完整藏文原文 · 德格版页 当前仅加载第 85 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཆོ་ག་རབ་ཏུ་བྱ་བ་ཡིན་ཏེ། རྟོག་པ་དག་ནི་ཀུན་ལ་ཡང་། །སེམས་དཔའ་གང་དང་གང་དག་གི། །སྙིང་པོ་ཕྱག་རྒྱ་སྔགས་བསྒྲུབ་པས། །དེ་ཡི་བདག་ཉིད་སྤྱན་དྲང་བསྒྲུབ། །གནས་དང་སྲོག་ཆགས་ཐམས་ཅད་ནི། །རང་གི་
D482.085.0055a01.01ཚུལ་གྱིས་ཆོ་ག་ཐམས་ཅད་བསྒྲུབ་པའོ། །རྡོ་རྗེ་བཟླས་པ་ནི་རྟོག་པ་ཐམས་ཅད་བསྒྲུབ་པའོ། །རྡོ་རྗེ་སེམས་དཔའི་གསང་བའི་བཟླས་པ་འབྱུང་སྟེ། ཕྱག་ན་རྡོ་རྗེའི་སྙིང་པོ་དང་། །ཕྱག་རྒྱ་སྔགས་རིག་དེ་བཞིན་ཏེ། །བཟླས་པའི་དོན་གྱིས་མགོན་པོ་
D482.085.0055a02.01བཟླས། །རྟོག་པ་ཀུན་ལའང་བསྒྲུབ་པར་བྱ། །ཕྱི་ཡི་རྡོ་རྗེ་རིགས་རྣམས་ཀྱི། །ཁྲོ་བོའི་མཉམ་པར་འཇོག་པའོ། །རྡོ་རྗེ་མ་རྣམས་ཐམས་ཅད་ཀྱི། །ཡིད་ཀྱིས་སུ་ནི་སྙིང་ཡང་གཟུང་། །བཟླས་པའི་དོན་ཞེས་བྱ་བ་ལ། །ཕྱག་ན་རྡོ་རྗེའི་
D482.085.0055a03.01འདོད་པ་བསྒོམ་ཞིང་བཟླས་པ་སྟེ། འདི་ལྟར་ཨོྃ་ཞེས་བྱ་བ་ནི་འདོད་པ་སྟེ་བདེ་བ་ཆེན་པོའོ། །འདོད་པ་ནི་རྡོ་རྗེ་སེམས་དཔའ་ཞེས་བྱའོ། །འདོད་པ་ནི་ཐམས་ཅད་དགུག་པ་དང་གཞུག་པ་དང་བཅིང་བ་དང་དབང་དུ་བྱེད་པའི་ཕྱིར་རོ། །ཛཿཧཱུྃ་བྃ་ཧོཿ།
D482.085.0055a04.01འདོད་པ་ནི་ཤིན་ཏུ་དགའ་བའོ། །འདོད་པ་ནི་བཟླས་པའི་དོན་ཏོ། །གསང་བའི་བཟླས་པ་འདི་བཟླས་ན་བསོད་ནམས་ཆུང་ངུས་ཀྱང་འགྲུབ་པར་འགྱུར་ཏེ། དེ་བཞིན་གཤེགས་པ་ཐམས་ཅད་ཀྱིས་ཀྱང་བསླུ་བར་མི་ནུས་སོ། །ཐལ་མོ་ཁོང་སྟོང་དུ་སྦྱར་ལ་མཆོད་པ་
D482.085.0055a05.01བྱ་སྟེ། དེ་ལ་མེ་ཏོག་གི་མཆོད་པ་ནི་མེ་ཏོག་གི་ཐལ་མོ་གྱེན་དུ་ཕྱེ་བས་སོ། །བདུག་པའི་མཆོད་པ་ནི་ཐུར་དུ་བརྐྱང་བས་སོ། །མར་མེའི་མཆོད་པ་ནི་མཐེ་བོ་མཉམས་པས་གཡོགས་པའོ། །དྲིའི་མཆོད་པ་ནི་རབ་ཏུ་བརྐྱང་སྟེ་སྟོང་བའམ་གང་བས་སོ། །ཕྱག་
D482.085.0055a06.01རྒྱ་འདི་རྣམས་ཀྱིས་ཡང་དག་པ་ཉིད་དུ་མཆོད་པར་འགྱུར་བ་ནི་སངས་རྒྱས་ཀྱི་ཞིང་ཐམས་ཅད་དང་། དཀྱིལ་འཁོར་ཐམས་ཅད་དང་། དམ་ཚིག་སེམས་དཔའ་ཐམས་ཅད་དང་། སྙིང་པོ་དང་ཕྱག་རྒྱ་དང་སྔགས་དང་རིག་པ་དང་ལྷ་ཐམས་ཅད་ལ་ཡང་ངོ་། །མཆོད་པའི་
D482.085.0055a07.01