完整藏文原文 · 德格版页 当前仅加载第 85 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚུལ་གྱིས་མཐེའུ་ཆུང་ལ་སོགས་པའི་སོར་མོ་ཐམས་ཅད་དགྲོལ་བའི་ཅོད་པན་གྱི་ཚུལ་དུ་བྱའོ། །དེ་ནས་འཕགས་པ་སྤྱན་རས་གཟིགས་ཀྱི་དབང་པོའི་ཕྱག་རྒྱ་བཅིང་བ་ནི། པདྨོ་ཟུམས་པའི་ཐལ་མོ་སྦྱར། །པད་མོ་ཆེན་པོར་གྲགས་པ་སྟེ། །མཐེའུ་
D482.085.0050a01.01ཆུང་མཐེ་བོ་གཉིས་འགྱེད་པ། །སྡིག་པ་རྣམས་ནི་སེལ་བའོ། །དེ་ཉིད་མཛུབ་མོ་ཀྱོ་བ་ཏང་དུ་བྱས་པ་ནི་ཐམས་ཅད་དགུག་པའོ། །དེ་ནས་པདྨོ་འབྱུང་སྟེ། རྡོ་རྗེ་བཅིངས་པའི་མཛུབ་མོ་གཉིས་བཀུག་ལ་མཐེ་བོ་མཉམ་པའི་སྟེང་དུ་གུང་མོ་གཉིས་བཞག་གོ། །དེ་གཉིས་སུ་
D482.085.0050a02.01བྱས་ནས་གཡོན་པ་ལ་གཡས་པས་པད་མོ་འབྱེད་པར་བྱའོ། །དེ་ནས་པད་མོ་དག་གི་ཕྱག་རྒྱ་ནི་ཧྲཱིཿ། ཡེ་ཤེས་ཀྱི་ཕྱག་རྒྱ་ནི་པད་མོ་འབྱེད་པས་འདོད་ཆགས་ལ་སོགས་པའི་དྲི་མ་སྦྱོང་བར་གསུངས་པ་ཉིད་དོ། །དེ་ནས་ནམ་མཁའི་སྙིང་པོའི་ཕྱག་རྒྱ་བཅིང་བ་ནི་ནོར་བུའི་ཁུ་ཚུར་
D482.085.0050a03.01གཉིས་ཀས་དབང་བསྐུར་བའི་ཕྲེང་བ་བཅིང་ངོ་། །དེ་ནས་རྡོ་རྗེ་རིན་པོ་ཆེའི་ཕྱག་རྒྱ་ནི། རྡོ་རྗེ་བཅིང་བ་ཀུན་བྱས་ནས། །མཛུབ་མོ་མཉམ་ནས་མཐེབ་དང་སྦྱར། །དེ་དག་ངོས་སུ་སྤྲད་པ་སྟེ། །དབང་བསྐུར་གནས་སུ་དབང་སྦྱིན་ནོ། །དེ་ཉིད་ཁ་ཡར་བསྟན་ལ་སྙིང་གར་བཞག་པ་
D482.085.0050a04.01ནི་ནོར་བུའི་ཁུ་ཚུར་ཞེས་བཤད་དེ། དོན་ཐམས་ཅད་འཕྲོག་པའོ། །དེ་ཉིད་ལས་མཐེ་བོའི་རྡོ་རྗེས་མཛུབ་མོ་མཉམ་པ་མནན་ཏེ། རྒྱབ་བསྐུམ་པ་ནི་རྡོ་རྗེའི་ནོར་བུའོ། །ཏྲཱྃ། ཆོས་ཀྱི་ཕྱག་རྒྱའོ། །ཡེ་ཤེས་ཀྱི་ཕྱག་རྒྱ་ཐམས་ཅད་ནམ་མཁར་བསྒོམ་པའོ། །དེ་ནས་རྡོ་རྗེ་ཁུ་ཚུར་གྱི་ཕྱག་རྒྱ་
D482.085.0050a05.01བཅིང་བ་ནི་དེ་ལྟར་སྔར་བཤད་པ་ཉིད་དོ། །བཱྃ། ངག་གི་ཕྱག་རྒྱའོ། །བྱམས་པའི་བཅིང་བ་ནི་བཅིང་བའི་ནང་ན་མཆོག་སྟེ། ཡེ་ཤེས་ཀྱི་ཕྱག་རྒྱའོ། །མདུན་དུ་ནི་རྡོ་རྗེ་ཆེན་པོའི་ཕྱག་རྒྱའོ། །གཡས་སུ་ནི་རྡོ་རྗེ་རིན་པོ་ཆེའི་ཕྱག་རྒྱ་བསྟན་པ་ཉིད་དོ། །རྒྱབ་ཏུ་ནི་རྡོ་རྗེ་བཅིང་བ་སྙིང་
D482.085.0050a06.01གར་བཀན་ནས་མཐེ་བོ་སྦྱར་ཏེ། མཛུབ་མོ་གཉིས་དགུག་པར་བྱའོ། །རྡོ་རྗེ་པདྨ་མཆོག་གི་ཕྱག་རྒྱའོ། །རྡོ་རྗེ་བཅིང་བའི་མཐེ་བོ་དང་མཐེའུ་ཆུང་གཉིས་སྙིང་གར་བརྐྱང་བ་ནི་རྡོ་རྗེ་སྟེ། རྡོ་རྗེ་ཐམས་ཅད་དོ། །རིགས་ཐམས་ཅད་ཀྱི་དམ་ཚིག་གི་ཕྱག་རྒྱ་སྟེ། གྲུབ་པ་ཐམས་ཅད་
D482.085.0050a07.01