完整藏文原文 · 德格版页 当前仅加载第 57 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ནམ་མཁའ་མཛོད་ཀྱིས་དེ་ལྟ་བུར་བྱིན་གྱིས་བརླབས་ནས་བྱང་ཆུབ་སེམས་དཔའི་ཚོགས་མང་པོ་ལ་སྨྲས་པ། རིགས་ཀྱི་བུ་དག་འདི་དག་ལོང་ལ་བྱིན་ཅིག །ཡོངས་སུ་གཏང་བར་བགྱིས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱིས་ཤིག །དེ་ནས་བྱང་ཆུབ་སེམས་དཔའ་
D148.057.0283b01.01ཚུལ་ཁྲིམས་ཀྱི་རྒྱན་ཅེས་བྱ་བ་དེས་བྱང་ཆུབ་སེམས་དཔའ་ནམ་མཁའ་མཛོད་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་སྦྱིན་པའི་ཕ་རོལ་ཏུ་ཕྱིན་པའི་ཆར་ནི་ཕབ་ན། ད་ཡང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཆར་ཕོབ་ཤིག །དེས་ཚིག་དེ་སྐད་ཅེས་སྨྲས་མ་ཐག་ཏུ་ཕྱོགས་བཅུ་ན་སངས་
D148.057.0283b02.01རྒྱས་དང་། བྱང་ཆུབ་སེམས་དཔའ་རྣམས་ཚུལ་ཁྲིམས་ཀྱི་ཡོན་ཏན་གྱི་རྒྱན་གྱི་བསྔགས་པ་ཇི་སྙེད་བརྗོད་པ་དེ་སྙེད་ཀྱི་ཚུལ་ཁྲིམས་ཀྱི་ཡོན་ཏན་བསྔགས་པའི་སྒྲ་བར་སྣང་ལས་བྱུང་ངོ་། །དེ་བཞིན་དུ་བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཡོན་ཏན་གྱི་སྒྲ་ཡང་
D148.057.0283b03.01ཅི་ཙམ་ཕྱོགས་བཅུ་ན་སངས་རྒྱས་དང་། བྱང་ཆུབ་སེམས་དཔའ་རྣམས་ཡི་གེ་དང་ངེས་པའི་ཚིག་དང་བརྡ་དག་གིས་ཆོས་ཀྱི་སྒོ་བརྒྱ་སྟོང་སྟོན་པའི་ཆོས་ཀྱི་སྒྲ་དེ་དག་ཐམས་ཅད་མ་ཆད་མ་ལྷག་ཁྱད་མ་ཞུགས་པར་བར་སྣང་ལས་མ་ལུས་པར་ཡོངས་སུ་རྫོགས་པར་བྱུང་ངོ་། །ཆོས་ཀྱི་སྒྲ་དེས་སྟོང་
D148.057.0283b04.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་གོ་བར་བྱས་སོ། །དེ་ནས་ཚད་མེད་གྲངས་མེད་པའི་སེམས་ཅན་ཐེག་པ་གསུམ་ལ་ཡོངས་སུ་སྨིན་པར་བྱས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་དུ་སྣང་བ་ཞེས་བྱ་བ་དེ་འདི་སྙམ་དུ་སེམས་སོ། །བྱང་ཆུབ་སེམས་དཔའ་ནམ་
D148.057.0283b05.01མཁའ་མཛོད་ཀྱིས་བཀོད་པ་འཇིག་རྟེན་འདི་འབའ་ཞིག་ནའམ། འཇིག་རྟེན་གྱི་ཁམས་གཞན་དག་ནའང་ཡོད་སྙམ་པ་དང་། དེ་ནས་བྱང་ཆུབ་སེམས་དཔའ་ནམ་མཁའ་མཛོད་ཀྱིས་བྱང་ཆུབ་སེམས་དཔའ་ཀུན་དུ་སྣང་བའི་སེམས་ཀྱི་ཀུན་དུ་རྟོག་པ་སེམས་ཀྱིས་ཤེས་སོ། །ཤེས་ནས་ཀྱང་
D148.057.0283b06.01བྱང་ཆུབ་སེམས་དཔའ་ཀུན་དུ་སྣང་བ་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཤིན་ཏུ་དྲི་མ་མེད་ཅིང་ཤིན་ཏུ་རྣམ་པར་དག་པའི་ལྷའི་མིག་རྙེད་ན། རིགས་ཀྱི་བུ་ཁྱོད་ཀྱིས་ཕྱོགས་བཅུའི་འཇིག་རྟེན་གྱི་ཁམས་རྣམས་སུ་ཅི་མཐོང་ལྟོས་ཤིག །དེ་ནས་བྱང་ཆུབ་སེམས་དཔའ་ཀུན་དུ་སྣང་བས་ལྷའི་མིག་གིས་ཕྱོགས་
D148.057.0283b07.01