完整藏文原文 · 德格版页 当前仅加载第 85 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་འདི་གསུངས་སོ། །ཧཱུྃ། དེ་ནས་ཧཱུྃ་ཞེས་བྱ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་སྒྲ་དེས་གང་ནས། གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་གཡོས་སོ། །འཁྲོལ་རབ་ཏུ་འཁྲོལ་ཀུན་ཏུ་རབ་ཏུ་འཁྲོལ་ལོ། །དེ་
D482.085.0012a01.01ནས་དབང་ཕྱུག་ཆེན་པོ་ལ་སོགས་པ་ལྷའི་ཚོགས་ཐམས་ཅད་བཅོམ་ལྡན་འདས་བསྐྱབ་ཏུ་གསོལ། བདེ་བར་གཤེགས་པ་བསྐྱབ་ཏུ་གསོལ་ཞེས་ནས་བཅོམ་ལྡན་འདས་ལ་སྐྱབས་སུ་དོང་ངོ་། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་གསུངས་སོ། །གང་འདི་ལྟ་
D482.085.0012a02.01བུའི་སྔགས་ཀྱི་ཚིག་སྨྲ་བ་ནི་ཁྱོད་རབ་ཏུ་མི་བགྲུངས་སོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས། ཡང་འཇིག་རྟེན་གསུམ་ལས་རྣམ་པར་རྒྱལ་བ་འདི་གསུངས་སོ། །ཨོྃ་སུམ་བྷ་ནི་སུམ་བྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀཏྞཱ་པ་ཡ་གྲྀཧྞཱ་པ་ཡ་
D482.085.0012a03.01ཧཱུྃ། ཨཱ་ན་ཡ་ཧོ་བྷ་ག་བཱན་བཛྲ་ཧཱུྃ་ཕཊ། དེ་ནས་འདི་གསུངས་པ་ཙམ་གྱིས་ལྷ་ཆེན་པོ་ལ་སོགས་པ་ལྷའི་བདག་པོ་ཐམས་ཅད་འཁོར་དང་བཅས་པར། བཅོམ་ལྡན་འདས་ཕྱག་ན་རྡོ་རྗེ་གང་ན་བ་དེར་མགོ་རྐང་བཟློག་སྟེ། རི་རབ་རིའི་རྩེ་མོའི་དཀྱིལ་འཁོར་ཆེན་པོར་བཙུད་
D482.085.0012a04.01ནས་བརླམས་པར་བྱས་ཏེ། བཅོམ་ལྡན་འདས་ཕྱག་ན་རྡོ་རྗེའི་ཞབས་གཡོན་པས་མནན་ཏོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ་ཕྱག་ན་རྡོ་རྗེ་ཁྱོད་ཀྱིས་འདི་འདྲ་བར་སེམས་ཅན་འདུལ་བར་
D482.085.0012a05.01བྱེད་པ་ལེགས་སོ་ལེགས་སོ། །དེ་བས་ན་ཐུལ་ལ་དབུགས་ཕྱུང་ཤིག །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་དག་གི་དོན་གྱི་ཕྱིར་རྡོ་རྗེས་བཅིངས་པ་འདི་གསུངས་སོ། །ཧཱུྃ་བཛྲ་ཌྀ་དྷོ་མེ་བྷ་བ་རཀྵ་སརྦཱ་ན་སྭཱ་ཧཱ། དེ་ནས་ཕྱག་ན་རྡོ་རྗེས་འདི་
D482.085.0012a06.01གསུངས་པ་ཙམ་གྱིས་ལྷ་ཆེན་པོ་ལ་སོགས་པ་ལྷ་དེ་དག་ཐམས་ཅད་དྲན་པ་རྙེད་དོ། །དེ་ནས་བཅོམ་ལྡན་འདས་ཀྱིས་དེ་དག་ལ་འདི་སྐད་གསུངས་སོ། །གྲོགས་པོ་དག་སེམས་ཅན་ཆེན་པོ་འདིའི་བཀའ་བཞིན་དུ་བྱེད་པར་ཁས་ལོང་ཤིག །དེ་ནས་བཅོམ་ལྡན་འདས་ལ་དེ་དག་ཐམས་
D482.085.0012a07.01