完整藏文原文 · 德格版页 当前仅加载第 57 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་བྱང་ཆུབ་སེམས་དཔའ་ཡང་དུས་དང་དུས་མ་ཡིན་པ་ལ་སོ་སོར་རྟོག་པས་བྱང་ཆུབ་ཀྱི་སྙིང་པོའི་དུས་ལས་མི་ཡོལ་ལོ། །འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཤི་བའི་རོ་དང་ལྷན་ཅིག་མི་གནས་སོ། །དེ་བཞིན་དུ་བྱང་ཆུབ་སེམས་དཔའ་ཡང་བག་ཆགས་ཀྱི་ཉོན་མོངས་པ་ཐམས་
D148.057.0279a01.01ཅད་དང་། ཉན་ཐོས་དང་། རང་སངས་རྒྱས་ཀྱི་སེམས་ཐམས་ཅད་དང་ལྷན་ཅིག་མི་གནས་སོ། །འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཆུ་ཐམས་ཅད་ཟད་པས་བྲི་བའམ་གང་བ་མེད་དོ། །དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཐམས་ཅད་ཟད་པས་ཆོས་ཀྱི་དབྱིངས་བྲི་བའམ་གང་
D148.057.0279a02.01བར་མི་བྱེད་དོ། །འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཁ་ཚོན་ཚད་མེད་དོ། །དེ་བཞིན་དུ་བྱང་ཆུབ་སེམས་དཔའ་ཡང་ཤེས་རབ་ཀྱིས་ཚད་མེད་དོ། །འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཟབ་ཅིང་གཏིང་དཔག་དཀའ་བ་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་ཡང་ཟབ་ཅིང་ཉན་
D148.057.0279a03.01ཐོས་དང་། རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་བ་ཡིན་ནོ། །འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་སེམས་ཅན་ཚད་མེད་པའི་གནས་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་ཡོངས་སུ་སྨིན་པར་བྱ་བ་ཚད་མེད་པའི་གནས་ཡིན་ནོ། །འདི་ནི་རྒྱ་མཚོའི་
D148.057.0279a04.01ཕྱག་རྒྱའི་ཏིང་ངེ་འཛིན་ལ་འཇུག་པ་ཡིན་ཏེ། རིགས་ཀྱི་བུ་དེ་ལྟར་ཞུགས་པའི་བྱང་ཆུབ་སེམས་དཔའ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་མི་ཆགས་པ་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་ཆགས་པ་ཐམས་ཅད་ལས་ཡང་དག་པར་འདས་པ་ཡིན་
D148.057.0279a05.01ཞེ་ན། ཆགས་པ་ཞེས་བྱ་བ་ནི་གང་ཆོས་རྣམས་ལ་ལྟ་བ་ཀུན་ནས་ལྡང་བའོ། །བྱང་ཆུབ་སེམས་དཔའ་ནི་ལྟ་བ་ཀུན་ནས་ལྡང་བ་ཐམས་ཅད་དང་བྲལ་བས་ཆགས་པ་ཐམས་ཅད་ལས་ཡང་དག་པར་འདས་པ་ཡིན་ནོ། །འདི་ལྟ་སྟེ། དཔེར་ན་རླུང་མར་ནི་ནམ་མཁའི་དཀྱིལ་ན་མི་ཆགས་
D148.057.0279a06.01སོ། །དེ་བཞིན་དུ་བྱང་ཆུབ་སེམས་དཔའ་རླུང་མར་ལྟ་བུའི་སེམས་དང་ལྡན་པ་ཡང་སེམས་ཅན་ཐམས་ཅད་ལ་མི་ཆགས་སོ། །ཡང་སྐྱེས་བུ་དམ་པ་དེ་དག་ནི་སྤྱོད་པ་དང་། ཆོ་གའི་ཚུལ་ཤེས་པ་ཡིན་ཏེ། དེ་ལ་ཆོ་ག་ནི་དྲན་པའོ། །སྤྱོད་པ་ནི་རྣམ་པར་མི་གཡེང་བའོ། །དེ་དག་ནི་མུན་པ་དང་
D148.057.0279a07.01