完整藏文原文 · 德格版页 当前仅加载第 57 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པ་དང་། སྒྲ་སྐད་དང་ངག་གི་ལམ་ལ་འཇུག་པ་ཤེས་པ་དང་། ཆོས་ཀྱི་བརྡ་སྟོན་པ་ཤེས་པ་དང་། དོན་དབྱེར་མེད་པར་ཤེས་པ་དང་། ཚིག་འབྲུ་མི་ཟད་པར་ཤེས་པ་དང་། སེམས་ཅན་ཐམས་ཅད་ཚིམ་པར་བྱ་བ་ཤེས་པ་དང་། སོ་སོ་ཅི་རིགས་
D148.057.0275a01.01པར་ཆོས་སྟོན་པ་ཤེས་པ་དང་། སངས་རྒྱས་ཐམས་ཅད་ཀྱིས་གསུངས་པ་དྲན་པས་འཛིན་པ་ཤེས་པ་དང་། ཚིག་དང་ཡི་གེ་ཐམས་ཅད་མཚམས་སྦྱོར་བའི་ངེས་པའི་ཚིག་ལ་འཇུག་པ་ཤེས་པ་དང་། ཀུན་ནས་ཉོན་མོངས་པ་དང་རྣམ་པར་བྱང་བ་ཡང་དག་པ་ཇི་ལྟ་བ་བཞིན་དུ་རྟོགས་
D148.057.0275a02.01པ་ཤེས་པ་དང་། རྒྱུ་དང་བྱ་བ་ལ་འཇུག་པ་ཤེས་པ་དང་། ཆོས་ཐམས་ཅད་ལ་སྣང་བ་རབ་རིབ་མེད་པར་ཤེས་པ་སྟེ། འདི་ནི་གཟུངས་ཞེས་བྱའོ། །ལུས་དང་ངག་དང་སེམས་ས་དང་འདྲ་བའི་ཆོས་ཀུན་དུ་འཛིན་པ་གང་ཡིན་པ་དེ་ནི་མི་ཟད་པ་སྟེ། ཆོས་ཀྱི་ཆར་འབེབས་པ་
D148.057.0275a03.01དང་། ཉོན་མོངས་པའི་གདུང་བ་རབ་ཏུ་ཞི་བར་བྱེད་པ་དང་། སངས་རྒྱས་ཀྱི་ཆོས་ཐམས་ཅད་རྣམ་པར་སྐྱེད་པ་འདི་ནི་གཟུངས་ཀྱི་ཚུལ་ལ་འཇུག་པ་ཡིན་ཏེ། གཟུངས་ཐོབ་པ་སངས་རྒྱས་ཀྱི་ཆོས་ཐམས་ཅད་ལ་མི་བརྗེད་པར་སྤྱོད་པར་ཤེས་པར་བྱའོ། །རིགས་ཀྱི་བུ་དེ་ལྟར་ན་
D148.057.0275a04.01བྱང་ཆུབ་སེམས་དཔའ་གཟུངས་ཐོབ་པ་རྟག་ཏུ་མི་བརྗེད་པར་སྤྱོད་པ་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སྤོབས་པ་ཐོགས་པ་མེད་ཅིང་རྒྱུན་མི་འཆད་ལ་རྟག་ཏུ་སངས་རྒྱས་ཀྱི་བྱིན་གྱི་རླབས་ཀྱི་བྱིན་གྱིས་བརླབས་པ་ཡིན་ཞེ་ན། རིགས་ཀྱི་བུ་ཉི་ཤུ་རྩ་བཞི་པོ་
D148.057.0275a05.01འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤོབས་པ་ཡིན་ཏེ། ཉི་ཤུ་རྩ་བཞི་གང་ཞེ་ན། འདི་ལྟ་སྟེ། སྤོབས་པ་མྱུར་བ་དང་། སྤོབས་པ་མགྱོགས་པ་དང་། སྤོབས་པ་ཐོགས་པ་མེད་པ་དང་། སྤོབས་པ་རྒྱུན་མི་འཆད་པ་དང་། ཤིན་ཏུ་ངེས་པའི་ཚིག་ལ་སྤོབས་པ་དང་།
D148.057.0275a06.01ཟབ་མོ་ལ་སྤོབས་པ་དང་། སྣ་ཚོགས་ལ་སྤོབས་པ་དང་། ལེགས་པར་བརྒྱན་པའི་སྤོབས་པ་དང་། ཞུམ་པ་མེད་པའི་སྤོབས་པ་དང་། འཇིགས་པ་མེད་པའི་སྤོབས་པ་དང་། ཚིགས་སུ་བཅད་པ་སྣ་ཚོགས་བསྟན་པའི་ངེས་པའི་ཚིག་ལ་སྤོབས་པ་དང་། མདོ་དང་རྟོགས་པ་
D148.057.0275a07.01