完整藏文原文 · 德格版页 当前仅加载第 85 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་མའི་ཕྱག་རྒྱ་བཅིངས་ཏེ་བརྒྱད་བརྒྱ་བཟླས་ན། ཟླ་བ་གཅིག་གི་མཐར་བཅོམ་ལྡན་འདས་མཐོང་ངོ་། །དེ་ནས་རྡོ་རྗེ་སྒྲུབ་པ་འབྱུང་སྟེ། རྡོ་རྗེ་རས་སམ་རྩིག་པའམ་ཤིང་ལེབ་ལ་བྲིས་ནས་དེ་ལ་མཆོད་པ་བྱས་ཏེ། རྡོ་རྗེ་ཁུ་ཚུར་གྱིས་བཟུང་ལ་ལོ་གཅིག་ཚུན་ཅད་རྡོ་རྗེ་
D482.085.0018b01.01ནམ་འབར་བའི་བར་དུ་ཟློས་ཤིག །འབར་བ་དེས་ན་ནམ་མཁའ་ལ་འགྲོ་བ་དང་། ལོ་བཅུ་དྲུག་ལོན་པའི་ལུས་ཕྱག་ན་རྡོ་རྗེ་དང་མཚུངས་པའི་གཟུགས་དང་སྟོབས་དང་མདོག་ཏུ་འགྱུར་ཏེ། འདོད་པའི་ལོངས་སྤྱོད་ཐམས་ཅད་དང་ལྡན་པ། བདེ་བ་དང་ཡིད་བདེ་བ་ཐམས་
D482.085.0018b02.01ཅད་འཐོབ་པར་འགྱུར་རོ། །ཚེ་ཡང་ལོ་སྟོང་ཕྲག་བརྒྱར་འགྱུར་རོ། །དེ་ནས་རལ་གྲི་སྒྲུབ་པ་འབྱུང་སྟེ། རྡོ་རྗེ་ཁུ་ཚུར་གྱིས་རལ་གྲི་བཟུང་ལ་ལོ་གཅིག་གི་བར་དུ་བཟླས་ན། རིག་འཛིན་ཐམས་ཅད་ཀྱི་བདག་པོ་རིག་པ་འཛིན་པར་འགྱུར་རོ། །དེ་ནས་འཁོར་ལོ་སྒྲུབ་
D482.085.0018b03.01པ་འབྱུང་སྟེ། འཁོར་ལོའི་དཀྱིལ་འཁོར་བྲིས་ལ་ལྕགས་ཀྱི་འཁོར་ལོ་ཐོགས་ནས་ནམ་རྡོ་རྗེར་གྱུར་ཅིང་སླར་ཡང་འཁོར་ལོར་གྱུར་གྱི་བར་དུ་བཟླས་སོ། །དེ་ནས་དེ་ཐོགས་པས་ན་རིག་འཛིན་ཐམས་ཅད་ཀྱི་འཁོར་ལོ་བསྐོར་བར་འགྱུར་རོ། །དེ་ནས་ཀྱོ་བ་ཏང་བསྒྲུབ་པར་
D482.085.0018b04.01འདོད་པས་ཕྱག་ན་རྡོ་རྗེའི་སྤྱན་སྔར་གསེར་གྱི་ཀྱོ་བ་ཏང་བྱས་ཏེ་ལག་པ་གཡོན་པའི་རྡོ་རྗེ་ཁུ་ཚུར་གྱིས་བཟུང་ལ། གྲུབ་པ་རྣམ་གསུམ་དུ་གྱུར་གྱི་བར་དུ་བཟླས་ཏེ། དྲོས་པ་ཙམ་གྱིས་ཐམས་ཅད་ཀུན་དགུག་ནུས་པར་འགྱུར་རོ། །དུད་པ་བྱུང་བ་ཙམ་གྱིས་ཐམས་ཅད་དབང་དུ་བྱེད་
D482.085.0018b05.01ནུས་པར་འགྱུར་རོ། །འབར་བས་ནི་ཐམས་ཅད་དགུག་པ་དང་དབང་དུ་བྱས་ཤིང་རིག་འཛིན་གྱི་རྒྱལ་པོར་འགྱུར་རོ། །དེ་ནས་ལྷ་ལ་སོགས་པ་ཐམས་ཅད་དགུག་པ་འབྱུང་སྟེ། ལྷ་ཆེན་པོ་ལ་སོགས་པ་ལྷ་རྣམས་གང་ཡང་རུང་བའི་ཆ་ལུགས་རྐང་པ་གཡོན་པས་མནན་ལ།
D482.085.0018b06.01རྡོ་རྗེ་ཧཱུྃ་ཞེས་བྱ་བའི་ཕྱག་རྒྱ་བཅིངས་ཏེ་བསྡིགས་ཤིང་ཟླ་བ་གཅིག་གི་མཐའི་བར་དུ་བཟླས་ན་ལྷ་ཐམས་ཅད་ལྷགས་ཏེ། ལས་ཐམས་ཅད་བྱེད་པའི་གཡོག་ཏུ་འགྱུར་རོ། །ཀླུ་དབང་དུ་བྱ་བར་འདོད་ན་ཀླུའི་མཚོར་ལྟེ་བ་མན་ཆད་ཆུའི་ནང་དུ་བཅུག་ལ་ལོ་གཅིག་ཚུན་ཆད་ཀླུ་ཐམས་
D482.085.0018b07.01