完整藏文原文 · 德格版页 当前仅加载第 57 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་ཚངས་པ་འོད་བཀོད་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་གང་ལགས། བསོད་ནམས་གང་ལགས། ཡེ་ཤེས་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་དགེ་བའི་རྩ་བ་ཞེས་བྱ་བ་ནི་
D148.057.0307b01.01གང་སེམས་དང་པོ་བསྐྱེད་པ་སྟེ། སངས་རྒྱས་ཀྱི་ཆོས་ཐམས་ཅད་ཀྱི་རྩ་བའོ། །བསོད་ནམས་ནི་གང་བྱང་ཆུབ་ཀྱི་སེམས་བསྐྱེད་མ་ཐག་ཏུ་སེམས་ཅན་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་སྦྱིན་པ་ལས་བྱུང་བ་དང་། ཚུལ་ཁྲིམས་ལས་བྱུང་བ་དང་། བསྒོམ་
D148.057.0307b02.01པ་ལས་བྱུང་བའི་བསོད་ནམས་བྱ་བའི་དངོས་པོ་ཐམས་ཅད་ཟིལ་གྱིས་གནོན་པའོ། །ཡེ་ཤེས་ནི་གང་དགེ་བའི་རྩ་བ་བསགས་ཤིང་བསགས་པ་རྣམས་རྣམ་པ་ཐམས་ཅད་མཁྱེན་པ་ཉིད་དུ་བསྔོ་བའོ། །གཞན་ཡང་དགེ་བའི་རྩ་བ་ནི་སྒྱུ་དང་གཡོ་མེད་པའི་ཕྱིར་བསམ་པའོ། །བསོད་ནམས་
D148.057.0307b03.01ནི་གང་བསོད་ནམས་ཐམས་ཅད་སོགས་པའི་ཕྱིར་རབ་ཏུ་སྦྱོར་བའོ། །ཡེ་ཤེས་ནི་གང་ཁྱད་པར་དུ་འགྲོ་བའི་ཕྱིར་ལྷག་པའི་བསམ་པའོ། །གཞན་ཡང་དགེ་བའི་རྩ་བ་ནི་གང་དགེ་བའི་ཆོས་རྣམས་ལ་ཡི་དམ་བརྟན་པའོ། །བསོད་ནམས་ནི་གང་དགེ་བའི་རྩ་བའི་ཚོགས་ཀྱིས་ཆོག་མི་ཤེས་
D148.057.0307b04.01པའོ། །ཡེ་ཤེས་ནི་གང་དགེ་བའི་རྩ་བ་རྣམས་ལ་སྒྱུ་མར་སོ་སོར་རྟོག་པའོ། །གཞན་ཡང་དགེ་བའི་རྩ་བ་ནི་གང་དགེ་བའི་བཤེས་གཉེན་རྙེད་པའོ། །བསོད་ནམས་ནི་གང་དགེ་བའི་བཤེས་གཉེན་མི་གཏོང་བའོ། །ཡེ་ཤེས་ནི་གང་དགེ་བའི་བཤེས་གཉེན་ལ་ཀུན་འདྲི་བའོ། །གཞན་ཡང་
D148.057.0307b05.01དགེ་བའི་རྩ་བ་ནི་གང་ཆོས་དོན་དུ་གཉེར་བའོ། །བསོད་ནམས་ནི་གང་ཆོས་འདོད་པའོ། །ཡེ་ཤེས་ནི་གང་ཆོས་ཀྱི་ཀུན་དགའ་ལ་དགའ་ཞིང་མོས་པའོ། །གཞན་ཡང་དགེ་བའི་རྩ་བ་ནི་གང་ཆོས་ཚོལ་བའོ། །བསོད་ནམས་ནི་གང་ཟང་ཟིང་མེད་པར་ཆོས་སྟོན་པའོ། །ཡེ་ཤེས་ནི་གང་
D148.057.0307b06.01ཆོས་ལ་སློབ་དཔོན་གྱི་དཔེ་མཁྱུད་མེད་པའོ། །གཞན་ཡང་དགེ་བའི་རྩ་བ་ནི་གང་ཆོས་ཉན་པའོ། །བསོད་ནམས་ནི་གང་ཚུལ་བཞིན་ལ་སོ་སོར་རྟོག་པའོ། །ཡེ་ཤེས་ནི་གང་ཆོས་སྒྲུབ་པའོ། །གཞན་ཡང་དགེ་བའི་རྩ་བ་ནི་གང་སངས་རྒྱས་མཐོང་བའོ། །བསོད་ནམས་ནི་གང་སངས་
D148.057.0307b07.01