完整藏文原文 · 德格版页 当前仅加载第 57 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་བསམ་གཏན་བྱེད་སྤངས་ཏེ། །དཀོན་མཆོག་གསུམ་དང་འདྲེ་མི་བགྱིད། །ཐོས་དང་ཁྲིམས་ཀྱིས་མ་ལགས་ཀྱིས། །ཚོགས་ཀྱི་ནང་ན་རྙེད་པ་ཚོལ། །སྦྱིན་པ་དག་ལ་ཕྱིར་ཕྱིར་བརྩོན། །རྟོག་པ་བཅས་ཤིང་མྱ་ངན་བཅས། །ང་ཡིར་འདུ་ཤེས་བཟུང་
D148.057.0323a01.01ནས་སུ། །མཛའ་དང་སློང་སྟེར་ཁྱིམ་ལ་དགའ། །དེ་དག་དེར་ནི་རབ་འཇུག་ཅིང་། །འཇིག་རྟེན་པ་ཡི་གཏམ་རྣམས་བགྱིད། །ཞིང་གི་དོན་དང་ཁྱིམ་གྱི་དོན། །དེ་དག་ཉོ་ཚོང་བགྱིད་ལ་གནས། །ཐོང་གཤོལ་ཤལ་བ་རྣམས་ལྡན་ཡང་། །བདག་ཅག་དགེ་སྦྱོང་ཡིན་ཞེས་འཛེར། །
D148.057.0323a02.01དམིགས་པ་ཡིས་ནི་རབ་ཏུ་བགྱིད། །ལྟ་བ་ཐ་དད་ཀུན་དུ་གནས། །སྟོང་པ་ཉིད་ཀྱི་ཆོས་ཐོས་ནས། །དེ་དག་གཡང་ས་བཞིན་དུ་འགྱུར། །འཇིག་རྟེན་ཕ་རོལ་མི་སྤྱོད་ཅིང་། །ལས་ཀྱི་རྣམ་པར་སྨིན་པ་འདོར། །{བརྫུན་,རྫུན་}དུ་སྨྲ་དང་རབ་ཏུ་ལྡན། །ཆོས་མ་ལགས་ལ་ཆོས་སུ་འཛིན། །དགེ་
D148.057.0323a03.01སྦྱོང་རྒྱལ་པོ་རབ་འཁྲུག་ཅིང་། །དེ་ལྟར་རབ་ཏུ་མ་རུངས་པ། །རྣམ་པར་འཇིག་ཚེ་སེམས་ཅན་ཕྱིར། །བདག་ཅག་དམ་ཆོས་གཟུང་བར་བགྱི། །མདོ་སྡེ་རྣམས་ཀྱང་ཕན་ཚུན་དུ། །འཐུན་པར་སྤྱོད་པར་མི་བྱེད་དེ། །རང་རང་གི་ནི་སྨྲ་རྣམས་ལ། །དེ་དག་རྟག་ཏུ་མོས་པར་བགྱིད། །
D148.057.0323a04.01མདོ་སྡེ་གང་དག་རབ་ཟབ་ཅིང་། །རྣམ་གྲོལ་འབྲས་བུར་ལྡན་པ་རྣམས། །རབ་ཏུ་འཛིན་པར་མི་བགྱིད་དེ། །དེ་དག་སྣ་ཚོགས་གཏམ་རྣམས་བགྱིད། །འདི་འདྲ་བ་ཡི་དུས་འདི་ན། །དོན་བཅས་ཚིག་འབྲུར་ལྡན་པ་ཡི། །ལེགས་པར་གསུངས་པའི་ཆོས་རྣམས་ནི། །རབ་ཏུ་རྣམ་པར་
D148.057.0323a05.01འཇིག་པར་འགྱུར། །དེ་ཡི་ཚེ་ན་སེམས་ཅན་ཡང་། །རབ་ཏུ་རྣམ་པར་འཇིག་པར་འགྱུར། །རྒྱལ་པོའི་ལས་ཀྱིས་བསྡིགས་པ་ན། །འཇིགས་ཤིང་སྐྲག་ནས་འབྲོས་པར་འགྱུར། །འཇིག་དུས་རབ་ཏུ་མི་ཟད་པ། །སྡིག་པའི་དུས་ནི་འདི་འདྲ་ཚེ། །སངས་རྒྱས་ཀྱིས་ནི་
D148.057.0323a06.01གང་བཤད་པ། །ཆོས་འདི་བདག་ཅག་གཟུང་བར་བགྱི། །ཚུལ་འདི་རབ་ཏུ་བཟུང་ནས་སུ། །གང་དག་ཆོས་ལ་མི་གནས་པའི། །སེམས་ཅན་རྣམས་ལ་བྱམས་པར་བགྱི། །དེ་དག་ལ་ནི་སྙིང་རྗེའང་བགྱི། །སེམས་ཅན་རྙེད་དང་འདོད་གནས་པ། །ཚུལ་ཁྲིམས་འཆལ་
D148.057.0323a07.01