完整藏文原文 · 德格版页 当前仅加载第 85 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་ན་གཞན་ལྟ་ཅི་སྨོས། རྡོ་རྗེ་ཁུ་ཚུར་གཉིས་ཀྱིས་སྙེམས་པར་བྱེད་པ་ནི་རྡོ་རྗེ་སྙེམས་པའོ། །དམ་ཚིག་གི་ཕྱག་རྒྱ་འབྱུང་སྟེ། རྡོ་རྗེ་བཅིང་བ་ཀུན་བྱས་ནས། །རྩི་བ་ལོགས་གཉིས་སུ་བསྐོར་ནས་སུ། །འཛིན་པས་བསྐྱོད་པས་འདུད་པ་སྟེ། །ཁྲོ་བོ་ཐམས་ཅད་མགུ་
D482.085.0049b01.01བར་བྱེད། །རྡོ་རྗེ་སེམས་དཔའ་མཆོག་བཅས་དང་། །རྡོ་རྗེ་གར་གྱི་རབ་སྦྱོར་བས། །མདོར་ན་མེ་ཏོག་ལ་སོགས་པའི། །གསང་བའི་མཆོད་པ་མྱུར་དུ་འགྲུབ། །རྟོག་པ་གཞན་གྱི་གསང་བའི་མཆོད་པ་དང་ཡང་སྦྱར་རོ། །དེ་ནས་རྡོ་རྗེ་གར་འབྱུང་སྟེ། །རྡོ་རྗེ་ཁུ་ཚུར་གཉིས་
D482.085.0049b02.01བཅིངས་ནས། །འཛུམ་པས་མཐའ་ནས་བརྩམས་ཏེ་དགྲོལ། །གློག་བཞིན་བསྒྱུར་ཏེ་བསྐོར་ཞིང་དགྲོལ། །འགྲམ་པ་དང་ནི་གཙུག་ཏོར་བཞག །རྡོ་རྗེ་གར་ཞེས་བྱ་བ་སྟེ། །བདག་ཆེའི་མཆོད་པ་ཐམས་ཅད་དོ། །མཆོད་པ་འདི་ནི་གསོལ་བས་ན། །དངོས་མེད་ཉིད་ཀྱང་
D482.085.0049b03.01མྱུར་དུ་འགྲུབ། །དེ་ནས་རྡོ་རྗེ་གཟུགས་ལ་སོགས་པའི་ཕྱག་རྒྱ་བཅིང་བ་ནི་རྡོ་རྗེ་བཅིང་བ་བརྐྱང་ལ་མཐིལ་དུ་བལྟའོ། །རྡོ་རྗེ་བཅིངས་པས་གཡོན་པའི་མཛུབ་མོ་ནི་པི་བང་གི་ཤིང་ངོ་། །གཡས་པ་བཀུག་པས་ནི་ལིན་ཏེ། བརྐྱང་བའི་ལག་མཐིལ་གྱིས་རང་གི་སྙིང་གར་བྱུག་གོ། །
D482.085.0049b04.01མེ་ཏོག་གི་ཐལ་མོའི་ཚུལ་གྱིས་རྡོ་རྗེ་རོ་བཏུང་བར་བྱའོ། །རྡོ་རྗེའི་ཁུ་ཚུར་གཉིས་བཅངས་ཏེ། གཡོན་པའི་མཐེའུ་ཆུང་ནི་གཡས་པའི་ཀྱོ་བ་ཏང་གིས་བཟུང་ངོ་། །ཀྱོ་བ་ཏང་དེ་གཡས་པས་སེམས་དཔའི་དམ་ཚིག་ཐམས་ཅད་དང་། སེམས་ཅན་ཐམས་ཅད་ཀྱང་དགུག་གོ། །རྡོ་རྗེ་
D482.085.0049b05.01བཅིངས་ལ་མཐེ་བོང་མདུད་པ་ནི་ཞགས་པའི་ཕྱག་རྒྱའོ། །རྡོ་རྗེ་ཁུ་ཚུར་གཉིས་ཀྱི་མཛུབ་མོ་སྦྲེལ་བ་ནི་ཐམས་ཅད་བཅིང་ངོ་། །རྡོ་རྗེ་འབེབས་པའི་ཕྱག་རྒྱས་ནི་ཐམས་ཅད་འབེབས་པར་བྱེད་དོ། །དེ་ནས་གོ་ཆའི་ཕྱག་རྒྱ་འབྱུང་སྟེ། ཁུ་ཚུར་བཅིངས་པ་གཉིས་ཀྱིས་སྙིང་གར་མདུད་པའི་
D482.085.0049b06.01ཚུལ་དུ་བྱའོ། །སྤོས་ནས་ཡང་ལྟག་པར་ཡང་དེ་བཞིན་ནོ། །སྤོས་ནས་སྙིང་གར་ཡང་དེ་བཞིན་ནོ། །ཡང་བར་དུ་ཡང་མདུད་དོ། །ཡང་སྤོས་ནས་སྙིང་ག་དང་ལྟག་པར་ཡང་དེ་བཞིན་ནོ། །མགོ་ལ་ཡང་དེ་བཞིན་དུ་དབང་བསྐུར་བའི་གནས་སུའོ། །ཕྲེང་བ་བཅིང་པའི་མདུད་
D482.085.0049b07.01