完整藏文原文 · 德格版页 当前仅加载第 57 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པ་ཡིན། །ཟག་པ་ཟད་པའི་བྱ་བ་ཤེས་པས་མི་འཇིགས་པ་བཞི་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། དུས་གསུམ་ལ་ཆགས་པ་མེད་པའི་ཡེ་ཤེས་ཀྱི་བྱ་བ་ཤེས་པས་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། སངས་རྒྱས་ཀྱི་སྤྱན་གྱི་སྣང་བ་ཐོབ་པས་
D148.057.0278b01.01སྤྱན་ལྔ་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། བྱང་ཆུབ་ཀྱི་སྙིང་པོར་འགྲོ་བ་ཐོབ་པས་མངོན་པར་ཤེས་པ་ཐམས་ཅད་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། ཉོན་མོངས་པའི་བག་ཆགས་ཡང་དག་པར་བཅད་པས་དགེ་བའི་ཆོས་ཐམས་ཅད་ཡོངས་སུ་བསྐང་བ་ཚར་ཕྱིན་པ་ཡིན། བསོད་
D148.057.0278b02.01ནམས་ཀྱི་ཚོགས་ཐམས་ཅད་བསགས་པས་ལུས་དང་། ངག་དང་། སེམས་དང་། མཚན་དང་། དཔེ་བྱད་བཟང་པོའི་རྒྱན་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། དབང་བསྐུར་བ་ཐོབ་པས་ས་བཅུ་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན། ཡེ་ཤེས་ཀྱི་ཚོགས་བསགས་པས་སངས་རྒྱས་
D148.057.0278b03.01ཀྱི་ཆོས་ཐམས་ཅད་ཡོངས་སུ་སྦྱང་བར་བྱ་བ་ཚར་ཕྱིན་པ་ཡིན་ཏེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སངས་རྒྱས་རྣམས་མ་བྱུང་ཡང་སངས་རྒྱས་ཀྱི་མཛད་པས་སེམས་ཅན་རྣམས་ལ་ཉེ་བར་གནས་པ་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་རྒྱ་
D148.057.0278b04.01མཚོའི་ཕྱག་རྒྱའི་ཏིང་ངེ་འཛིན་ཐོབ་ཅིང་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་མི་ཆགས་པ་ཡིན་ཞེ་ན། རིགས་ཀྱི་བུ་འདི་ལྟ་སྟེ་དཔེར་ན་འཛམ་བུའི་གླིང་ན་སེམས་ཅན་རྣམས་ཀྱི་གཟུགས་སྣང་བ་ཇི་སྙེད་པར་དེ་དག་ཐམས་ཅད་དང་འདྲ་བའི་ཕྱག་རྒྱ་རྒྱ་མཚོ་ཆེན་པོ་ལ་ཡོད་དེ།
D148.057.0278b05.01དེའི་ཕྱིར་རྒྱ་མཚོ་ཆེན་པོ་ཞེས་བྱའོ། །དེ་བཞིན་དུ་སེམས་ཅན་ཐམས་ཅད་ཀྱི་སེམས་སུ་སྣང་བའམ། གཟུགས་སུ་སྣང་བའམ། སྒྲར་སྣང་བ་ཇི་སྙེད་པ་དེ་དག་ཐམས་ཅད་རྒྱ་མཚོའི་ཕྱག་རྒྱའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་སྣང་བ་གཅིག་ལ་སྣང་བར་འགྱུར་ཏེ། དེའི་
D148.057.0278b06.01ཕྱིར་རྒྱ་མཚོའི་ཕྱག་རྒྱའི་ཏིང་ངེ་འཛིན་ཅེས་བྱའོ། །འདི་ལྟ་སྟེ་དཔེར་ན་རྒྱ་མཚོ་ཆེན་པོ་ནི་རོ་གཅིག་པ་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་ཡང་ཆོས་ལ་རྣམ་པར་གྲོལ་བའི་རོར་ཤེས་པས་རོ་གཅིག་པ་ཡིན་ནོ། །འདི་ལྟ་སྟེ་དཔེར་ན་རྒྱ་མཚོ་ཆེན་པོ་ནི་དུས་ལས་མི་ཡོལ་བ་ཡིན་ནོ། །དེ་
D148.057.0278b07.01