完整藏文原文 · 德格版页 当前仅加载第 57 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཅིང་དྲི་མེད་ཉོན་མོངས་མེད། །དགའ་ལྡན་གནས་པ་དབང་བསྐུར་ཐོབ་གྱུར་པ། །སེམས་ཅན་དག་པ་དེ་དག་འདི་དྲན་ཞིང་། །བདག་ཀྱང་མྱུར་དུ་དེ་འདྲར་འགྱུར་སྙམ་སེམས། །དེ་བཞིན་གཤེགས་ཀྱི་དམ་ཆོས་འཛིན་པ་ནི། །ཉོན་མོངས་དངོས་པོ་ཐམས་ཅད་འཛིན་མི་
D148.057.0280a01.01བྱེད། །ཆོས་དང་ཆོས་མིན་གཉིས་ལས་རྣམ་པར་གྲོལ། །དེ་འདྲ་དེ་ནི་རྒྱལ་བའི་ཆོས་འཛིན་ཡིན། །རྒྱལ་བས་བྱང་ཆུབ་མཚན་ཉིད་གང་བརྙེས་པ། །ཆོས་ཀྱི་མཚན་ཉིད་དེ་ནི་ཡོངས་འཛིན་ཅིང་། །གང་གིས་རྡུལ་མེད་མཐའ་འདིར་རབ་ཤེས་པ། །དེ་ནི་སངས་རྒྱས་ཀུན་གྱི་ཆོས་འཛིན་
D148.057.0280a02.01ཡིན། །བདག་ནི་རབ་ཏུ་དག་པས་སེམས་ཅན་དག །ཆོས་ཀུན་དག་པར་མཁས་པ་སུས་རྟོགས་པ། །དེ་ནི་སེམས་དག་རང་བཞིན་འོད་གསལ་ཏེ། །སེམས་ཅན་གཏང་ཕྱིར་རྟག་ཏུ་ཡོངས་སྨིན་བྱེད། །སེམས་ཅན་ཁམས་རྣམས་མ་རུང་མི་བྱེད་ཅིང་། །དེ་ནི་བྲི་ཞིང་གང་བར་མཐོང་
D148.057.0280a03.01བ་མེད། །ལྟ་བ་ནོར་བ་རབ་ཏུ་སྤང་བར་སྟོན། །དེ་འདྲ་དེ་ནི་སེམས་ཅན་མང་པོ་སྦྱོང་། །འཇིག་རྟེན་ཡུལ་ཀུན་རབ་ཏུ་གང་སྟོན་པ། །དེས་ནི་སངས་རྒྱས་ཡུལ་ཡང་རབ་ཏུ་སྟོན། །སངས་རྒྱས་ཡུལ་ནི་ནམ་མཁའ་མཚུངས་པ་སྟེ། །དེ་བཞིན་འཇིག་རྟེན་ཡུལ་ཡང་རབ་ཏུ་ཤེས། །སྒྲ་སྐད་
D148.057.0280a04.01དབྱངས་དང་ཡི་གེ་ཐམས་ཅད་ནི། །བྲག་ཅ་འདྲ་བར་དེ་ཡིས་རབ་མཐོང་ཞིང་། །དེ་ལ་ཉན་པའང་ཤིན་ཏུ་ཡོད་མིན་པར། །དེ་ལྟར་རབ་ཏུ་ཤེས་པ་གཟུངས་ཐོབ་བོ། །ཀུན་དུ་འཛིན་དང་འཛིན་ཅིང་ཀློག་པ་དང་། །ཆོས་རྣམས་བསྟན་པའི་རྣམ་པ་རབ་བཤད་ཀྱིས། །བདག་དང་སེམས་
D148.057.0280a05.01ཅན་ཆོས་སུ་རློམ་སེམས་མེད། །དེ་ནི་གཟུངས་ལ་རབ་ཏུ་གནས་པ་ཡིན། །རྒྱལ་བ་ཀུན་གྱིས་གསུངས་པ་འཛིན་བྱེད་ཅིང་། །ལེགས་པར་གསུངས་པས་སེམས་ཅན་ཚིམ་བྱེད་པ། །དྲན་དང་ཏིང་ངེ་འཛིན་དང་བྲལ་མི་འགྱུར། །གཟུངས་ལ་ངེས་པའི་ཡོན་ཏན་འདི་དག་གོ། །ཆོས་ནི་
D148.057.0280a06.01རྣམ་པ་ཀུན་དུ་བསགས་མེད་པས། །ཆོས་ལ་མི་འཕྲོ་འཕྲོས་པ་མེད་པའང་མིན། །དཔེར་ན་ཀླུ་ནི་ཆར་རྒྱུན་འབེབས་པ་ལྟར། །དེ་ལྟར་དེ་ཡང་ཆོས་ཀྱི་ཆར་པ་འབེབས། །ཡོན་ཏན་འབྱུང་གནས་རྣམས་ཀྱི་སྤོབས་པ་ནི། །ཐོགས་མེད་རྒྱུན་ཆགས་རྒྱུན་ཆད་མི་འགྱུར་བར། །མདོ་
D148.057.0280a07.01