完整藏文原文 · 德格版页 当前仅加载第 57 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་དགེ་བའི་རྩ་བ་ནི་སངས་རྒྱས་ཀྱི་ཞིང་གི་རྒྱན་ཏོ། །བསོད་ནམས་ནི་བཟའ་བ་དང་བཏུང་བ་ཡིད་ཀྱིས་ལོངས་སྤྱོད་པའོ། །ཡེ་ཤེས་ནི་དབང་པོ་རྣོ་བའི་སེམས་ཅན་དུ་སྐྱེ་བའོ། །གཞན་ཡང་དགེ་བའི་རྩ་བ་ནི་བདུད་ཀྱི་ལས་རྣམས་ཐོས་པའོ། །བསོད་ནམས་ནི་བདུད་ཀྱི་
D148.057.0309a01.01ལས་རིག་པའོ། །ཡེ་ཤེས་ནི་བདུད་ཀྱི་ལས་ལས་ཡང་དག་པར་འདས་པའོ། །གཞན་ཡང་དགེ་བའི་རྩ་བ་ནི་སྙིང་རྗེ་ཆེན་པོའོ། །བསོད་ནམས་ནི་ཐབས་ལ་མཁས་པའོ། །ཡེ་ཤེས་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །གཞན་ཡང་དགེ་བའི་རྩ་བ་ནི་བྱང་ཆུབ་ཀྱི་སྙིང་པོའི་རྒྱན་ཏོ། །
D148.057.0309a02.01བསོད་ནམས་ནི་བདུད་ཐམས་ཅད་འདུལ་བའོ། །ཡེ་ཤེས་ནི་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་བའོ། །ཚངས་པ་དེ་ལྟར་ན་བྱང་ཆུབ་སེམས་དཔའ་དགེ་བའི་རྩ་བ་དང་། བསོད་ནམས་དང་། ཡེ་ཤེས་ལས་བྱུང་བ་ཡིན་ནོ། །དེ་
D148.057.0309a03.01ནས་བཅོམ་ལྡན་འདས་ལ་ཚངས་པ་འོད་བཀོད་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་རྩ་བའི་གནས་གསུམ་པོ་འདི་དག་ལས་སངས་རྒྱས་ཀྱི་ཆོས་ཐམས་ཅད་སྣ་ཚོགས་སུ་བཤད་པ་ངོ་མཚར་ཏོ། །དེ་སྐད་ཅེས་གསོལ་པ་དང་། བྱང་ཆུབ་སེམས་དཔའ་
D148.057.0309a04.01སེམས་དཔའ་ཆེན་པོ་ནམ་མཁའ་མཛོད་ཀྱིས་ཚངས་པ་འོད་བཀོད་པ་ལ་འདི་སྐད་ཅེས་སྨྲས་སོ། །ཚངས་པ་གནས་གཅིག་ཏུ་ཆོས་ཐམས་ཅད་ཡང་དག་པར་འདུའོ། །དེ་ཅིའི་ཕྱིར་ཞེ་ན། སྟོང་པ་ཉིད་ཀྱི་གནས་ནི་གནས་ཏེ། སྟོང་པ་ཉིད་དུ་ཆོས་ཐམས་ཅད་ཡང་དག་པར་འདུའོ། །མཚན་
D148.057.0309a05.01མ་མེད་པའི་གནས་ནི་གནས་ཏེ། མཚན་མ་མེད་པར་ཆོས་ཐམས་ཅད་ཡང་དག་པར་འདུའོ། །སྨོན་པ་མེད་པའི་གནས་ནི་གནས་ཏེ། སྨོན་པ་མེད་པར་ཆོས་ཐམས་ཅད་ཡང་དག་པར་འདུའོ། །དེ་བཞིན་ཉིད་དུ་སྦྱར་ཏེ། མངོན་པར་འདུ་མི་བྱེད་པའི་བར་གྱི་གནས་ནི་གནས་སོ། །འདོད་
D148.057.0309a06.01ཆགས་མེད་པའི་གནས་ནི་གནས་སོ། །ཞི་བའི་གནས་ནི་གནས་སོ། །གཞི་མེད་པའི་གནས་ནི་གནས་སོ། །ཆོས་ཀྱི་དབྱིངས་ཀྱི་གནས་ནི་གནས་སོ། །དེ་བཞིན་ཉིད་ཀྱི་གནས་ནི་གནས་སོ། །ཡང་དག་པའི་མཐའི་གནས་ནི་གནས་སོ། །མི་འབྱུང་བའི་གནས་ནི་གནས་སོ། །སྐྱེ་བ་མེད་པའི་
D148.057.0309a07.01