完整藏文原文 · 德格版页 当前仅加载第 57 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་སྦྱིན་པ་འདི་ནི་སེམས་ཀུན་དུ་ཆགས་པའོ། །རབ་ཏུ་བྱུང་བ་ནི་སེམས་ཡོངས་སུ་དག་པའོ། །སྦྱིན་པ་འདི་ནི་ལུས་དང་ངག་གི་བགེགས་སོ། །རབ་ཏུ་བྱུང་བ་ནི་ལུས་དང་ངག་ཡོངས་སུ་སྦྱོང་བའོ། །སྦྱིན་པ་འདི་ནི་བགེགས་ཆེན་
D148.057.0296a01.01པོའོ། །རབ་ཏུ་བྱུང་བ་ནི་བགེགས་ཐམས་ཅད་ཉེ་བར་ཞིའོ། །སྦྱིན་པ་འདི་ནི་རྩྭ་དང་ལོ་མའོ། །རབ་ཏུ་བྱུང་བ་ནི་སྙིང་པོ་དང་འབྲས་བུར་འགྲུབ་པའོ། །སྦྱིན་པ་འདི་ནི་ངའི་བ་དང་བཅས་ཤིང་ཡོངས་སུ་འཛིན་པ་དང་བཅས་པའོ། །རབ་ཏུ་བྱུང་བ་ནི་ཡོངས་སུ་འཛིན་པ་ཐམས་ཅད་འདོར་བའོ། །སྦྱིན་
D148.057.0296a02.01པ་འདི་ནི་འཇིག་ཚོགས་ལ་ལྟ་བ་ལས་མི་བསྐྱོད་པའོ། །རབ་ཏུ་བྱུང་བ་ནི་ལྟ་བ་ཐམས་ཅད་ཡོངས་སུ་སྦྱོང་བའོ། །སྦྱིན་པ་འདི་ནི་བྱིས་པའི་རྩེད་མོའི་སྦྱོར་བའོ། །རབ་ཏུ་བྱུང་བ་འདི་ནི་དུལ་བ་དང་། ཞི་བ་དང་། ཅང་ཤེས་པའི་སའོ་སྙམ་དུ་དེ་དེ་ལྟར་ཚུལ་བཞིན་རབ་ཏུ་སྦྱོར་ཞིང་། སེམས་དེ་ལྟ་
D148.057.0296a03.01བུ་དང་བསམ་པ་དེ་ལྟ་བུས་དེ་ལྟར་རབ་ཏུ་བྱུང་སྟེ་གཅིག་པུ་མི་འདྲེ་བ་བག་ཡོད་པ། བརྩོན་པ་རབ་ཏུ་དབེན་པར་གནས་པས་རིང་པོ་མ་ཐོགས་པར་མངོན་པར་ཤེས་པ་ལྔ་བསྐྱེད་དོ། །རིགས་ཀྱི་བུ་དེའི་ཚེ་དེའི་དུས་ན་རྒྱལ་པོ་བསོད་ནམས་ཀྱིས་བརྒྱན་པར་གྱུར་པ་དེ་གཞན་ཞིག་ཡིན་པ་སྙམ་དུ་
D148.057.0296a04.01ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་འཁོར་བ་འཇིག་དེ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་བསོད་ནམས་ཀྱིས་བརྒྱན་ཅེས་བྱ་བར་གྱུར་ཏོ། །བྱང་ཆུབ་སེམས་དཔའ་ནམ་མཁའ་མཛོད་འདི་ནི། དེའི་ཚེ་དེའི་དུས་ན་བྱང་ཆུབ་སེམས་
D148.057.0296a05.01དཔའ་སེང་གེའི་རྩལ་གྱིས་འགྲོ་བ་ཞེས་བྱ་བར་གྱུར་ཏེ། དེས་ཐོག་མར་ནམ་མཁའ་མཛོད་ལས་རིན་པོ་ཆེའི་ཆར་ཕབ་བོ། །དེ་ཚུན་ཆད་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་གྲངས་མེད་པར་ནམ་ཡང་ནམ་མཁའ་མཛོད་ལས་རིན་པོ་ཆེའི་ཆར་འབེབས་པ་མངོན་པར་ཤེས་པ་ལས་མ་
D148.057.0296a06.01ཉམས་སོ། །རིགས་ཀྱི་བུ་ང་ནི་དེའི་ཚེ་དེའི་དུས་ན་བྱང་ཆུབ་སེམས་དཔའ་སེང་གེ་ཞེས་བྱ་བར་གྱུར་ཏོ། །བྱང་ཆུབ་སེམས་དཔའ་བྱམས་པ་ནི་དེའི་ཚེ་དེའི་དུས་ན་རྒྱལ་བུ་རྒྱལ་བའི་བློ་གྲོས་ཞེས་བྱ་བར་གྱུར་ཏེ། གང་རྒྱལ་པོ་བསོད་ནམས་ཀྱིས་བརྒྱན་པས་རྒྱལ་པོར་བཅུག་པའོ། །རིགས་ཀྱི་བུ་
D148.057.0296a07.01