完整藏文原文 · 德格版页 当前仅加载第 85 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་བསྐལ་པ་སྟོང་ཕྲག་དགུ་བཅུ་རྩ་གཅིག་པ་ལ་རྡོ་རྗེའི་རི་རབ་དེ་བཞིན་གཤེགས་པ་ལས་བླངས་ཏེ། དེས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་སྙེད་ཀྱི་སེམས་ཅན་རྣམས་འགྲུབ་པ་ཐམས་ཅད་གྲུབ་པར་བྱས་ཏེ། དེའི་བསྐྱེད་པ་ནས་དེ་བཞིན་
D482.085.0036a01.01གཤེགས་པ་རྫོགས་ཀྱི་བར་དུའོ། །དེ་ནས་བཅོམ་ལྡན་འདས་ཀྱིས་རྡོ་རྗེ་ཁུ་ཚུར་བྱང་ཆུབ་སེམས་དཔའ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ་ལེགས་སོ་ལེགས་སོ། །རྡོ་རྗེ་ཁུ་ཚུར་ཁྱོད་ཀྱིས་སྨྲོས་ཤིག །དེ་ནས་རྡོ་རྗེ་ཁུ་ཚུར་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་
D482.085.0036a02.01གྱི་ཁམས་ཐམས་ཅད་རབ་ཏུ་གཡོས་པར་བྱས་ནས་རང་གི་སྙིང་པོ་འདི་གསུངས་སོ། །ཨོྃ་རུ་ཊུ་རུ་ཊུ་ཧཱུྃ་མ་ཊ། དེ་ནས་འདི་གསུངས་པ་ཙམ་གྱིས་དེ་བཞིན་གཤེགས་པ་ཐམས་ཅད་དང་། རྡོ་རྗེ་འཛིན་དང་། འཁོར་ཐམས་ཅད་དང་བཅས་ནས། རི་རབ་རིའི་རྩེ་མོར་བཅོམ་ལྡན་འདས་
D482.085.0036a03.01ག་ལ་བ་དེར་ལྷགས་ཏེ། ལག་པ་གཉིས་ཀྱིས་རང་གི་ཁུ་ཚུར་གྱི་ཕྱག་རྒྱ་བཅིངས་ནས། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ལ་དམིགས་ཤིང་། བཅོམ་ལྡན་འདས་རྡོ་རྗེ་ཁུ་ཚུར་གྱི་དཀྱིལ་འཁོར་ཆེན་པོར་གྱུར་ནས་བཀོད་དོ། །དེ་ནས་རྡོ་རྗེ་ཁུ་ཚུར་གྱིས་དེ་བཞིན་གཤེགས་
D482.085.0036a04.01པ་ཐམས་ཅད་ཕྱག་རྒྱས་བཏབ་ནས་དཀྱིལ་འཁོར་ཆེན་པོ་འདི་གསུངས་སོ། །དེ་ནས་གཞན་ཡང་རབ་བཤད་པ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེའི་དཀྱིལ་འཁོར་འདྲ་བ་ནི། །རྡོ་རྗེ་ཁུ་ཚུར་ཞེས་གསུངས་སོ། །དེ་ཡི་དབུས་སུ་སེམས་ཆེན་པོ། །རྡོ་རྗེའི་ཁུ་ཚུར་
D482.085.0036a05.01གཞག་པར་བྱ། །རྡོ་རྗེའི་ཁུ་ཚུར་རྡོ་རྗེར་བཅས། །ལག་པ་གཉིས་ནི་བཙིར་བར་བྱ། །དེ་ཡི་ངོས་ནི་ཐམས་ཅད་དུ། །སངས་རྒྱས་གཟུགས་རྣམས་གཞག་པར་བྱ། །དེ་དག་གི་ནི་གྲྭ་ཀུན་དུ། །བྱང་ཆུབ་སེམས་དཔའ་ཀུན་བྲིའོ། །དེ་ནས་རྡོ་རྗེ་ཁུ་ཚུར་གྱི་དཀྱིལ་འཁོར་འདིར་
D482.085.0036a06.01རྡོ་རྗེ་སློབ་དཔོན་གྱིས་རྡོ་རྗེ་དང་བཅས་པའི་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ཏེ། །ཞུགས་ལ་འདི་བརྗོད་དོ། །ཧཱུྃ་དཀྵི་ཎི་སྨ་ར་ན་ཕཊ། དེ་ནས་བཅོམ་ལྡན་འདས་རྡོ་རྗེ་ཁུ་ཚུར་སློབ་དཔོན་ལ་གྲུབ་པར་འགྱུར་ཏེ། དེ་ལ་ཕྱག་རྒྱ་ཡང་བརྟན་པར་འགྱུར་ཞིང་སུས་ཀྱང་དབྱེ་བར་
D482.085.0036a07.01