完整藏文原文 · 德格版页 当前仅加载第 85 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་མ་དང་ཐ་མ་མེད་པའི་སེམས་དཔའ་ཕྱག་ན་རྡོ་རྗེས་གསུངས་སོ། །དེ་ཁོ་ན་ཆེན་པོ་ཞེས་བྱ་བའི་རབ་ཏུ་བྱེད་པ་དང་པོའོ།། །།དེ་ནས་སྙིང་པོ་དང་ཕྱག་རྒྱ་དང་སྔགས་དང་རིག་པའི་ཁྱད་པར་གྱི་བར་དུ་བྱ་བ་སྟེ། སྙིང་པོའི་ཁྱད་པར་ནི་གསང་བ་དང་ཏིང་ངེ་འཛིན་ཅེས་བྱའོ། །
D482.085.0045b01.01དེ་ལ་སེམས་ཅན་གྱི་དོན་གྱི་ཕྱིར་གསང་བ་བརྗོད་པ་དང་། སྨྲ་བ་ནི་སྙིང་པོ་བརྗོད་པ་སྟེ། སྙིང་པོ་བརྗོད་པས་ནི་སྙིང་གིས་བསམ་པའི་གྲུབ་པ་ཐོབ་ཅེས་བྱ་བ་ནི་སྙིང་པོའི་ཁྱད་པར་རོ། །དེ་ནས་ཕྱག་རྒྱའི་ཁྱད་པར་ནི། །རྡོ་རྗེའི་སྐུ་གསུང་ཐུགས་རྣམས་ཀྱི། །གཟུགས་
D482.085.0045b02.01བརྙན་སྦྱོར་བ་འདི་དག་ནི། །ཕྱག་རྒྱ་ཀུན་གྱི་ཁྱད་པར་ཏེ། །འབྱུང་བ་ཡང་ནི་དེ་ཡིས་བསྟན། །ཇི་ལྟར་ཇོ་བོའི་རྒྱ་མཐོང་ན། །བྲན་རྣམས་འགལ་བར་མི་བྱེད་པ། །དེ་བཞིན་རྒྱལ་བ་ཉིད་རྣམས་ཀྱང་། །ཕྱག་རྒྱ་འདའ་བར་ཡོང་མི་མཛད། །རྡོ་རྗེའི་སྐུ་དང་གསུང་དང་
D482.085.0045b03.01ཐུགས། །ཇི་ལྟར་གནས་དང་མཐུན་བྱས་ལ། །མཚན་མའི་ཕྱག་རྒྱར་ལྡན་པ་ཡི། །སེམས་དཔའ་ཆེན་པོར་བདག་ཉིད་བསྒྱུར། །དེ་ནི་ཕྱག་རྒྱ་ཆེན་པོའོ། །ལུས་དང་ངག་སེམས་རྡོ་རྗེ་ཡི། །སོར་བསྣོལ་བརྟན་པ་དམ་ཚིག་སྟེ། །སེམས་ཀྱི་ཤེས་རབ་ལྡན་པ་
D482.085.0045b04.01ལས། །གཉིས་ཕྱེ་ལས་ཀྱི་ཕྱག་རྒྱ་ཡིན། །དེ་དག་དམ་ཚིག་རྩ་བ་སྟེ། །རྩ་བྱུང་བཅིང་བ་རྒྱུ་ཡི་མཆོག །གང་གིས་ཐམས་ཅད་ལུས་བརྟན་འགྱུར། །དེ་ཕྱིར་ཕྱག་རྒྱ་བརྗོད་པ་ཡིན། །གང་གིས་ཐམས་ཅད་རྒྱས་བཏབ་པ། །ཆུད་མི་ཟ་ཞིང་རབ་སྦས་ཏེ། །
D482.085.0045b05.01མངའ་བདག་གཟུགས་བརྙན་འཆང་བས་ན། །སྒྲུབ་པ་པོ་རྣམས་མྱུར་དུ་འགྲུབ། །གང་དག་མཐོང་ན་སངས་རྒྱས་དང་། །སེམས་དཔའ་ལ་སོགས་མཐོང་བར་འགྱུར། །དམ་ཚིག་ཉམས་པས་གཟིར་བས་ན། །འདའ་བར་མི་འགྱུར་འགྲུབ་པར་འགྱུར། །ཕྱག་
D482.085.0045b06.01རྒྱའི་ཁྱད་པར་དེ་ཡིན་ཏེ། །དོན་དམ་པའི་དེ་ཁོ་ན་ཉིད་ཀྱང་ཕྱག་རྒྱ་ཆེན་པོ་ཞེས་བྱའོ། །དེ་ལ་སྔགས་ཀྱི་ཁྱད་པར་ནི་འདི་ཡིན་ཏེ། ངག་ཙམ་སྤྲོས་པ་མེད་པ་སྟེ། །སངས་རྒྱས་བཀའ་ཡིས་གྲུབ་པ་ཉིད། །ཆོས་ཀྱི་ཚིག་གིས་བསྐུལ་བ་སྟེ། །དེ་དག་སྔགས་ཞེས་བྱ་བ་
D482.085.0045b07.01