完整藏文原文 · 德格版页 当前仅加载第 85 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་སོགས་པ་བྱས་ནས་ཕྱག་ན་རྡོ་རྗེའི་སྐུའམ། རང་གི་ལྷ་ཉིད་ལ་མཆོད་ནས་ཀྱོ་བ་ཏང་གིས་བཀུག་སྟེ། མི་སྐྱོ་བར་བཟླས་ཏེ་ལམ་དང་ལམ་མ་ཡིན་པའི་སྐབས་མི་དབྱེའོ། །དེ་ནས་ཕྱག་ན་རྡོ་རྗེའི་བརྟུལ་ཞུགས་འབྱུང་སྟེ། ཉིན་རེ་ཞིང་ནང་པར་ལངས་ནས་
D482.085.0056b01.01བདག་ཉིད་བྱིན་གྱིས་བརླབ་པ་ལ་སོགས་པ་བྱས་ཏེ། བཀྲུས་ལ་དྲི་ཞིམ་པོ་དང་། གོས་འཚེར་བ་དང་། རྒྱན་གྱིས་ཆས་ཏེ་གླུ་དང་སིལ་སྙན་དང་། བཀོད་པ་དང་། སྒེག་པ་རྣམས་དང་ལྡན་པས་བཅོམ་ལྡན་འདས་ལ་མེ་ཏོག་ལ་སོགས་པ་གསང་བའི་མཆོད་
D482.085.0056b02.01པ་རྣམས་ཀྱིས་ཡང་དག་པར་མཆོད་ནས་བཅོམ་ལྡན་འདས་དང་། བདག་ཉིད་ལ་འདོད་པའི་དངོས་པོས་མཆོད་པ་བྱ་སྟེ། དམ་ཚིག་ཆེན་པོའི་དེ་ཁོ་ན་ཉིད་ཅི་འདོད་པ་བཟླས་ཏེ། ཕྱེད་ཡོལ་གྱི་བར་དུ་འདོད་པའི་ཡོན་ཏན་ལྔ་སྤྱད་ནས། དེ་བཞིན་དུ་མཆོད་པ་བྱས་ཏེ་
D482.085.0056b03.01ཅི་འདོད་པར་བཟླས་སོ། །དེ་ནས་ཡང་མཚན་རངས་པར་འདོད་པ་ལྔ་རྣམས་ལ་བརྟེན་ཅིང་བཟླས་པར་བྱ་སྟེ། དེ་ལྟར་ཞག་བཞིའི་བར་དུ་བྱའོ། །དེ་ནས་རྡོ་རྗེ་རིགས་ཀྱི་བརྟུལ་ཞུགས་ནི་ཟླ་བ་ཕྱེད་ཀྱི་བར་དུ་སྨྱོན་པར་བསྒྱུར་ནས་དེ་བཞིན་གཤེགས་པ་ཐམས་ཅད་ལ་ཕྱག་
D482.085.0056b04.01འཚལ་ཞིང་ཕྱག་ན་རྡོ་རྗེ་མཆོད་དེ། མགོ་ས་ལ་གཏུགས་ནས་སྒྲེན་མོར་བྱུང་ངམ། གོས་གྱོན་ཡང་རུང་སྟེ། མགོ་བོ་རྡོབ་ཅིང་མིའོ་ཅོག་ལ་གཤེ་ཞིང་རྒྱལ་ཕྱག་རྒྱ་རྣམས་ཀྱིས་གར་བྱས་ཏེ། ཡིད་ཀྱིས་དེ་བཞིན་གཤེགས་པ་བསམས་ནས་མཚམས་བཅིང་བ་ལ་
D482.085.0056b05.01སོགས་པ་བྱས་ནས་བཅོམ་ལྡན་འདས་ལ་ཇི་ལྟ་བ་བཞིན་དུ་མཆོད་པ་བྱས་ཏེ་བརྒྱ་རྩ་བརྒྱད་བཟླས་སོ། །དེ་ནས་པདྨོའི་རིགས་ཀྱི་བརྟུལ་ཞུགས་ནི་བཅོམ་ལྡན་འདས་ལ་མཆོད་པ་བྱས་ཏེ། བའི་གཅིན་ཧུབ་གང་འཐུངས་ལ་བའི་ལྕི་བ་ཅུང་ཟད་ཟོས་ན་དག་པའི་བརྟུལ་ཞུགས་
D482.085.0056b06.01ཐམས་ཅད་འགྲུབ་བོ། །དེ་ནས་ཞག་བདུན་དུ་ཏིང་ངེ་འཛིན་ལ་མཉམ་པར་གཞག་ནས་སྟོང་རྩ་བརྒྱད་བཟླས་སོ། །དེ་ནས་ནོར་བུའི་རིགས་ཀྱི་བརྟུལ་ཞུགས་ནི་ཉིན་རེ་ཞིང་རང་ལ་དབང་བསྐུར་ནས་དེ་བཞིན་གཤེགས་པ་དང་། སེམས་དཔའ་ཆེན་པོ་རྣམས་མཆོད་
D482.085.0056b07.01