབས་པར་འགྱུར་རོ། །གདུགས་དང་། རྒྱལ་མཚན་དང་། བ་དན་དང་། དྲིལ་བུ་སྣ་ཚོགས་བྱིན་པས་ཚིགས་སུ་བཅད་པ་སྣ་ཚོགས་བསྟན་པ་ངེས་པའི་ཚིག་ལ་སྤོབས་པར་འགྱུར་རོ། །སྦྱིན་པ་དང་ལྡན་
D148.057.0275b07.01