完整藏文原文 · 德格版页 当前仅加载第 57 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་མི་ཆགས་ཡེ་ཤེས་དམ་པ་ཡི། །བདེ་གཤེགས་དྲི་མེད་འོད་ཀྱི་གན་ནས་སུ། །ཆོས་འདོད་ཕྱིར་ནི་དེ་ནས་བདག་ཅག་འོངས། །ཨུ་དུམ་བཱ་རའི་མེ་ཏོག་ཇི་ལྟ་བར། །དེ་བཞིན་གཤེགས་པ་འབྱུང་བ་རྙེད་པར་དཀས། །དེ་ལ་བསྙེན་བཀུར་བགྱི་དང་བལྟ་སླད་དུ། །
D148.057.0294a01.01བདེ་གཤེགས་ཐད་དུ་ཡབ་ཀྱང་བཞུད་པར་བགྱི། །རྒྱལ་པོས་རྗེས་སུ་བསྟན་པ་འདི་ཐོས་ནས། །བུ་དང་བཙུན་མོ་འཁོར་དང་ལྷན་ཅིག་ཏུ། །སྲོག་ཆགས་བྱེ་བ་སྟོང་གིས་ཡོངས་བསྐོར་ཏེ། །རྒྱལ་བ་དེ་ཡི་གན་དུ་ཉེ་བར་དོང་། །མེ་ཏོག་དྲི་ཞིམ་བྱུག་པར་བཅས་པ་ཡིས། །དེ་ལ་
D148.057.0294a02.01ཚུལ་དང་འདྲ་བའི་མཆོད་བྱས་ནས། །ཞབས་ལ་ཕྱག་འཚལ་རབ་ཏུ་བསྐོར་བྱས་ཏེ། །ཐལ་མོ་སྦྱར་བ་བཏུད་ནས་སྤྱན་སྔར་འདུག །སེང་གེ་དང་ནི་སེང་གེའི་རྩལ་འགྲོ་ཡང་། །དེ་བཞིན་གཤེགས་པའི་ཞབས་ལ་བཟུང་ནས་སུ། །གཏུགས་ནས་ཆོས་དང་དོན་ལྡན་མཁས་པ་ཡི། །
D148.057.0294a03.01འཕགས་པ་དེས་ནི་ཚིགས་བཅད་འདི་དག་སྨྲས། །ཁྱོད་ནི་སྐྱབས་དང་མགོན་དང་དཔུང་གཉེན་ཏེ། །འཇིག་རྟེན་ལོང་བ་རྣམས་ཀྱི་སྒྲོན་མར་གྱུར། །སེམས་ཅན་རྣམས་ཀྱི་བསམ་སྤྱོད་གྱུར་ལ་མཁས། །ཇི་ལྟར་མོས་པ་དེ་བཞིན་གནས་པར་མཛད། །རྒྱལ་པོ་འདི་ནི་ཕྱུག་ཅིང་སྐྱིད་
D148.057.0294a04.01པས་མོས། །གཟུགས་དང་སྒྲ་དང་དྲི་དང་བཅས་པས་བཅིངས། །ནམ་ཡང་སྟོན་པ་ལ་ནི་མཆོད་ཕྱིར་ཡང་། །ཉེ་བར་མི་མཆི་ཆོས་ལྟ་ག་ལ་ཉན། །མགོན་པོ་ཐུགས་རྗེ་རབ་ཏུ་སྐྱེད་མཛོད་ལ། །ཇི་ལྟར་དེ་ཀུན་ལྷན་ཅིག་ཐོས་ནས་སུ། །ཐེག་པ་མཆོག་ལས་ལྡོག་པར་མི་འགྱུར་བ། །བྱང་ཆུབ་
D148.057.0294a05.01ལམ་མཆོག་དེ་ནི་ལེགས་པར་སྟོན། །བཅོམ་ལྡན་མགོན་པོ་ཏ་ལ་བརྒྱད་ཅུ་སྲིད། །ནམ་མཁར་འཕགས་བཞུགས་མི་དབང་དེ་ལ་གསུངས། །ང་ཡི་ཆོས་མཆོག་རྒྱལ་པོ་ཁྱོད་ཉོན་ལ། །ཐོས་ནས་དེ་ལ་ཚུལ་བཞིན་ནན་ཏན་གྱིས། །འདོད་པ་མི་རྟག་དེ་བཞིན་རྒྱལ་སྲིད་སྲོག །སྲོག་ནི་རྩྭ་ཡི་ཟིལ་
D148.057.0294a06.01བའི་ཐིགས་པ་འདྲ། །བརྩེ་བ་དེ་བཞིན་འདོད་བདེ་རྨི་ལམ་འདྲ། །མཁས་པ་སུ་ཞིག་འདི་ལ་དགའ་བ་སྐྱེད། །སེམས་ཅན་གང་ཡང་འདོད་པས་ངོམས་མེད་དེ། །ཕྱིར་ཡང་དེ་བཞིན་འདོད་པ་སྐོམ་ཞིང་རྒྱུ། །བྱིས་པ་ངོམས་མི་ཤེས་ཤིང་ཡུལ་ལ་གནས། །ཤེས་རབ་གང་ངོམས་དེ་དག་ཤིན་ཏུ་
D148.057.0294a07.01