完整藏文原文 · 德格版页 当前仅加载第 57 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པས་ཆོས་ཐམས་ཅད་རྣམ་པར་དག་གོ། །གང་ཆོས་ཐམས་ཅད་རྣམ་པར་དག་པ་དེ་ནི་ནམ་མཁའ་རྣམ་པར་དག་པ་སྟེ། ནམ་མཁའ་རྣམ་པར་དག་པ་ལ་གནས་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའོ། །བྱང་ཆུབ་སེམས་དཔའ་ཆོས་ཀྱི་རྒྱལ་པོས་སྨྲས་
D148.057.0316b01.01པ། ཇི་ལྟར་རྒྱལ་པོའི་དབང་བསྐུར་བ་ཐོབ་པའི་སྟོབས་དང་འཁོར་མང་པོ་དང་ལྡན་པ་སུ་ལའང་མི་འཇིགས་པ་དེ་བཞིན་དུ། བྱང་ཆུབ་སེམས་དཔའ་དབང་བསྐུར་བ་ཐོབ་པ་ཆོས་རིན་པོ་ཆེའི་འཁོར་དང་ལྡན་པ་ཡང་བདུད་ཐམས་ཅད་ཀྱིས་མི་འཇིགས་སོ། །དེ་ལ་དབང་བསྐུར་བ་དེ་ནི་སངས་རྒྱས་
D148.057.0316b02.01ཀྱི་ཆོས་མཐར་ཕྱིན་པ་རྣམས་ཡོངས་སུ་རྫོགས་པའོ། །ཆོས་རིན་པོ་ཆེའི་འཁོར་ནི་གང་ཕྱོགས་བཅུའི་སངས་རྒྱས་ཀྱིས་གསུངས་པའི་ཆོས་རྣམས་འཛིན་པའོ། །དེ་ལྟ་བུ་ལ་གནས་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ཐམས་ཅད་ལས་ཡང་དག་པར་འདས་པ་ཞེས་བྱ་སྟེ། འདི་
D148.057.0316b03.01ནི་བདུད་ཀྱི་ཡུལ་ལས་ཡང་དག་པར་འདའ་བ་ཞེས་བྱ་བའི་ཆོས་ཀྱི་སྒོའོ། །བྱང་ཆུབ་སེམས་དཔའ་རི་རྡོབ་རྒྱལ་པོས་སྨྲས་པ། དེ་འདི་ལྟ་སྟེ་དཔེར་ན། བུ་གར་རླུང་འཇུག་པ་དེ་བཞིན་དུ་གང་ནས་གང་དུ་སེམས་ཀྱི་བུ་ག་ཡོད་པ་དེ་དང་དེར་བདུད་ཀྱིས་གླགས་རྙེད་དོ། །དེ་ལྟ་བས་ན་བྱང་
D148.057.0316b04.01ཆུབ་སེམས་དཔས་རྟག་ཏུ་སེམས་བུ་ག་མེད་པར་བྱའོ། །དེ་ལ་བུ་ག་མེད་པའི་སེམས་ནི་འདི་ལྟ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཡོངས་སུ་རྫོགས་པ་སྟེ། འདི་ནི་བྱང་ཆུབ་སེམས་དཔའ་བདུད་ཀྱི་ཡུལ་ལས་ཡང་དག་པར་འདའ་བ་ཞེས་བྱ་བའི་ཆོས་སྣང་བའི་
D148.057.0316b05.01སྒོའོ། །བྱང་ཆུབ་སེམས་དཔའ་མཐོང་ན་དགས་སྨྲས་པ། གང་ཇི་སྙེད་{ཆུང་ཟད་,ཅུང་ཟད་}མཐོང་བའི་ནང་ན་སངས་རྒྱས་དང་ཆོས་མཐོང་བ་ནི་དེ་དག་གི་མཆོག་ཅེས་བྱའོ། །དེ་ལ་སངས་རྒྱས་མཐོང་བ་དེ་ནི་གང་གཟུགས་སུ་མི་མཐོང་བ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D148.057.0316b06.01རྣམ་པར་ཤེས་པར་མི་མཐོང་བ་སྟེ། གང་ཆོས་ཐམས་ཅད་མི་མཐོང་བ་དེ་ནི་ཡང་དག་པའི་མཐོང་བའོ། །ཡང་དག་པའི་མཐོང་བ་ནི་སངས་རྒྱས་མཐོང་བའོ། །དེ་ལ་ཆོས་མཐོང་བ་དེ་ནི་གང་ཡིད་ལ་བྱེད་པ་ཐམས་ཅད་མི་སྤྱོད་པའོ། །གང་མི་འགྱུར་བར་མཐོང་བ་དེ་ནི་འདོད་ཆགས་དང་བྲལ་
D148.057.0316b07.01